-
لانسر 1600 2008 !!
السلام عليكم,
ياجماعة هل لايزال أنتاج لانسر الشكل القديم 1600 مستمر
أن شفت علي contactcars.com كتبين لنسر 1600 موديل 2008
------------------------------------
لانسر 1.3 F/O M/T 2008 93500
لانسر 1.3 F/O A/T 2008 97500
لانسر 1.6 F/O M/T 2008 103500
لانسر 1.6 F/O A/T 2008 107500
------------------------------------
لو واحد هيشتري شهر 3 الجاي هيلاقي ولا لأ و هل يوجد منها خليجي؟
-
بسم الله الرحمن الرحيم
اخي الكريم .اللانسر الشكل القديم موجود - حتي الان - ..و هما بيقولوا انه موديل 2008..
انا شخصيا اعتقد انه 2007 بس بيظبطوا الورق و يخلوه 2008 .. لاننا مسمعناش عن شركة - و خصوصا شركة كبيرة زي ميتسوبيشي - بتنتج شكلين مختلفين تماما لموديل واحد.
المهم ... يوجد منه بالطبع الخليجي .. و ده ممكن تلاقيه في معارض كتير .. منها سمير ريان في مدينة نصر .. و فور براذرز و غيرهم .. و عليك و علي اهرام الجمعة ..
.. السيارة منها 1300 و 1600
..هل ستكون موجودة حتي شهر 3؟؟؟ بصراحة دي مقدرش افيدك فيها تماما ..بس اعتقد انها حتفضل موجودة لغاية ما الستوك يخلص ..يخلص امتي ... ربنا سبحانه و تعالي اعلم ...
و برضه اصحاب الخبرة في المنتدي يفيدوك اكتر مني ..
تحياتي
-
استاذ mnegypt أستاذ hk_52
أهلا وسهلا بيكم
واضح انكم جداد في المنتدى لأن الموضوع ده معروف جدا واتكلمنا فيه كتير
هو طبعا اللانسر مستمرة شكل قديم وشكل جديد في 2008 بالكامل ومحتمل 2009 كمان
انا باشتغل في التوكيل (مصرية) ومتأكد من المعلومة دي
وتفاصيل الموديلين موجودين في الموقع بتاع الشركة :
www.mitsubishi-motors.com.eg
شهر مارس القادم طبعا موجودة 1600 المصري والخليجي لأن الشركة في اليابان هي اللي عاملة الموديل فهو موجود في مصر وفي الخليج
سبب وجود شكلين ان الشكل القديم سمعته عالميا هايلة (وخاصة في مصر) واكيد ميتسوبيشي حريصة على استمرار الشكل لأن بيعه مضمون ده بخلاف ان الشكل الجديد فرق سعره عن القديم مش بسيط وبالتالي ففيه ناس كتير بتعتبر الشكل الجديد خرج عن الشريحة اللي كانت بتشتري الشكل القديم ودخل شريحه اعلى
عموما لو حضراتكم قلبتم في المواضيع القديمة شوية في منتدى ميتسوبيشي هتلاقوا معلومات كتيرة جدا ومفيدة واهلا وسهلا بيكم
-
لسه شايف امبارح على الدائرى عربيات نقل سيارات بتنقل لانسر شكل قديم
-
جزيل الشكر للاستاذ مصراوي جدا علي الافادة ... لكن لي سؤال بعد اذنك ...
هو صحيح ان محركات ال 1600 الخليجي اعلي في الهورس باور من المواصفات المصري .. و اللا كله زي بعضه .. و التجار بس بيعملوا تسويق لبضاعتهم ..؟؟
شكرا جزيلا
-
ممكن ناخد فكرة عن الأسعار و هل أسعار كونتكت مظبوطة ؟ :-)
Content Relevant URLs by
vBSEO 3.6.0 PL2