المشاركة الأصلية كتبت بواسطة dr.mostafa anwar
كان عندي نفس المشكلة في عربيتي الكورولا
فكيت فتحات التكييف البلاستيك من مكانهم اللي على الأجناب واللي في النص وأخذتهم على الشقة وفي طبق بلاستيك كبير من بتوع الغسيل وما تتوصاش بقى في البيريل أو أي سائل تنظيف أطباق
وبعدين في مواسير توصيل الهواء بفففوطة جديدة أو مناديل ورقية تمسح كويس قوي وتوصل للداخل لحد ما تقدر أو تجيب فرشة تنظيف من الطويلة الخاصة بالحمامات جديدة وتشغل المروحة على أقصى سرعة وأنت شغال عشان تطرد الأوساخ اللى الفرشة هتطلعهم وما يدخلوش على المروحة ...
بعد ما تنشف فتحات التكييف نشفهم كويس جدا جدا حتى لو سبتهم في البلكونة في الهوا يوم كامل عشان ما يلموش تراب والدنيا تتطين وبعد كده ركبهم واستمتع بهواء نقي ... وفعلا فرقت جدا جدا جدا في ريحة الهوا اللي طالع من الفتحات وكمان كان التراب بيسببلي حساسية في العين راحت بعد ما نظفت الفتحات والمواسير بالطريقة دي ...
تحياتي لك