سؤال يا جماعه لو سمحتم .. انا رُحت سالت على سير كاتينه و سير دينامو و سير تكييف و سير بور لاسترا 2000 1200 سى سى (كما نصحنى الاصدقاء هنا)
التاجر استغرب قوى و قالى هو سير واحد فى العربيه دى بتاع التكييف و الدينامو و البور بس و مالهاش سير كاتينه !!؟؟ أرجو التعليق
هوه فعلا سير واحد بتاع تكييفودينامو وباور
بس ازاى ملهاش سير كاتينة !!!
جديدة دى
انا سالت وعرفت انه جنزير مش جلد
والله اعلم
ازاي العربيه من غير سير كتينه ميييييييييييين اللى قال كده
العربية سير كاتينة جنزير عشان كدة مابيتغيرش الا في حالة العمرة فقط.
الجنزير اقوي من الجلد
السلام عليكم ورحمة الله
فعلاً العربية دى على جنزير مس سير جلد ودة معروف إنه معمر مش بيتغير غير مع العمرة
وكان فى موضوع هنا من أسبوعين متناول الموضوع دة بالتفصيل
ممكن تعمل بحث عنه
أخوك فى الله هانى
ايوة يا باشا العربيه دى فيها سير واحد و اخد كل حاجه معاه فى طريقه
و ازاى مافيهاش سير كاتينه ؟
هو يمكن قصده انه مش جلد يعنى مش هتعرف تغيره بسهوله
العربيه على جنزير يا باشا وده بيكون جوه المكنه
يعنى مش بيتغير بسهوله ابدا الا لو المكنه اتفتحت و تغيره مقرف جدا جدا جدا
و متخفش هو معمر زى ما الرجاله بيقولوه و نسبه تلفه ضئيله جدا
كل العربيات فيه سير جنزير او جلد استحاله مفيش
يا جماعة الراجل عرف
بس ياريت يروح يفهم الراجل عشان ميقولش الكلام ده تانى
بالله عليك يا مان لما تعرف سعر وانظف نوع فى سير الكاتينة ابقى اقول ومتبخلش عليا فى الموضوع ده
عشان انا كنت فتحته من اسبوعين تقريبا ومعرفتش ايه هو احسن نوع وسعره
عشان عندى جاب معاه الطقم كله
فالحق نفسك
اخوكم فى الله
هيثم الغزالى
haitham el-gazaly
هى سير عمومى و جنزير كاتينة بالبلوف بس
التاجر كلامه صح
انا متشكر جداجدا على الردود يا جماعه و يمكن انا مفهمتش انها على كاتينه او حديد مش سير بلاستيك .. علشان كده انا استغربت و بالنسبه لسعر سير الديناموا و البور و التكييف 90 جنيه
اما بالنسبه لتغيير الجنزير فمالوش لازمه بقى بالنسبه لى لانى كنت عايز اغير من باب الصيانه الدوريه و العربيه عامله دلوقتى 95 الف كيلو و الموتور الحمد لله زى الفل يبقى مافيش داعى افتح على نفسى فاتوحه و كفايه اغير السير التانى اللى لامم البور والتكييف و الدينامو . و لو عرفت اى حاجه تانى هبقى ابلغكم .. على فكره انا يكمن اغير الزجاج الامامى علشان واحد ابن حلال رمى حاجه عليه من عماره و شرخه شرخ بسيط لكن مايتعالجش علشان تفرع لفرعين طول الواحد 5 سم و سالت عليه قالو لى بـ 370 جنيه .
يعنى ايه جنزير كاتينه بالبلوف ؟؟ يعنى له وقت تغيير دورى او هو و ظروفه؟؟ يا باشااقتباس:
المشاركة الأصلية كتبت بواسطة tananybasha
لا مش دوري ولا حاجه انتا لازم تغيره بعد ما تعدي 100000 ك حتى اكتر كمان
لما يشخلل بس يتغير
شكرا يا طنانى باشااقتباس:
المشاركة الأصلية كتبت بواسطة tananybasha
سير التكييف والباور والدينامو هو سير واحد جلد
اما سير الكتينه فهو جوه تكيهات
ودى صورتو من عربيتي الاسترا ال1200 مو 2000
http://s3.postimage.org/1HuCvr.jpg
بزبط كده
مع العلم تغيير سير الكاتينه والباور والدينامو يفضل تغييره بعد 20000 كم لانه بيسر على 3 مسارات + ان في كل مسار ابره الابره دى بتحدد تشغيله على كل مسار من دول
وللاسف الابره هي الى بتهريه لدرجه بتوضح لضهر السير الجلد
مكان الشرشره الى فيه هتلاقيه بعد 15000 بيبتدى يتاكل ويتقطع
دا الجلد بس قليل 20000 ياباشا اخنا بنغيره كل 80000 وبكون وضعه كويس حتى انا شايف بعيني كدا
دا كلام المنجد الى بوديله العربيه يا نجد باشا
ماليش دعوا انا ياباشا وانا كلام اللى بقوله من الوكيل نفسه طبعا دا انا مقدرش اقوله لا غلطان عشانه معلم ومتخصص ف اوبل وكان يدرس ف المانيا فا اكيد عارف المواضيع ديه
اعتقد انه يعيش اكتر من 20000 الف فعلا
عن تجربة
اكيد ياباشا ايه 20000 العربيه دي يا دوبها لسه بتلين فوق 80000 وشويه علي دا الجلد مش الجنزير لو الجنزير خد 300000
ده منجد بلدى و افرنجىاقتباس:
المشاركة الأصلية كتبت بواسطة a.elsheikh.01
بس من الواضح كده ان اخره شغل اساتيك بلغة الصنعه يعنى بتاع شلت مش ميكانيكى
للأمان و الأفترا يتغير على 40000 لو سيبته ل 60000 عادى
هو سير الكاتينة ف الكورسا الـ 1000 جنزير ؟؟
اعتقد ان الكورسا كلها جنزير و اسأل علاوى برضوا
طب ليه ما يعملوش كله جنزير ولا هو وجع دماغ
بلعكس الاجنزير سهل تركيبه
طب انا مشتغرب من حكايه الجنزير دا الكوؤسا كلها هنا جلد ازاي ف مصر جنزير مش عارف
طب يا ريت حد يفيدنا !!
انا شايف انه عربيات اوبل مصر تختلف عن هنا ف باقي الدول
الى يفيدنا هو الى يبقى عنده برنامج كتالوجات الاوبل
يشوفلنا كل الاوبل الى فيه سير الكاتينه جنزير او سير جلد
الله ينور يا ابو حميد