الموضوع: تقييم الsx4 بعد بهدلتها لما يقرب من 60 الف كيلو

المشاركة الأصلية كتبت بواسطة mekawy002

السلام عليكم يا اعضاء المنتدى المحترمين ،
اولا اعتذر اعتذار شديد عن عدم كتابة اى تقييم للسيارة منذ فترة كبيرة ، وذلك بسبب انشغالى الشديد الفترة السابقة.
من غير ما اطول عليكم، حدخل فى التقييم على طول :
اولا: انا اشتريت العربية فى اول يوليو 2008 وعملت بيها دلوقتى حوالى 58 الف ، وبعمل الصيانة فى توكيل ابورواش بانتظام.
بالنسبة لطبيعة سواقتى فهى سريعة شوية ورجلى تقيلة شوية على الدواسة ، وبالتالى العربية بتستهلك معايا بنزين وتيل بمعدل اسرع شوية من الطبيعى. يعنى مثلا انا لسة مغير التيل الثالث وانا عامل 56 الف ، وده شيئ طبيعى و متوقع من اسلوب القيادة. و مش بس كده ، انا فعلا مبهدل العربية بمعنى الكلمة وكأنى بعملها كل يوم درايف تيست من بتوع كريم منير:10D5C8~1107:،ومشاء الله ولاقوة لا بالله، الحمد لله العربية كأنها جديدة كعفشة وأداء على كل المستويات من المتور وعزمه والتكيف وبرده و العفشة وقوتها وثبتها.

بالنسبة بقى لتقييم العربية نفسها ، انا فكرت كتير علشان الاقى حاجة مختلفة عن تقييم ال3 و11 الف علشان اكتبها ، بس بكل امانة مش لاقى اى حاجة خالص
انا بجد بحمد ربنا على التوفيق فى الاختيار ، و كل لما اسوق اى عربية يبانى او كورى تانية فى نفس الفئة (باستثناء السيفيك) باحمد ربنا اكتر واكتر، لأنى بحس فعلا بالفرق فى القيمة المكتسبة مقابل السعر.

انا عارف ان الناس كانت منتظرة تقييم شامل و طويل بعد اكتر من سنة بالعربية ، بس بجد التقييم حيكون هو نفسه اللى فى اللنك ده :

http://www.nilemotors.net/Nile/39636-sx4-11-000-a.html

http://www.nilemotors.net/Nile/32386...an-3000-a.html

عموما انا بقترح ان اى حد عايز يسأل عن اى حاجة فى العربية، حالتها ايه ، او كفائتها ايه بعد حوالى 60 الف ، يبعتلى وانا ان شاء الله حبعتله الرد على طول.

وادعولى ربنا يباركلى فيها ويحفظنا جميعا من شر الطريق.

وعليكم السلام ورحمة الله وبركاته

منورنا يا استاذ مكاوي احنا كنا مستنينك تشرفنا من زمان بآخر انطباعاتك عن العربيه

زي ما انت قلت بالظبط ان العربيه تعتبر صفقه رابحه كقيمه مقابل سعر ...

عندي كام سؤال لحضرتك ... هل لا قدر الله ظهر في العربيه اي عيب صناعه وغيرته في الضمان ؟
هل فيه حاجه تانيه اتغيرت غير الحاجات المعتاده ( الزيت والفلتر والتيل ) ؟
هل فعلا البوجيهات بتتغير كل 80 الف كيلو ؟
بالنسبه لاستهلاك البنزين اخباره ايه معاك ؟ انا حاليا عامل حوالي 800 كيلو والمعدل 12 كيلو في اللتر وكله جوه البلد من غير تكييف

لو افتكرت حاجه تانيه هقولك عليها

وربنا يباركلك فيها ويكفيك شرها وشر الطريق ان شاء الله

بس عاوزين حضرتك تقولنا رايك ايه فى الصيانات بتعتها والمعاملة فى التوكيل اخبارها ايه عشان الناس تطمن اكتر
وكنا عاوزين نعرف سعر اخر تيل فرامل غيرته كان كام
ولو عندك اسعار لبعض قطع غيرها حاليا يبقا كتر خيرك

والله يا أحمد مصطفى باشا انا الحمد لله ماشفتش حاجة وحشة من التوكيل ، بس انا الحمد لله محصليش اى مشكلة كبيرة فى العربية تخلينى احكم على كفائة الفنيين ، انما الصيانة الدورية دائما بتكون كافبة للقضاء على المشاكل الطارئة الصغيرة زى صفارة من الفرامل لما التيل يخلص ، ودى اساسا متعتبرش مشكلة.
اخر تيل كان زى اول تيل 550جم ، باقى قطع الغيار للأسف مسألتش تانى بعد اول مرة.

هل لا قدر الله ظهر في العربيه اي عيب صناعه وغيرته في الضمان ؟

احمد مجدى بيه ،اولا شكرا جزيلا ، ثانيا ، الحمد لله مفيش اى عيب صناعة .

هل فيه حاجه تانيه اتغيرت غير الحاجات المعتاده ( الزيت والفلتر والتيل )

لا خالص الحمد لله

هل فعلا البوجيهات بتتغير كل 80 الف كيلو ؟

لأ ، فى ال40 الف مش 80 ، وكانت رخيصة جدا ، ان مش فاكر سعرها كان كام بس اكيد اقل من 100 ، اظن فى حدود 40جم

بالنسبه لاستهلاك البنزين اخباره ايه معاك ؟ انا حاليا عامل حوالي 800 كيلو والمعدل 12 كيلو في اللتر وكله جوه البلد من غير تكييف

انا اكيد مش مقياس لانى باسقط و بحرق كتيير ، بس لما اكون ماشى طبييعى بيكون المعدل فى حدود 12 برضو . وعموما لما تفتكر اى حاجة انا تحت امرك ان شاء الله.

but some frindes said that the spare parts are expensive and dealing with car agency is not good.

I don't think the spare parts are that expensive, well, it could be expensive if it is compared to a lanos or any other car in a different category, you can check the price of some spare parts in the link below and compare :
http://www.nilemotors.net/Nile/39636-sx4-11-000-a.html

Regarding the dealer as I said, el hamduelah for me so far so good, I didn't see anything bad at Abu rawash, but again I didn't try them in serious issues. and for me I belive there is no good dealers in Egypt, for example one of my friends recently did an accedint with his Jetta , and he had to change the exdaaaaam , but it was not at the dealer and he had to wait for couple of weeks till they bring it from abroad !!!!