الموضوع: حاجه جديده جامده اسمها كاسيت فلاشه او كاسيت موميرى

الصور اهى للاخوة اللى كانو طالبنها
واسف على التاخير










اكيد لاحظتو ان الجهاز تصميمو بسيط واضاءته بالليل هادية مفيهاش حركات كتير لكن فى نفس الوقت التقفيل نضيف زى مباين فى الصور بالنسبة للصينى يعنى متلاقيش زراير مفارقة عن بعض او كل زرار باصص فى ناحية زى معظم الاجهزة الصينى
والاهم من ده كلو صوتو بجد محترم جدا جدا جدا
وعلى فكرة انا حاطط جواه كارت 4 جيجا وشغال معايا زى الفل
واى استفسار انا فى الخدمه

made in chine
very bad
citi sound excellant

المشاركة الأصلية كتبت بواسطة Abdo_Eldesokey

ألف شكر يا باشا على ردك

انت جبته منين ؟؟ وبكام ؟؟ ومعاه ضمان ولا لأ ؟؟

ولو مفهاش رخامة ، الخرج بتاعه كام rms أو كام وات ؟؟

رخامة ايه بس ياباشا انت تؤمر :)

انا جايبو من طنطا ب 180 معهوش ضمان بس فى ناس اصحابى شاريين السيتى ساوند ده من سنتين سى دى وشغال معاهم تمام

مكتوب عالعلبة انو 200 وات
وبالنسبة لل rms : 7w x 4ch

المشاركة الأصلية كتبت بواسطة AMA

عندى كام أستفسار بعد إذنك أنا عارف ان الموضوع دة بقى حمل عليك كبير

ياباشا ولا حمل ولا حاجة احنا كلنا اخوات وموجودين هنا عشان نفيد بعض
بس مقولتوليش رايكو فى الجهاز على فكرة :)

1- مفيش أشكال منه يعنى و ألوان تانيه أو أكبر أو هكذا ؟

الجهاز ده فى منو موديلات كتير جدا...الموديل اللى انا جبتو ده اقل موديل فى السيتى ساوند على فكرة من ناحية الامكانيات والشكل لكن جودة الصوت كلهم واحد
فى موديلات صينى تانية تعبانه زى الماتسوبيشى ورويال ميوزيك فيهم حركات فالاضاءة وشكل الزراير عن ده مقابل تقفيل سىء وجودة صوت اقل وهتلاقيهم ارخص شوية منو كمان لو انت يهمك اكتر الشكل والالوان
بس انا حبيت اجيب جهاز خرج الصوت بتاعو حلو ودى اهم حاجة بالنسبالى وكفاية ان الماركة دى بتطلع موديلات كتير بفئات مختلفة وبتطلع شاشات ديفيدى وسماعات

2- بيشغل أسطوانات ؟ ولا فلاشه و ميمورى بس

اللى انا جايبو ده فلاشة وميمورى بس
فى موديلات بتنزل منو بتشغل اسطوانات بس انا قولت هحتاج الاسطوانات فى ايه مادام بيشغل كارت وفلاشه
فى واحد صاحبى جايب منو موديل بيشغل اسطوانات بقالو سنتين وشغال معاه تمام
وانا بشترى كان فى موديلات كتير جدا منو اسعارها بتوصل ل 500 جنيه فشوف انت محتاج ايه فى الجهاز اللى هتجيبو

3- لو سماعتين كينود 400 وات مثلا + جى أم هيعمل بيز فى العربية جامد أوى ولا لأ ؟

معنديش فكرة لانى مش خبير فى الصوتيات :) بس اعتقد الاستاذ عبده الدسوقى افادك فى النقطة دى

و ألف شكر مقدما