بسيطة , نضرب كارنيه نيابة عامة لزوم البادج ,,!!
عرض للطباعة
بسيطة , نضرب كارنيه نيابة عامة لزوم البادج ,,!!
فيه بادجات شبه دي بالظبط مكتوب عليها ... النقابة العامة ...... ونفس العلامة ....طبعا مقصود نقابة المحامين
:36_6_3[1]:
مالوش لزمة .. كبر دماغك
بتتباع على الارصفة وعند بتوع الاستيكرات
علي فكره ياباشا الكلام ده فعلا كان زمااااان ايام ماكان البادجات دي مش موجوده غير في نادي القضاه وبيطلع بالكارنيه وباسم المستشار او وكيل النيابه
لكن دلوقتي اي حد بتاع كماليات واستيكرز هتلاقي عنده
وعايز اقولك حاجه انا كل اللي اعرفهم نيابه او معظمهم مش حاطين البادج ده اصلا لانه بقه شوبه اكتر منه حصانه اه والله دلوقتيكمين يلاقيبادج نيابه روح سألك
يعني انا كنت مسافر مره بورسعيد مع واحد صحبي هو ويل نيابه في بلد قريب من بورسعيد وهو مفيم سوبر دارك وعلي مدخل بورسعيد الظابط شافنا شباب وعربيه مفيمه ونمر جيزه وبادج نيابه متعلق راح وقفنا قاله نيابه قاله فيه كرنيه طيب قاله البادج اهو قاله يابشا بتوع الميكروباص لازقينه قاله يا سيدي انا كذا كذا وووكيل نيابه كذا وادي ياعم الكارنيييييه شاف الكارنيه اتكهرب وفضل يتأسف ويعتزر واتفضل سعاااتك شرفني نشرب حاجه ونعمل الواجب (كان لسه ملازم اول تقريبا)
المهم صحبي قالي البادج ده انا غلطان اني حطيتوه وروحت جبته من النادي مخصوص انا اشيله احسن ده بقه شوبه
مع العلم انا مره انتحلت شخصيه نيابه هههههههه
كنت علي بوابه الطريق الصحراوي وكنت بعربيتي وابن خالتي بعربيته (وكيل نيابه برده) وواحد قريبي كمان وكيل نيابه المهم ابن خالتي عده قاله نيابه عشان الكارته
قريبي التاني قاله نيابه
روحت جايله انا كمان وروحت راسم نفسي وكنت مفيم خفيف روحت منزل الزجاج حته صغيره وباصيصله بطرف عيني وقايله نيابه وروحت معدي(علي فكره كنا رايحين فرح وكنا ببدله فالامور عديت)وكله كان مفيم فعديت وكمان مش كمين ده رسم بوابه الصحراوي
بس والله كنت خايف ليكسفني ولا حاجه بس الحمد لله
من الاخر ملوش لازم يعني ما تعتمدش عليه نهائي
حوطه عادي بس متعملش مخالفات وتقول منا حاطط البادج لا امشي تمام وهو هيعمل اللي عليه اتوماتيك
يعني ممكن تدخل كمين يلائيك ماشي مظبوط وبادج نيابه فيعديك وممكن تدخل كمين يلاقي بادج نيابه تتطلب معه رخامه ويسألك علي الاكارنييه
وعلي فكره صحبي برده بتاع حوار بورسعيد ده
كان راكن مخالف مره في المنصوره ومستني واحد صحبه
وكان فيه كمين محترم وواقف فيه لواء تقريبا المهم الونش راح عشان يشيل العربيه وصحبي شافه وراح قاله نيابه قاله ياباشا اللواء ........ واقف روح كلمه وراح كلمه وكان مصر يشوف كارنيه بتاعه وماسبوش غير بالعافيه وده وكيل نيابه بجد مش بادج بس حوط نفسك انت بقه في الموقف ده يا معلم دخلت كمين لقيت لواء او رتبه كبيره وغلس وقالك الكارنيه هتعمل ايه بقه
ان كل قرايبي ظباط جيش وشرطة ووالدي كمان وممكن اجيب بادج بكل سهوله واحطه ع العربية بس فعلا صدقني ملوش لازمة لانهم لو وقفوك لازم يشوفوا الكارنيه وبعدين ليه تلجأ لحاجة زي دي وتعمل حاجة غلط بدون لازمة خليك ماشي سليم احسن
انا هقول رأيي و أرجو محدش يزعل مني .
حوار البادج و النسر و الصقر و السيوف عالإزاز و عالنمر ده بقي سيس أوي !
انا بس عايز استيكر نايل موتورز :))