اجعل سيارتك نص اوتوماتيك

**giuoshe** · 28-10-2009 10:14 PM

المشاركة الأصلية كتبت بواسطة bishoy02010

هوة ممكن الفكرة تكون اجمل واحسن بكتير لو خليت مثلا فيه زرار للرافعة ديه كل اللى عليك تعملة تدوس علية وتجيب الغيار وتزود بنزين وهوة يتعامل بقى دبرياج وبنزين ويظبط كل حاجة كده هيبقى نص اوتوماتيك لكن انه يدون بنزين مع تزبيط الدبرياج وانا ادوس دبرياج فملهوش لزمة

دة كلام مزبوط المشكلة فى الدبرياج مش البنزين ماهو الانجكشن بتطلع بالدبرياج منغير بنزين

**bishoy02010** · 28-10-2009 11:08 PM

المشاركة الأصلية كتبت بواسطة giuoshe

دة كلام مزبوط المشكلة فى الدبرياج مش البنزين ماهو الانجكشن بتطلع بالدبرياج منغير بنزين

الله ينور عليك هوة ده اللى انا اقصدة بالظبط

بس فعلا لو الرافعة ديه اتنفزت وكانت ليها علاقة بالأر بى ام كمان تبقى وهمية وفعلا نص اوتوكاتيك يعنى قصدى تحس العربية كده على مطلع فمحتاجة بنزين اكتر او منزل مش محتاجة بنزين تبقى تمااااااااااام التمام وتقلب الدنيا

**tito29** · 29-10-2009 12:33 AM

الفكرة دي أنا شفتها بعيني قبل كده معمولة في سيات 133 و كان عملها ميكانيكي من المعادي.
الفكرة كانت أنه عمل زي بلية تأخذ من خرطوم شفط الهواء و تشغل حاجة زي رافعة هيدروليك تضغط علي بلية الدبرياج لمل ترفع رجلك من دواسة البنزين. يعني لما تدوس بنزين يخف الضغط من علي بلية الدبرياج (كأنك رفعت رجلك من علي دواسة الدبرياج) و بالعكس لما تخفف دواسة البنزين يزيد الضغط علي الدبرياج.
الفكرة كانت ناجحة و شغالة زي الفل بس مع الوقت حصلت بعض المشاكل. أول حاجة حضلت أن بلية الدبرياج أتكلت في زمن قياسي حوالي 15 يوم و بعدها بشوية مش كتير باقي طقم الدبرياج. علشان كده الفكرة ماتت. بس ممكن بشوية صبر توصل لحل أفضل. و لو عايز أدلك علي هذا الميكانيكي أنا تحت أمرك.

**ofaashash** · 29-10-2009 10:53 PM

الف شكر يا جماعه على المشاركات القيمة الى غيرت كتير من حساباتى للافضل وياريت تليفون الميكانيكى الى عملها نشوف وصل لفين ونكمل وبالنسبه للمطالع ممكن تزود البنزين عادى من دواسة البنزين الفكره كلهاان السيارة تتحرك فى وضعيتها العاديه بالدبرياج فقط وهوه المسئول عن زيادة البنزين بالقدر الكافى للتحرك فقط زى بالضبط لما بشيل رجلى من على فرامل العربيات الاوتوماتيك .
شاكر لكم جدا ومتابع معاكم وشغال فى التعديلات
م / أشرف محمد

**Mi3d3** · 30-10-2009 08:18 AM

فكرة جميلة جداااااااا

**gsmegy** · 14-05-2010 11:32 PM

فكرة جميلة انك بتفكر فى راحة الراكب
انا شايف فى رأيى افضل انى افكر فى انى استغنى عن دواسة الدبرياج
وربنا يوفقك

**ibrahem_elkhabery** · 08-04-2011 02:16 AM

الفكرة حلوة وفعلا مفيدة بس انا كان عندى فكرة بس كنت بدور على مهندس يقولى اية رائية فبها وهيا انى اعمل زرار فى الفتيس زى الاوتوماتيط ادوس عالية و اجيب الغيار ودة عن طريق الزرار متزصل بموتور بيقوم على شد سلك الدبرياج واسترخائة ببطىء بالدرجة اللتى تسمح للسائق انة يكون داس بنزين يايريت تقولى اية رائيك فى الفكرة دى ومدى نجاحها فى التطبيق العملى

**zocor742** · 27-11-2012 05:16 AM

موضوع جميل جدا ربنا يوفقك
بس انا شايف من وجة نظرى الشخصية ان
المشكلة مش فى البنزين المشكلة فى دواسة الدبرياج من كتر ما الرحل اشمال بتضغط وتسيب بسرعة عشرين ضغطة فى الدقيقة فى الزحمة الواحد عقبال مابيوصل مشوارة بتبقى رجلية الشمال اتشلت خلاااااص
هيا دى فعلا اللى تحتاج لتفكييير بجد
هيا الطريثة الوحيدة المتاحة هتبقى عمل تعديل الدبرياج للمعاق وهتستخدم ايدك فى الضغط بدل رجلك وهيبقى السنس بتاع الدبرياج كلة فى ايدك
بس فى المقابل
طبعا هتحتاج تشيل الفبرة بتاعت التابلوة اللى تحت الطارة كلها عشان الجهاز شغال كلة مفصلات وعايز مكان واسع فبالتالى لازم تتشال الفبرة ومع شكل الجهاز والفبرة متشالة النظر غير لطيف
معرفش هو بالنسبة للمرور واحد غير معاق يركب الجهاز دة ولا مش من حقة خصوصا انة بيبقى واضح وهو راكب فى العربية
الكلام دة عن تجربة شخصية لاستخدام عربية جوليت بتاعت معاق مركب جهاز دبرياج وسقتها كتير بالجهاز حتى الان بركبها احيانا وبصراحة اريح من استخدام الرجل
بس ممنوع ولا لأ انة يستخدمة غير معاق الله اعلم