الظاهر ان مشكلة السكة الحديد دي مالهاش حل، و هي اللي بتتسبب في إقالة وزراء النقل واحد ورا التاني.
عرض للطباعة
الظاهر ان مشكلة السكة الحديد دي مالهاش حل، و هي اللي بتتسبب في إقالة وزراء النقل واحد ورا التاني.
استقال وزير النقل والمواصلات المصري محمد لطفي منصور بعد أيام من تصادم قطارين جنوبي القاهرة في حادث أسفر عن سقوط 18 قتيلا وعشرات الجرحى.
وقد قبل الرئيس المصري حسني مبارك استقالة منصور الذي أعرب في كتاب تنحيه عن تحمله مسؤولية حادث تصادم قطاري العياط.
ونقلت رويترز عن مصدر في مجلس الوزراء أن منصور قدم الاستقالة إلى رئيس الحكومة أحمد نظيف في اجتماع بينهما اليوم.
كان قرار قد صدر بإحالة 34 من مسؤولي الإدارة العليا بهيئة السكك الحديد المصرية إلى التحقيق بعد حادث تصادم القطارين السبت الماضي جنوب مدينة العياط بمحافظة الجيزة والذي راح ضحيته 18 قتيلا وأسفر عن جرح 36 آخرين.
وذكرت صحيفة "الأهرام" المصرية أمس الاثنين أن التحقيق يشمل مسؤولين في قطاعات التشغيل والخطوط الطويلة والقصيرة، لتحديد مدى مسؤوليتهم عن وقوع الحادث.
وتتحدث الصحف المحلية عن تقصير حكومي واضح كان السبب في الحادث حيث كان قطار درجة أولى مليء بالركاب اصطدم بقطار متوقف شبه خال من الركاب على القضبان نفسها بعد ارتطام القطار الأول بجاموسة.
ووصف مصدر في الهيئة القومية لسكك حديد مصر القطار الذي توقف بعد ارتطامه بالدابة والذي يعمل بين محافظات الجيزة وبني سويف والفيوم جنوب وجنوب غرب القاهرة، بأنه متهالك وأن ارتطامه بالدابة تسبب في تشغيل مكابحه بينما كان القطار التالي قادما من بعيد. وألقت الشرطة القبض على سائقي القطارين.
يشار إلى أن العام 2002 شهد أسوأ كارثة قطارات بمصر قرب مدينة العياط أيضا عندما شب حريق في سبع عربات من قطار مكتظ بالركاب مما أدى إلى مقتل 360 شخصا على الأقل. وبعد هذا الحادث استقال وزير النقل والمواصلات إبراهيم الدميري.
كما أدى حادث قطار في شمال مصر إلى مقتل 44 شخصا في العام 2008 بعد عامين من حادث خلف 58 قتيلا. عقبال استقالة الباقى انشاء الله :Ta_clap[1]:
ماهو سبق و أتكلمت عن الموضوع ده في موضوع كتبته بعنوان "المصري اللي علي حق يقول للحكومة لأ" و قلت ازاي أن الحكومة بتصرف من فلوسنا (ضرائب +جمارك+دمغات+جباية) علي الدعاية و الاعلان من غير ماتصرف علي المرافق و تحسن من أدائها و ساعتها هاجمني عدد من الاعضاء و لم أرد لأني أعرف انه في يوم ما سيحدث مايكشف كذب و تضليل الحكومة للناس
و عقبال باقي الوزرا لما يقدموا أستقالاتهم أو يقالوا بس من غير كوارث و لا ضحايا من الشعب اللي أستوي و أكتوي بنار حكومة رجال الاعمال
يشرفنى ان اكون اول واحد يرد على هذا الموضوع
و ياريت الوزير الجديد يعرف يعمل حاجة
و متبقاش المشكلة اعلى من جناب الوزير
انا احترمت الراجل ده اوي
كويس عشان يلتفت لشغله
هي الوزارة بالنسبة لشخص زي ده مش نفوذ ..كل رجال الاعمال لهم نفوذ ..هي وجاهة إجتماعية و مواكب في الرايحة و الجاية ..
محدش يقدر يقول إن أحمد بهجت أو ساويرس مثلا مش من ذوي النفوذ
ده الى كان منتظر
يا جماعه الحقيقه بانت ومطلعش عنده دم زى ماكنا فاكرين
هو حصل عليه هجوم جامد فى مجلس الشعب وكله قاله استقيل وهو قالهم مش هستقيل وانا قاعد وهطور السكه الحديد وبعدين راح القريه الذكيه فى اجتماع ونظيف قاله الرئيس بيقولك قدم استقالتك يعنى برضه مجبر مسبهاش لوحده يعنى لحد الان برضه رقم مصر القياسى فى عدم استقاله الوزراء لم يحطمه احد
مصدر كلامى برنامج الطبعه الاولى قناه دريم
فوضي ما بعدها فوضي
قطار يتوقف و بعدها بفترة يصدمه قطار اخر من الاخر
حتي اضعف الايمان نزل ركابك يا اخي لو معرفتش تبلغ
و قال ايه...
مشروع ربط القطارات و مراقبتها بالاقمار الصناعية !!!!!!
مع إحترامى لك أعتقد أنه لم يستقيل أبدا برغبته فلا يوجد هذا الشخص وسط الوزراء بل أغلب الظن أنه أقيل بصورة تحفظ ماء الوجه
ودا درس للى بعده إنه يمنع مرور الجواميس من فوق قضبان القطر ويبعت حد يقلّع النجيلة اللى بتنبت حوالين القضبان وبتجذب المواشى الطرشة اللى مش بتخاف من صفارة القطر.
أكتر حاجة غايظانى بقى: ليه المحروس سواق القطر اللى اتعطل متصلش بحد يبلغ اللى وراه إن فيه قطر عطلان على القضبان؟ مافيش وسيلة اتصال بينه وبينهم؟ طب مافيش موبايلات؟
أنا أعرف ان سواقين القطارات غالبا مؤهلات دنيا يعنى بالكتير ابتدائية زيهم زى سواقين الاتوبيسات ... ياترى دا هيستمر بعد كوارثهم اللى ملهاش آخر دى؟