عايز اشترى فيكترا 97 وخايف طمنونى

**HEEEEERO** · 28-10-2009 02:26 AM

دلوقتى عايز اعرف اول حاجة اكشف على ايه فى العربية وكمان اكشف على ايه فى الصاج عشان اشوف مغيرة ربع او نص وعايز اعرف هى حلوة ولا ايه لانها دخله دماغى وانا عارف ان ممكن حد يوقلى روح التوكيل بس المشكلة اللى حيبعلى العربية مش حينفع اروح بيها التوكيل غير لما اخلص فيها ولو خلصت فيها والعربية فيها حاجة مش حينفع ترجع افيدونى لو سمحت لانى عايز اشترى وخايف افيدونى بسرعة والف شكر

**Samah AbdAllah** · 28-10-2009 03:01 AM

سؤال صغير اللى هتشترى منه ليه رافض يروح التوكيل قبل البيع؟؟؟؟؟؟؟
مش حاجة غريبة برده ولا ايه

**Ahmed Hassan** · 28-10-2009 04:21 AM

المشاركة الأصلية كتبت بواسطة heeeeero

عارف بيقولى لان انت عشان تاخدها يوم توديها التوكيل الف زبون حيجى غيرك

يبقى سيبه يبعها للالف التانيين!!!

**helmy537** · 28-10-2009 08:56 AM

اه سيبه يبيعها للالف التانيت انا كدا برده وعندى عربيه 98 2000 سىسى فيرانى ممتازه واتوماتيك وماتور كامه واحده وعاوز فيها 58 حالتها ممتازه بره وجوه وبغيرلها العفشه الى ورا ومساعدين امامى كمان انا بفكر اطلب فيها 60 الف بعد الشغل
ده ولسه هفكر ولو هبيعا واللى نصيب عاوز يروح بيها توكيل ابو الليل حتى يروح طالما متأكد من العربيه

**N.a.j.d** · 28-10-2009 09:44 AM

مدام عربيتك نظيفه وكا شالله عليها ومفيش نيه بيع يبقى من حقك تحط المبلغ اللى عايزه 60 ولا 62 انتا حر

**HEEEEERO** · 28-10-2009 02:08 PM

المشاركة الأصلية كتبت بواسطة helmy537

اه سيبه يبيعها للالف التانيت انا كدا برده وعندى عربيه 98 2000 سىسى فيرانى ممتازه واتوماتيك وماتور كامه واحده وعاوز فيها 58 حالتها ممتازه بره وجوه وبغيرلها العفشه الى ورا ومساعدين امامى كمان انا بفكر اطلب فيها 60 الف بعد الشغل
ده ولسه هفكر ولو هبيعا واللى نصيب عاوز يروح بيها توكيل ابو الليل حتى يروح طالما متأكد من العربيه

يا باشا متنساش انها 2000 سى سى يعنى دى اخرها 43 ولا حاجة انا مش بقول كدة عشان حاجة والله بس انزل وشوف الاسعار عاملة ازاى يا مان وبعدين اوتوماتك صباح اكل البنزين ومتنساش الضريبة كتير اوى يا مان 60 دى كتير عربيتك لو جمدة اوى 45 الف يا مان الناس دلوقتى بتهرب من 2000 سى سى

**tananybasha** · 28-10-2009 02:30 PM

مين اللى بيقول الأسعار الغريبة دى انا عربيتى من تاجر موديل 95 و مانيوال 2000 سى سى بمبلغ 43000 جنيه عشان يرزق فيها السوق ولع او رجع يرفع تانى من بعد الأزمة الأقتصادية ما خفت شوية و تراجع الحكومة الألمانية عن بيع اوبل لماجنا الكندية قوى موقف اوبل و رفع سعرها فى السوق
بالنسبة للكشف على العربية هى ميزة التوكيل الكشف على الحساسات انما الحالة العامة الموتور عامل ايه و الصاج و الشاسية اى ميكانيكى و سمكرى صايع شوية يجيب قراراها وفى الأخر كل واحد 50 جنيه فى ايده و قضيت
دور على ما يمى بسمكرية الحوادث اللى بياخدوا عربيات الحوادث و اتفق معاه يكشف عليها
بالنسبة لكشف التوكيل كده كده انت بتبقى فلوس لما بعد التسجيل و شهادة المخالفات اتفق معاه على انك خلصت بس هتروح التوكيل تكشف عليها تانى بالكمبيوتر و شوف رده
رد غبى ---- سيبك منه لأن العربية فيها حاجة
رد محترم اتكل على الله و اللى فيها اخصمه من باقى الفلوس اللى ليه انا عملت كده

**hanykd** · 29-10-2009 10:29 AM

السلام عليكم

أولاً رده دة يخليك تقلق منه وتبعد عنه
ثانياً ال 2000 سى سى أستهلاك بنزين أعلى من ال 1600 وترخيص غالى برضه
ثالثاً إسمع كلامى إنك تروح التوكيل قبل ما تدفع مليم أحمر

أخوك فى الله هانى

-

الموضوع: عايز اشترى فيكترا 97 وخايف طمنونى

LinkBack

أدوات الموضوع

عرض

-

-

-

-

-

المواضيع المتشابهه

عاوز اشترى نيسان وخايف

عايز اشترى اسبكترا وخايف

بفكر اشترى فيرنا وخايف - طمنونى

عايز حد يساعدنى لانى تعبت بجد وخايف انى اشترى فيات

الكلمات الدلالية لهذا الموضوع

المفضلات

المفضلات

ضوابط المشاركة