استفسار بخصوص رادار محور 26 يوليو

**أشرف العدوي** · 20-12-2009 04:02 PM

هو المفروض بيصور كله
بس المؤقته ما صورش
و الجديدة بردو ما صورش

**wisambasha** · 22-12-2009 04:56 PM

المشاركة الأصلية كتبت بواسطة أبـو آســـــر

بس في حاجة غريبة حصلت من غرائب المرور
انا مستلم النمر الجديدة من شهر 5 الي فات و روحت جبت شهادة مخالفات على النمر المؤقته شهر 5 الي فات و غيرت المؤقته بالجديدة
انهاردة لما روحت سألني على النمر المؤقته بردو قولتله طبعاً مش فاكر رقمها خالص
قالي مش هينفع نطلعلك شهادة مخالفات للنمر الجديدة غير بالمؤقته ( مش عارف ليه و ازاي )
المهم اتصلت بكل الناس الي اعرفهم و الي ما اعرفهمش لحد ما وصلت للنمرة المؤقته كتبتها في شهادة البيانات قالي اطلع يا حلو بقى على مرور بين السرايات هتالنا المخالفات الي عليها:i_angr1[1]:علشان النمر المؤقته في مرور بين السرايات
ليه يا عم الحاج ما انا خلاص غيرتها و ركبت النمر الجديدة من شهر مايو الي فات و جايب عليها براءة ذمة قالي هو ده النظام

الجديد في تراخيص السيارات في مصر:
لو نمرك جديدة (حروف وأرقام) يبقى المطلوب منك تجيب بيان صرف لوحات مكتوب عليه النمر القديمة!!!. وبعدين تجيب شهادة مخالفات على النمر القديمة الأول، وبعدين تجيب شهادة مخالفات على النمر الجديدة...

طبعا لو انت من المحظوظين هايكون شهادة مخالفاتك للنمر القديمة والجديدة في نفس المرور، لو انت من سيئي الحظ..هاتروح ببيان صرف اللوحات إللي عليه النمر القديمة للمرور إللي تنبعه النمر القديمة وتجيب شهادة مخالفات من هناك، وبعدين ترجع بالشهادة دي لوحدة مرورك.!

القرار ده سيستمر لمدة ثلاث سنوات من 2009. ليه بقى؟!!! لأن الحكومة اكتشفت إن في مخالفات لم تكن قد سُجلت بعد، وبالتالي في فلوس لسة مادفعتش!!

**mada121977** · 22-12-2009 10:06 PM

يعنى الجواب النهائى
الرادار اللى على المحور شغال ولا فشنك ؟؟
انا بشوف ناس طايره عليه مش اقل من 120 كم وعادى جدا ولا اكن فيه ردار والبهوات اللى فى العربيات الكيا الخاصه بالمرور على طول يانايمين فيها يا بياكلوا ومابيعملوش حاجه غير كده !!