ركبت إنذار وولف يوم السبت اللى فات!!
الحمد لله بعد لف وقراءه مواضيع كتير هنا فى المنتدى و سؤال فلان وعلان من المعارف والزمايل
ركبت انذار وولف لعربيتى الافيو يوم السبت اللى فات
ركبته عن الوكيل بتاع الانذار شركة عبر البلاد فى جسر السويس خلف شركة abc سوق القنال
الانذار تمنه 160 والتركيب 40 جنيه وركبت قطعه سنتر بتربط بين ريموت الانذار وسنتر العربية عشان اقدر افتح العربية من ريموت الانذار ومش شرط المفتاح
وماركبتش وحده رفع لان اتقالى ان فيها مشاكل وهى كانت عندهم ب 70 جنيه اللى بترفع زجاجين
عشان الافيو فيها اتنين زجاج كهرباء فقط
الناس كويسين جدا وعندهم شغل مش نايمين وعلى فكرة هى ورشة صيانه متكاملة وبيهتموا باللى يروحلهم اول مرة زى كده
اللى راكبلى الانذار واحد فنى اسمه عمرو ده شاطر فاهم شغله كويس هو اللى بيفك وهو اللى بيركب بايده كل حاجه
واللى ركب السرينه فى حوض الموتور اسمه وليد برده ما يتخيرش عن اللى ركب الانذار
انا قولت اقولكم للعلم والافادة عشان ده حقكم
واى استفسار انا فى الخدمة