أفيدوني يا أهل الخبرة أعمر الموتور الـ132 ولا أشتري موتور استيراد؟؟؟
السلام عليكم أخواني بالمنتدى:satelite:
أرجو الإفادة في شيء مهم جداً (ولا خاب من استشار)
لدي سيارة بولونيز وفيها موتور 132 و1600 سي سي والراجل إللي اشتريت منه العربية من حوالي شهرين قال لي أنه مسقط الموتور ده من يجي 7 سنوات لكن الموتور بناء على كلام معظم الميكانيكية محتاج طقم شنبر ولما يفتحوا الموتور لسه هيشوفوا إذا كان هيحتاج عمرة كاملة أم طقم شنب بس.
بعض من الناس اقترحت علي أن أجيب موتور استيراد بفتيسه مع العلم أن الفتيس عندي كويس والحمد لله من عزبة شلبي بدلاً من عمل عمرة للموتور ويا عالم تبقى عمرة كويسة ولا لأ وأنا دلوقتي محتار بين الآراء، خصوصاً وأني لسه مافتحتش الموتور وشفت هل هو بحالة ممتازة ويحتاج إلى طقم شنبر ولا لأ أم هو بحالة سيئة ويحتاج عمرة كاملة ولا لأ، مع العلم أن الموتور بياكل زيت بطريقة جامدة ولما سألت الميكانيكي قال لي أن الزيت بيطلع على هيئة دخنة محروقة من الفايز وفعلاً أنا عندي الفايز بيطلع دخنة.
الحاجة الثانية لو حد عنده فكرة عن أسعار الموتور الـ 132 الـ 1600 بفتيسه ياريت يقول لي سعره كام، وهل بيتم استبدل الموتور القديم بالموتور الجديد من عزبة شلبي ودفع الفرق؟