ياترى ايه الحكمه من الالغاء

كلكم طبعا متابعين باهتمام موضوع او مشروع الغاء الملاكى القديم واحلاله وانه فيه ناس معترضه بشده لاكتر من سبب
وناس تانيه شايفه انه كويس ( مع بعض الاعتبارات اللى مفروض تتاخد فى الحسبان ) نظرا لسوء حاله السيارات القديمه وتلويثها للبيئه
انا سؤالى عن موضوع (وان كام قديم شويه ) هل تعتقدوا ان الغاء تركيب موتور غير الموتور الاصلى للسياره
هو اللى ادى لسوء حاله السيارات وهل لو كان مسموح حاليا بيه يارتى فعلا كان هيؤدى الى حاله افضل للسيارات

انا رأى وانا اصلا غير مقتنع نهائيا ( ومش عارف ايه الحكمه منه ) بالغاء تركيب مواتير على السيارات انه احد الاسباب الرئيسيه للحاله اللى وصلت فيه السيارات وتلويثها للبيئه والاعطال المستمره ليها واللى احد اسبابها قطع الغيار المضروبه
اعتقد انه السماح كان هيؤدى لوجد حاله افضل كتير جدا للسيارات مش بس الموتور ولكن حاله افضل كمان لجسم السياره لان اكيد اللى هيسقط موتور جديد هيهتم اكتر بحاله السياره عموما
مش عارف ايه رايكم

ياباشا الحكومة مفلسة
وبعدين الناس نفسها تركب حاجة محترمة مش تجميع محلى تعبان

انا سمعت ان مشروع احلال التاكسى بقى فيه رشاوى بالعبيط علشان
الناس تكهن

حكومة اعلانات لو يوفروها للبلد يبقى احسن

ما هو لو تم خفض الجمارك علي السيارات او ألغائها و الوكلاء رضوا بربح معقول ستنخفض اسعار السيارات الجديدة و بالتالي سيحدث الاحلال المنشود بدون قانون و لا دياوله

سبب التراجع عن القرار هو إنهم اكتشفوا إن المشروع فيه جرعة تطور زيادة على الشعب

تسقيط موتور مش ممنوع ولا حاجة
و الاحلال دة اى هبل و خلاص
طب يعملوا زى المانيا لما ادت خصم 5000 يورو على العربية الجديدة

عشان غبور واخوانه يشتغلوا والجمارك تزيدوالحصيلة تعلا

اصل الاية معكوسة فى البلد دى
الحاجة اللى تبسط الناس ما تتعملش
و اللى يقرفهم و يطلع *!# يتعمل
ثم ان الحكومة دلوقتى كل دورها انها تلم و تقش فى جيوب الناس
حكومة كومى يعنى

اقتباس:

---

المشاركة الأصلية كتبت بواسطة gemino

ثم ان الحكومة دلوقتى كل دورها انها تلم و تقش فى جيوب الناس
حكومة كومى يعنى

---

حلوة دي :verygood: :verygood:

بس ليه ماتكونش ولد :shine[1]:

عشان ما تعلا وتعلا وتعلا لازم غبور يكسب ويكسب ويكسب

اقتباس:

---

المشاركة الأصلية كتبت بواسطة NYSMA

حلوة دي :verygood: :verygood:

بس ليه ماتكونش ولد :shine[1]:

---

صعب تكون ولد
بس ممكن تكون شايب خرفان و بيكتب وصيته :3_3_102[1]:
الحل فى موضوع الاحلال ده ان الجمارك تتلغى و كفاية عليهم ضريبة من اين لك هذا و ليه بتشترى :beatdeadhorse5:(ضريبة المبيعات) و الاتاوة :B4_282: (رسم تنمية كرش الدولة)

يا باشا أنا معاك بس الموتور لوحدة مش كفاية لإن عظم العربية القديمة خلاص خلص وإن كان ولابد من قانون الإحلال فلازم مايكونش إجبارى على الملاكى

ماهو لو ماكنش اجبارى يبقى قليل اوى اللى هايغير فلازم يعملوة اجبارى
وبعدين هما عاملين الاحلال لحد سنة كام عشان انا مش متابع الموضوع دة ومش عارف منين اجيب منين مصدر صحيح

ربنا ياخد اللي فبالي

تغيير الموتور مش ممنوع فى حاله انه يكون من نفس نوع السياره

بمعنى انك ممكن تركب موتور ريجاتا فى 128 على اساس ان الاتنين من نوع واحد (فيات)
لكن الحكومه منعت تغيير الموتور لنوع اخر ياعنى ماينفعش اركب موتور bmw فى عربيه هيونداى

وموضوع الاحلال اللى حصل للتاكسى ده كان مشروع قومى فعلا بدليل كل سائقى الاجره كانوا متخاوفين من هذا الموضوع لكن اليوم بيتمونوا ان دورهم يجى بسرعه ويعملوا احلال لعربيتهم

اعطال التاكسى فى الشارع تكاد تكون معدومه اليوم
مصانع الحديد اشتغلت اكتر من الاول ده غير توافر العمل لبعض الحرف بسبب موضوع الاحلال

اما بالنسبه لموضوع احلال الملاكى انا شايف انه يتاجل شويه ويلقوا النظر على الميكروباص اللى فعلا محتاج تكهين انا باشوف ميكروباصات فعلا غير ادميه وفى نفس الوقت خايف منه جدا لان السواقين دول لما يركبوا عربيات حديثه مش عارف ممكن يعملوا بيها ايه
لما عربيات بتعوم وغير صالحه بالمره وبيطيروا بيها امال لو معاهم حاجه نظيفه وحديثه هايعملوا بيها ايه ؟؟؟؟؟؟؟؟