كبر الليله
طالما دارت
هو أنت حتشتغل كهربائى
هههههههه
عرض للطباعة
كبر الليله
طالما دارت
هو أنت حتشتغل كهربائى
هههههههه
اشتغل كهربائي ومكانيكي وكل حاجه طالمه في عربيتي انا بحب ابقي فاهم وبعدين انا اصلا مهندس الكترونيات يعني مش معقوله ابقي واقف جمب كهربائي وهو بيشتغل وانا حمار مش فاهم علي الاقل ابقي فاهم وهو يشتغل برحته
ياباتشا
هو أنت زعلت ولا أيه
أنا برضه مهندس ميكانيكا
ونادر أوى لو عملت حاجه فى العربيه
بس فاهم معظم مكوناتها
كهربيه وميكانيكه وألكترونيه
يبقى مش شرط الواحد يشتغل ويتعب نفسه
أمال لما كلنا نشتغل فى عربياتنا
وتنتشر الظاهره دى
الصنايعيه حيعملوا أيه
أحنا فى المنتدى هدفنا الأساسى أننا نتعرف على الجوانب الفنيه لعربياتنا
على الأقل الواحد يبقى عارف منين يودى على فين
علشان محدش من الصنايعيه يلعب بيه (فى أى تخصص )
أنت بأه عاوز تعرف كل حاجه لازم على الطبيعه
أذا كنت أنت واقف جنب الكهربائى وهو بيربط الكبل بتاع الكوبرى اللى من الأتوماتيك لل stator بتاع المارش
أو الكبل اللى رايح من الكونتاكت للأوتوماتيك
وأحنا ما شوفناهوشاقتباس:
كان مفكوك بس عاوز اعرف انهي كبل
يبقى تتوقع أننا حنرد عليك رد قاطع
أعتقد لا
المهم مشكلتك كانت فى المارش وخلصت
يبقى الحمد لله .....خلص الموضوع
برضه ياريت أشوف رأى
أخويا : محمد ممدوح فى الكلام ده
فى تعليقى هذا
بهدف دعم الرأى أو أيضاح أى لبس
يمكن أكون مش فاهم كويس
وهل كلامى ده مظبوط ولا ممكن يكون فيه رأى أفضل
وأنا تحت أمر الجميع
لأننا أخوه فى منتدى عائلى واحد
ودايما بنتناول المواضيع مع بعضنا
ويهمنى أن تسود روح المحبه بيننا جميعا بدون ذرة خلاف
والمهم أننا نكمل بعض
عن نفسى ياما أستفدت كتير من النقاش وتناول الحديث مع جميع الزملاء
انا شخصيا مبحبش العب فى الكهرباء عشان مفيش عمار بيننا
عموما طالما المشكلة اتحلت يبقى خلاص مفيش مشاكل... المرة الجاية ابقى بص لو فيه سلك واقع جنب المارش
MMamdouh
دا غير أن المثل
بيقول
أدى العيش لخبازه ولو أكل نصه
المهم أننا نعرف أنه بيخبز كويس ومش حيكلفتنا
لا يا باشه انا مزعلتش ولا حاجه بس انا قصدي اني اكون فاهم بس مش اكتر يعني حاجه زي كده خليتني ازق العربيه مرتين وطلعت عنيا يعني لما تبقي عندي خبره علي الاقل هاعرف اتصرف في المواقف الصعبه اما بلانسبه لموضوع الكهرباء انا بالنسبالي مفيش فيها مشكله خالص بس انا مولف علي الشغل فيها عادي لان ده شغلي اصلا بس انا لسه جايب العربيه او السنه يعيني الواحد في حجات كتير جديده عليه وعمتا انا اقعدت انخـفــس لغايه ماعرف الكابل هو كابل كبير كده طالع من القشاط الموجب للمارش علطول مربوط فيه بصموله
وشكرا ليكم كلكم علي تعبكم