منور السايت يا دكتور واحشنا و الله كتير ووحشانا مواضيعك الجامده و يا ريت تشرفنا في المقابله الجايه ان شاء الله
سلامى للجميع
انا مع فكره انه يكون بره القاهره بعيد عن الزحمه .. يعنى السخنه مثلا
ولو مش مناسب نخليها مع رأى الاغلبيه لو اتفقوا على مكان ثانى
وأنسب ميعاد يكون الجمعه او السبت علشان الاجازه
تحياتى
السلام عليكم ورحمة الله وبركاته
انا اول مره هكون معاكوا واتمنى ان جو العائله ده يدوم على طووول وعلى فكره اي مكان مش مهم المهم ان احنا هنكون مع بعض واي مكان احنا الي هنخليه حلو او وحش
وانا عندي اقتراح علشان الناس الي من بره القاهره الي انا واحد منهم نخليها المره ده القاهره بس على شرط ان احنا نحدد معاد ثابت للمقابلات ويبقى كل مره في بلد منها منزعلش حد ومنها نشهر عائلة البروتون يعني ممكن يبقى اول جمعه من كل شهر وكل مره نحدد البلد الي هنبقى فيها المره الجايه وفي خلال سنه مثلا هنبقى لفينا مصر كلها وهيبقى الناس كلها عرفت عن عائلة بروتون
ده رئي وانا اسف على الاطاله
لو الربوة انا معاكوا لئنى ساكن فى الزهراء غير كده صعب عشان لسة ماعيش رخصة وماببعدش بالعربية
يا جماعة إيه رأيكم نطلع علي جدو اللي في الثامن؟ الشيشه هناك جامدة مووت......:ma:
أي مكان في القاهرة, بس بلاش موضوع النيل ده عشان الركنة هنال سهلاااااااااااااااااااااا اااااااااااااااااا......
طبعا تثبيت المواضيع بسرعة كده بقى يلخبط شوية عشان أنا عموما مش من الناس اللى بيلفت انتباهها المواضيع اللى اتثبتت بس أيمن قاللى بعد مكالمة إمبارح قلت أخش أشوف إيه النظام.
أنا رأيى زى أغلب الأعضاء المكان مش مهم على أد ما هو مهم الناس اللى هتيجى و لو إنى عندى ميل تتعمل حاجة مختلفة المرة دى زى اقتراح السخنة أو اسكندرية و الاسماعيلية كمان أحسن محمد يكون متابع و يكهربنى:8954[1]: بس برده مش عايزين نتفق على مكان ناس كتير مش هتقدر تروحه حاولوا تظبطوها تكون مناسبة لأكبر عدد ممكن و خاصة الناس اللى أول مرة هتيجى
اشطه انا راشق في اي حته بس فعلان الازهر احسن مكان ممكن نتقابل فيه بس المهم المعاد يكون مناسب لان انا اليومين دول بسافر شغل كتير و بالمناسبه لازم نعمل اجنده للمقبله