حجزت السيريون 1300 gl اتوماتيك

**rockana** · 27-10-2009 01:56 PM

ادعولى يا شباب لو سمحتوا انى استلم السريونه على خير
اولا انا اتشرفتت بمعرفتكوا عن طريق المنتدي الجميل ده
ثانيا انا هاجيب ال 1300 ال GL 2009 الاوتوماتيك بس لسه ماخترتش اللون
بقارن مابين الفضي و الشامبين ايه رأيكوا ميين اجمل ؟؟
ثالثا في ايه حاجه تنصحوني بيها عند الاستلام - و ايه اللي بستلمه مع العربيه
رابعا و مش اخيرا هو انا لازم اعمل الصيانات كل 5000 ولا ممكن كل 10000 بس من باب تقليل النفقات هامشي بمبدأ احسبها صح .. تعيش و تاخد غيرها
خامسا و اخيرا شكرا على الردود و الدعوات مقدما

اه قبل ما انسي
انا جايبها قسط اسلامي من الوكيل - اي استفسار انا فى الخدمه

**GMakram** · 27-10-2009 02:36 PM

اولا الف مبروك مقدما السيريوناويه زادو واحد,انا كنت اخر عنقود السيريوناويه اشتريتها من 3 شهور gl 1300 اوتوماتيك بردو و جبتها فضى
وانت بتستلم اتأكد بس من الدواسات الاصليه وابقى بص على الاستبن والكوريك وكدا كدا توكيل دايهاتسو محترم جدا مش هينصبوا فى اى حاجه وطبعا ابقى بص بصه كدا على كل حاجه فى العربيه الانوار والازاز ومتنساش كتاب الضمان والاوراق الخاصه بالعربيه الافراج الجمركى والحجات دى(غالبا هيسلموهالك تانى يوم)
بالنسبه للصيانه انا معملتش صيانه الالف لانها مش مهمه اوى مجرد كشف على سوائل العربيه لكن صيانه الخمسه مهمه لانها فيها تغيير زيت فانا شايف متهملش الصيانه دى ولما عملتها اتكلفت 250 جنيه كلها
متقرصش على الموتور اول 1000 كيلو العربيه حلوه اوى ووسعه مش هتضايق من حاجه فيها غير موضوع السماعات اللى فى التابلوه وبس لان صوتهم مش قد كدا لو انت بتحب تسمع مزيكا
الف مبروك مره تانى ولو فيه اى استفسار اتفضل
تقبل مرورى وتحياتى

**rockana** · 27-10-2009 03:34 PM

شكرا Gmakram على الرد
انا اقصد لو هاحط زيت موبيل 1 بتاع 10000 يبقي اروح كل 10000 ولا لازم كل 5000

**GMakram** · 27-10-2009 03:51 PM

هو صيانه الخمسه الاف بتكون عباره عن تغيير زيت وتربيط عفشه وكشف عام على العربيه وافتكر انك انت هتبقى محتاج تروحها علشان لو فيه اى حاجه بتشتكى منها فى العربيه تقولهم عليها فأنا رأيى روح صيانه الخمسه وبعد كدا يحلها حلال

**MoToRiZeR** · 27-10-2009 06:25 PM

ألف مبروك أولاَ .. و انا برشحلك اللون الفضي جميل جداَ و كمان الأزرق الفاتح .
بص يا باشا .. أول صيانة بيتغير فيها زيت بتبقي الخمسة .. و بما إنك هتحط موبيل وان اللي بيتغير كل 10 .. يبقي صيانات الزيت هتبقي 5 و 15 و 25 و 35 إلخ .
صيانات 10 .. 20 .. 30 .. بقي بيتعمل فيها إيه ؟ شيك كامل علي العربية و شغل تنضيف لتيل الفرامل و الطنابير و رجلشة الفرامل و عمل روتاشن للعجل للمحافظة علي عمره الإفتراضي.

لو عملت خمسة و مرحتش العشرة و رحت 15 علي طول .. هتغير زيت + هيعملولك شغل صيانة ال 10 لأن لازم يعملك روتاشن و تنضيف مجموعة الفرامل .. و ده طبعاَ بيزود ثمن مصنعية الصيانة .. فا لو حسبتها هتلاقيها هي هي .. بدل ما تعمل صيانة ب 200 جنيه و بعدها صيانة ب 450 جنيه هتلاقي نفسك بتعمل صيانة واحدة ببتاع 600 جنيه .. بيبقي فيه فرق طبعاَ بس مش بشع يعني .

**rockana** · 27-10-2009 09:30 PM

تسلملى يا موتو انت و جي مكرم
ان شاء الله نتقابل فى مقابلة السيروناويه الجايه

**bmya** · 27-10-2009 11:27 PM

مبروك ياباشا وتستلمها علي خير ان شاء الله
العربيه جميله وان شاء الله تعجبك من رايي هات السيلفر افضل
او النبيتي جميل جدااااااااااااااااااا
وطبعا جورج بك ومحمود بك ظبطوا كل المعلومات اللي حضرتك محتاجها
اخوك السيريوني شريف