اقتباس:
المشاركة الأصلية كتبت بواسطة أحمد كمال
لازم رخصتك المحلية يبقى فاضل في صلاحيتها سنة و لو مش فاضل سنة تجددها
التجديد بتاع الرخصة المحلية بيحتاج شهادتين طبيتين باطنة و نظر + الرخصة + بطاقتك
و لو عنوانك اتغير و بقيت تبع مرور تاني تروح مرورك و نيابة مرورك القدام تجيب شهادة بيانات لرخصة القيادة من المرور + شهادة مخالفات لرخصة القيادة من النيابة ..... لو العنوان ما اتغيرش مش محتاج الخطوة دي
بتروح مرورك تجدد رخصتك المحلية ....... لو فاضل سنة او اكتر مش محتاج
........
بعد استيفاء الرخصة المحلية بتروح رابعة العدوية الادارة العامة للمرور و تقول لهم عاوز شهادة تحريات للرخصة الدولي
بتاخدها مجانا و انت واقف و مش محتاج غير بطاقتك و رخصتك
تروح بعدها نادي السيارات في شارع قصر النيل و تاخد معاك صورة الرخصة + اصلها و صورة الباسبور + أصله و صورة البطاقة + اصلها و صور شخصية (مش فاكر كام واحدة الصراحة) بتدفع 40 جنيه و بتاخد الرخصة في نفس اليوم
اقتباس:
بتاخد جواب من المرور اللى انت تابع ليه
تطلع على نادى السيارات بوسط البلد
ادفع حاجه و خمسين جنيه و تزبط الموظف تستلمها بعد ساعه
الف شكر و ديه بيبقى ليها صلاحية ولا مدى الحياة ؟