استفسار بخصوص رادار محور 26 يوليو

**أبو صلاح** · 08-11-2009 12:42 PM

بص ياباشا
انا يوم الخميس الي فات كنت بجيب شهادة مخالفات وكنت عامل حسابي في مبلغ محترم لاني خلال يومين كنت كاسر 3 إشارات والفلاش صورني (متسألش ده حصل ازاي) الكلام ده كان أكتر من شهر يعني المفروض نزلت على الكمبيوتر المهم مالقيتش حاجة فرحت جدا وبعد لما استلمت شهادة المخالفات ودفعت ال 5 جنيه سالت الموظف بتاع النيابة على الموضوع ده وحكيتله القصة
قالي الفلاشر لحد دلوقتي تحت التجربة ولسه لم يتم تفعيله وقالي كبر دماغك مش هينزل حاجة لسه قدامهم شوبة على ما الشركة المتعاقدين معاها تخلص ونجرب وبعدين نشتغل بيها

**أشرف العدوي** · 08-11-2009 12:47 PM

بص ياباشا
انا يوم الخميس الي فات كنت بجيب شهادة مخالفات وكنت عامل حسابي في مبلغ محترم لاني خلال يومين كنت كاسر 3 إشارات والفلاش صورني (متسألش ده حصل ازاي) الكلام ده كان أكتر من شهر يعني المفروض نزلت على الكمبيوتر المهم مالقيتش حاجة فرحت جدا وبعد لما استلمت شهادة المخالفات ودفعت ال 5 جنيه سالت الموظف بتاع النيابة على الموضوع ده وحكيتله القصة
قالي الفلاشر لحد دلوقتي تحت التجربة ولسه لم يتم تفعيله وقالي كبر دماغك مش هينزل حاجة لسه قدامهم شوبة على ما الشركة المتعاقدين معاها تخلص ونجرب وبعدين نشتغل بيها

الله يبارك فيك طمنتي
انا كنت عامل حسابي على 1500 غير الركن في الممنوع مش عارف بكام
انا ان شاء الله رايح يوم 27/11 او بعد العيد على طول
و ان شاء الله هبقى اقولكوا ايه الي حصل

يا عم ردار ايه بس وعربية ايه بس كله بيخلص في المرور عند المامورههههههههههههه

الموسوعة ما بيدفعش رشاوي

**wisambasha** · 08-11-2009 03:45 PM

[QUOTE=LORD.ADeL;3872110378]مع انى مش عارف مين اللى تكلمو عليه وزهققين منه بخصوص الافيو
لاكن اللى اعرفه هوا موقع خدمات المخالفات اشتغل ولا لا
واذا كان شغال ياريت للينك خاص بيه ((:[/QU

الموقع لسة مش شغال

اللينك اهه

الحكومة الإلكترونية - خدمات نيابات المرور

**أشرف العدوي** · 08-11-2009 03:45 PM

هو أشتغل يومين و قطع تاني
خد اللينك بتاعه اهو
بس مش بيشتغل غير على أنترنت أكسبلولر يعني ما ينفعش فاير فوكسو اوبرا و الكلام ده
https://www.masr.gov.eg/arabic/servi...ction=Citizens

**أشرف العدوي** · 10-11-2009 03:14 PM

تسلم ياغالي
ودي رساله اللى ظهرت لي
رســـالــــة النــظــام
الخدمة تحت التحديث لتتوائم مع النظام الجديد للوحات الرقمية الجديدة الخاصة بتسيير السيارات في محافظتي القاهرة و الجيزة
وطهرت ع فاير فوكس.؟

ايوة ما هو قفل تاني مع انه كان شغال بالنمر الجديدة الي هي حروف و ارقام لمدة يومين و بعد كدة قفل
و هو بيفتح عادي بالفاير فوكس لكن لنا تيجي تستعلم عن المخالفات ما بيشتغلش لازم انترنت اكسبلولر مش عرف لما يفتح تاني حتكون المشكلة دي اتحلت و لا لاء

ربنا يستر علينا

**أشرف العدوي** · 20-12-2009 03:07 PM

الرادار طلع فشنك
و كمان الركن في الممنوع 3 مرات بردو فشنك
روحت جددت انهاردة و جبت المخالفات و طلعت مافيش
بس في حاجة غريبة حصلت من غرائب المرور
انا مستلم النمر الجديدة من شهر 5 الي فات و روحت جبت شهادة مخالفات على النمر المؤقته شهر 5 الي فات و غيرت المؤقته بالجديدة
انهاردة لما روحت سألني على النمر المؤقته بردو قولتله طبعاً مش فاكر رقمها خالص
قالي مش هينفع نطلعلك شهادة مخالفات للنمر الجديدة غير بالمؤقته ( مش عارف ليه و ازاي )
المهم اتصلت بكل الناس الي اعرفهم و الي ما اعرفهمش لحد ما وصلت للنمرة المؤقته كتبتها في شهادة البيانات قالي اطلع يا حلو بقى على مرور بين السرايات هتالنا المخالفات الي عليهاعلشان النمر المؤقته في مرور بين السرايات
ليه يا عم الحاج ما انا خلاص غيرتها و ركبت النمر الجديدة من شهر مايو الي فات و جايب عليها براءة ذمة قالي هو ده النظام
تاكسي و على بين السرايات جبتهم تاني و بردو ما فيش مخالفات
و روحت على مرور فيصل جري و طلعت المخالفات بتاعة الجديدة و الحمد لله مافيش بردو
التكاليف لمدة سنتين
تأمين اجباري 140 جنيه
ضريبة 489 جنيه مش عارف ليه
مرور بين السرايات 10 جنيه علشان مخالفات المؤقته
مرور فيصل 5 جنيه علشان مخالفات الجديدة
نموذج تجديد 6 جنيه
شهادة بيانات ( ورقة فلوسكاب واحد كاتبه بأيده ) 5.5 جنيه
دوسيه كرتون ( مش بيعترفوا بالدوسيه البلاستيك ) بـ 2 جنيه
يبقى كله لحد انهاردة علشان لسة هروح بكرة اسلم الملف 657.5

-

-

-

الموضوع: استفسار بخصوص رادار محور 26 يوليو

LinkBack

أدوات الموضوع

عرض

-

-

-

-

-

المواضيع المتشابهه

ملحوظه بخصوص رادارات محور 26 يوليو

رادار محور 26 يوليو

تحذير: رادار محور 26 يوليو بيهيس

هام : تحذير من مطب خطير على محور 26 يوليو

كاميرات تصوير على محور 26 يوليو

الكلمات الدلالية لهذا الموضوع

المفضلات

المفضلات

ضوابط المشاركة