الموضوع: الحمدلله طلعت بسيطة

اولا بجد الف الف شكرا لكل الناس الى واقفت معيا فى مشكلتى دى
واولهم ابو مريم
بجد الراجل دة ليه جمايل عليا كتير ربنا يباركله فى اهلة وصحتة
طبعا اول مع وقعت فى مشكلة اللمبة دى كلمتة وفضل يطمن فيا عشان حرارة المتور طبيعة والسحب وكذلك صوت المتور
وقالى ممكن يكون البنزين مش كويس رغم انى حاطط بنزين 92 بس من كلاتكس حسبى الله ونعم الوكيل فيهم
المهم كان فضلى بس ربع التانك وصفلى بنزينة توتل كويسة جدا قبل سوق العبور
وفعلا روحت فولت من عندها وحطيت بالظبط 35 لتر يعنى كان موجود من البنزين القديم 15 لتر
وطلعت من البنزينة عشان اجرب كله تمام وشوية بردوا اللمبة نورت بصراحة فقد الامل وقلت لا مش مشكلة بنزين ما انا لسة مفول بنزين نظيف اهو
وبعدين لسة دلوقتى اخويا راجع من الشغل طبعا قلق جدا من حوار اللمبة دى وقالى طيب تعالى ننزل نجرب وجربنا بالفعل فترة كبيرة على rbm عالى الاول والتانى والتالت والرابع
طبعا الخامس صعبا جدا وبالمناسبة الرابع كان جايب 160
والحمدلله بعد ربع ساعة متوصلة من الجرى خرجنا من العبور وراحنا طريق اسماعلية الصحراوى وراجعنا دخلنا العبور تانى الحمدلله الف حمد وشكر ليك يا رب اللمبة منورتش نهائى مع العلم انها كانت بتنور اول 5 دقايق من الجرى ولما وصلنا البيت لقينا نفسنا خلصنا ربع التانك يعنى معنى كدا ان البنزين القديم خلاص بقا مش موجود فيها يعنى كانت مشكلة بنزين مغشوش او فية اتربة بس طبعا استهلاك البنزين عالى جدا جدا بس طبيعا عشان السرعات الخرفية الى كنا ماشين بيها
بصراحة مكنتش عارف انام والله الحمدلله اخيرا هقدر انام
وان شاء الله اللمبة دى هنساها ومش هشوفها تنور تانى ابدا
انا اسف يا جماعة قلقتكم معيا وبجد الف شكرا ليكم

الحمد لله يا أستاذ إسلام ........ الموضوع بسيط الحمد لله
و فعلا زي ما كل الأخوة الأفاضل قبلي نبهوا على أختيار بنزينة كويس و خليك معاهم على طول .
ربنا يستر طريقك