انا ركبت الوولف برضو عندهم فى سوق القنال واللى ركبه كان الفنى اللى اسمه عمرو وكان بيساعدو وليد برضو.....
والانذار بتركيبه ب 200 جنيه مع ضمان خمس سنين....
الصناعه ..مصرى....
مستوى الجوده....محترم....
مدى الريموت......حسب قوه البطاريه ووصا ل 50 متر معايا او اكتر على الرغم من انهم قالولى 20 متر...
الاشكال....هتطلع الدور التانى تبص على لوحه الريموتات وتنقى الرقم اللى على زوقك.....
وقت التركيب .....حوالى ساعه...
عندهم 2way؟.......لأ بس عاملين ريموت بشاشه منظر فقط...
عندهم منتجات تانيه؟
عندهم سنتر ب 60 جنيه وبالتركيب 100 عليه ضمان سنه....
ووحدات رفع الوحده ترفع اتنين زجاج بالتركيب ب 70 جنيه....
لو هترفع 4 يبقى وحدتين ب 140 جنيه...
وهندهم كاسيتات ودى فى دى وسماعات وجى ام بس بصراحه شكلهم مش عاطفى....
ملحوظاتى....
ناس محترمين وشغلهم نظيف...لكن عنرو الفنى اللى بيركب ...بتاع اشتغالات وحوارات.....
أول حاجه ...حاول يقنعنى مركبش وحدات رفع عشان بتحرق مكن الازاز.......
قلت خلاص يبقى مش معقوله مش عايز يشتغل....اكيد كلامه صح.....
تانى حاجه قللى لو عايز تفتح الشنطه بالريموت هيزيودوا عليك 50 جنيه كتاوت.....ممكن اتصرفلك فى واحده ب 20 بس...
طبعا كان ردى بلاش تفتح الشنطه بالريموت انا هفتحها بالزرار كفايه...
طبعا إتغم انى بوظتله المصلحه وكمان كنت عامل سنتر الشنطه بره مش عندهم....فمعرفش يشتغلنى.....وفى النهايه ..قلتله بص يا عمرو...
انا محبش اللى يشتغلنى ...لو على الفلوس خد اللى انت عايزه بس اعملى شغل صح...
اديته هو ووليد 20 جنيه شاى ليهم......
ودخلت احاسب على الجهاز لاقيتهم بيزودوا عليا 10 جنيه كمان....
رفضت ادفعهم ...فسكتوا عادى وفضلوا يبصوا لبعض.....
فى النهايه...اصل حضرتك غيرت البورده....
يا ساده البورده جايه بريموت متخربش ومركبتش...اتغيرت قبل التركيب...
طب معلش بقى يا عمرو ....تتعوض....
يعنى الاشتغالات رسمى فى عدم وجود مهندس عندهم ...أول ما مشى انتخوا كلهم.....
كمان لاقيته وصلى الشنطه بالريمزت ...(يعنى مفيش حاجه اسمها كتاوت)
ولغى السويتش مع نفسه اللى بفتح بيه الشنطه....
فى الاجمال هما احسن من بره...بس لازم تكون مفتح..لان الصنايعيه هما هما فى كل حته.....
الانذار والسنتر ووحده الرفع عندهم اغلى من بره بس بتشترى ضمان تركيب وقطع غيار....