انا قررت اشتري جين 2 وعندي سؤال ضروري لاستاذ ايمن اواي عضو يعرف

**assem_omar** · 28-10-2009 07:59 AM

ممكن اعرف الجين 2 2010 ممكن اخد عليها خصم ولا لأ؟؟ ولو اه يبقى قد ايه ؟؟ حتى لوجبتها قسط؟
محتاج الرد عشان اظبط حالي والف شكر ليكو
وانشاء الله المنتدى يزيد واحد
وانشاء الله لما اجيبها هاهريكو تقارير وصور

**jisso82** · 28-10-2009 11:34 PM

أبو عاصم ازيك و لو إنك زعلتنى إنك غيرت من برسونا لجين، طبعا انت عارف كل واحد بيدافع عن صاحبته إزاى بس برده فى بيتها والاتنين إخوات. أنا حاولت أكلم أيمن قبل ما أرد عليك بس للأسف ما وصلتلوش و لو عايز أى حاجة مباشرة منه أأمرنى و هحاول أكلمه تانى بكرة إن شاء الله

**assem_omar** · 29-10-2009 07:05 AM

المشاركة الأصلية كتبت بواسطة jisso82

أبو عاصم ازيك و لو إنك زعلتنى إنك غيرت من برسونا لجين، طبعا انت عارف كل واحد بيدافع عن صاحبته إزاى بس برده فى بيتها والاتنين إخوات. أنا حاولت أكلم أيمن قبل ما أرد عليك بس للأسف ما وصلتلوش و لو عايز أى حاجة مباشرة منه أأمرنى و هحاول أكلمه تانى بكرة إن شاء الله

حبيبي هيثوم والله .... انا اكيد كنت هاكلمك قبل ما اعمل اي حاجه
بص يا هيثوم انت مش غريب انا بصراحه محتااار بين الجين والبرسونا
والنيو سيراتو
قولي انت اخبار العربيه معاك ايه طمني عشان انا في صحابي كتير كل ما اقول هاجيب بروتون سواء برسونا او جين يقلقوني منها ون اسعار قطع الغيار وتوافرها غير عيوب التفقيل
نسيبي كان هايجبها البرسونا وحجزها بس بعد ماسال على اسعار قطع الغيار وكمان بيقولي جربت اسوقها واحده زيرو من المعرض لسه قالي كنت سامع تزييق ولغى الحجز وجاب اوبترا فامش عارف قولي يا صاحبي انت عارف الواحد مابيجبش عربيه كل يوم انا السيراتو كمان عاجباني قوي

**Ayman_52** · 31-10-2009 03:33 AM

انا اسف لتاخيرى فى الرد

شوف يا معلم ... لو ناوى عالبيرسونا ... ممكن نضبط فيها تخفيض كويس

لو نويت عالجين ... ان شاء الله عالدفعه اللى داخله دى نقدر نضبط تخفيض كويس (بس هيكون اقل من البيرسونا لان الطلب عالجين كتير جدا )

شوف انت هتستقر على ايه ... وانا معاك فى اى استفسار او اى خدمه

تحيـــــــــــــــــاتـــ ــى