الموضوع: إتخنقت من حوارات العفشة( أوكتافيا 98)

معلش سؤال مش فى محله , هى المصفحة بتاعة العربية ليها فايدة جامدة ولا حماية الموتور من تحت بس ؟

المشاركة الأصلية كتبت بواسطة inspiron

شوفوا يا رجالة..العربية مشكلتها تتلخص في الآتي..لما أمشي في شارع مكسر بسمع أصوات عجب.بحس إن الطابلوه هيقع والأبواب هتتفك.الحاجة التانية بقي عارفين المطبات اللي هي مربعات صلب في الطريق دي.لما أعدي عليها ترزع جامد أوي و تعمل صوت جامد.الحاجة التالتة بقي لما آخد مطب بالعربية لازم يطلع صوت تزييق غريييب من قدام مش من ورا.صوت سخيف يعني.آخر حاجة بقي العربية بتحدف مني شمال وأنا ظابط الزوايا من فترة قصيرة.تفتكروا بتحدف كده ليه.

- معلش كمان نسيت أسألكم علي المصفحة بتاعة العربية من تحت دي أجيبها منين. وآسف علي الإطالة و أرجو الرد سريعا قبل ما أكره العربية.

شوف يا باشا المشكلة عندك في المساعدين وذلك واضح ان مافيش مساعدين شغالة خالص ودة بيدي صوت في الابواب والطبلوة بمعنى ان المساعدين مابتشتغلش خالصصصصصصصصصصصصص والدليل على كدة
1- انك بتمشي في الشوارع المكسرة يعني طوب رفيع وحفر صغيرة
2- المكعبات الصغيرة الصلب بتسمع جامد عندك
ودة اكبر دليل لان المساعدين في الأصل ( مش اليايات او السست اللي حوالين المساعد ) انا اقصد المساعد معمولة اصلا علشان تمتص الصدمات الرفيعة والصغيرة ومتأثرش عندك ف يالكبينة
يبقى لازم تغير المساعدين وياريت يكون افضل انك تغير جلد اليايات فوق وتحت علشان يعزلك الصوت تماما والاحسن تغير معاهم اليايات او السوست لأن شكل عفشة العربية مستهلكة بشدة
اما بالنسبة للحدفة وبعد تظبيط الزووايا يبقى شيك على الأزرع بتاعت العربية أكيد فيها عيب ولو هي معيوبة يبقى لو عملت الللي مش هاينفع الا لما تغير الأزرع بتاعت التوجيه من البور للعجل وابقى قولي عملت اية