الموضوع: سبب نزول اسعار نوكيا

سبب نزول الاسعار بصفة مستمرة بيرجع للاتى ([overline]وجهة نظر شخصية[/overline])
احنا ممكن نقول جشع التجار وممكن نقول المنافسة الكبيرة الموجودة دلوقتى وممكن نقول الصينى وسعرو اثرو على النوكيا
لكن هيا بتتحسب بطريقة تانية وهى:
الناس هنا قالت ان الالكترونيات عامة سعرها بينزل بسرعة وده صح مليون فى المية ولو حد لاحظ حيلاقى ان الاجهزة اللى بتتباع بكميات كبيرة هى اكتر اجهزة سعرها بينزل (مع ان المفروض ده العكس فى حاجات تانية)
النوكيا طبعا هو نمرة واحد فى مبيعات التليفونات المحمولة فى العالم بيجى بعده السامسونج وبعد كده الترتيب بيختلف بين شوية سونى وشوية lg وشويه موتورلا (عالميا)
وحتلاقى ان فعلا النوكيا الاسرع فى نزول الاسعار يليها سامسونج يليها سونى
نيجى بقى للسبب

الجهاز لما بينزل لاول مرة (اة جهاز اليكترونى) فريق الابحاث فى شركتو بيكون اشتغل عليه فترة طويلة خاصة لو نازل بتكنلوجيا او فكرة او مواصفة جديدة طبعا فريق الابحاث من المهندسين مرتباتهم خيالية فى المجال ده بالاضافة الى ان فى بعض الافكار والتحديثات الجديدة الشركة بتشتريها مش بتبتكرها زى حجم الكاميرا - السعة التخزينية - شيبات الـ 3g والبروسيسورات خاصة لو حاجة من الحاجات دى حيجيبها حصريا ليه لفترة معينة
كل الحاجات دى المصنع بيكون عايز يلم فلوسها فى اول شحنة تنتج من عندو فتلاقى سعر الجهاز اعلى من قيمته وبعد كده الدفعات اللى بعدو من نفس الجهاز بيبتدى يكسب المكسب الطبيعى منها وده اللى بيخلى سعرها ينزل وعشان برضو بتظهر انواع من شركات تانية بتبتدى تنافسو فى السعر والمواصفات