يا جماعة لو سمحتم حد يقولي ازاي اعرف مخالفات عربيتي من علي النت
ولكم جزيل الشكر
يا جماعة لو سمحتم حد يقولي ازاي اعرف مخالفات عربيتي من علي النت
ولكم جزيل الشكر
أهلا و سهلا بيك معانا يا أستاذ ايهاب :-) أتفضل حضرتك راجع هذا الموضوع الخاص بالأستاذ شريف:
http://www.nilemotors.net/Forum/viewtopic.php?t=10077
و ان شاء الله مايكونش فيه مخالفات عليك :-)
والله يا اخي اشكرك علي ردك واسلوبك الذوق
https://www.egypt.gov.eg/arabic/serv...ction=Citizens
ادخل هنا وربنا يسترها معاك ومعانا من المفترين بتوع المرور دول
واى خدمة
ومفيش موقع زى ده كده لمرور اسكندرية
هو الخدمة دي شغالة بجد ؟؟
اصلي انا معايا وصلين مخالفات من كذا شهر فاته
دخلت دلوفتي .. قالي لا يوجد مخالفات :)
لبسوا في حد تاني يعني ؟ و لا لسة متعملهمش تحديث ؟؟
لا حد تاني لبسهم في الغالب!! انا لقيت عندي مخالفة الوقوف في نهر الطريق بتاريخ 8 11 2007 بالقليوبية، مش مهم التاريخ المهم اني عمري ما رحت القليوبية بالعربية!!
انا كنت مع واحد صاحبى فى المرور بنرخص عربيتة المهم قلت بالمرة اسأل عن المخالفات ...
لقيت حاجة غريبة ....
واحدة(واررررمة ) تعمد تعطيل حركة المرور والسير عكس الاتجاة مع عدم ارتداء حزام الامان أثناء التحدث فى المحمول .... بتاريخ 18/8/2007
الثانية : كسر أشارة - ترام ... (بصراحة ممكن دى اكون عملتها)
المهم سالت فى الموضوع قالولى الاولانية حتخفض قوى علشان باين انها كيدية ...
طيب مادام انتمم عارفين انها كيدية كتبتوها لية .. طيب والمفتح اللى كتب النمرة مش عارف يوقف واحد عامل البلاوى دى كلها دة المفروض كان سبكها وأضاف محاولة هرب ومقاومة سلطات علشان تبقى المخالفة أعدام ونستريح ....
برضة عايزين نعرف موقع لمرور اسكندرية ... لو حد يقدر يجيبة .. نكون شاكرين جدا ..
شكرا انا شفت لقيت 70 جنية واحدة صف تاني وواحدة وقوف ف الممنوع ودي بعملها مفيش اماكن اعمل اية وواحدة دي ظلم بئا كسر اشارة ضوئية يوم 4-12 ودة يوم عيد ميلادي وكانت العربية ف الجراج وكنت برة لتاني يوم والعربية مخرجتش الظاهر عرفو ان دة عيد ميلادي فا بعتولي هدية بس هوا الموقع اكيد فية كلو ولاا في حاجة عملنهالي مفاجأة لما اروح اجدد اول السنة !!!!
الناس اللي تشوف تقول عشان نعرف يعني ونبئا كلنا مع بعضنا وكل مخالفة وانتو طيبين
عمرها ما خلفت معايا
اللى على السايت هو اللى فى المرور
و ممكن تدفعهم من على السايت عشان تبقى مطمن و توفر المشوار