الموضوع: المصرى اللى على حق يقول(للجاموسه لأ)

خلينا نتكلم من أرض الواقع انا كواحد بركب القطار كل يوم من شبين لمنوف و العكس بقالى 3 سنين هقولكوا على الى شوفته
سنة 2006
القطار كان مبهدل شوية و نادرا لما بيتأخر عن معاده تقدر تقول مظبوط
التذكرة كانت 75 قرش من منوف لشبين و العكس كان فى قطر الساعة 2 ظهرا قشاش بيبقى ب55 قرش دا كان عدل أضف من البقية شبابيكه سليمة البقية كانت مكسرة لنل أفتكر موقف كان فى واحد غبى مولع نار جمب شريط القطر بيحرق قش و ألسنة اللهب دخلت جوا القطر و حسيت بالحرارة لولا إنى كنت على الجانب الأخر بعيد عنها
حاجة كمان القطر بالليل بينور
فى عيال بيحدفوا طوب على القطر يوميا من الساعة 2 لحد الساعة 5 تقريبا انا و أصحابى أصبنا بطوبة
إشتراك القطر كان 21 جندى و بتعمله و أنت واقف فى المحطة فى دقيقة
سنة 2007
أسعار التذاكر كما هى
الإشتراك بقى 30 جنيه و لازم تروح طنطا عشان تعمله بس مش مهم ليه
لأن
القطر بقى أنضف و العربيات إتجددت حتى قطر منوف بنها جددوه و الإزاز"ماركة دكتور جريش" ركب على كل الشبابيك و ستاير و دهنوا العربيات
بس فى مشكلة مواعيد القطر لخبطت حبه و عملوا مواعيد جديدة كانت شبه مظبوطة بردوا
بس فضل العيال الى بتحدف طوب
طبعا لأا الأبواب بقت سليمة و الإزاز راكب فكان الناس ما بتعرفش تتزاحم كويس ولا تنط من القطر فا إتجهوا على أخر السنة لكسر الزجاج و خلع الأبواب بالذات القادمون من بنها بشهادة ناس موثوق فيهم ناس من بنها كانوا بيركبوا القطر لشبين و من شبين بيكملوا عربيات

نيجى لسنة 2008
الإشتراك زى ما هو 30 جنيه
التذكرة بقت ب جنيه غليت ربع جنيه
العربيات إتكحورت شوية من الإستخدام
غيروا لون العربيات من بره
مواعيد القطر ما بقتش مظبوطة قطر الساعة 11 بيوصل 3 و 4 كمان
فى قطر إتقلب و عطل الخط كله من القاهرة لطنطا
طبعا القطر بتاع الساعة 2 الغلبان دا إتلغى خالص
أفتكر إن فى قطر ولع تقريبا 2007 أو 2006 فى طنطا
طبعا فى 2008 إتدهور حال القطارات رغم الجرارات الجديدة الى فيها تكنولوجيا عالية و المواعيد مش معروفة

بس الصراحة العيب كله مش فى هيئة السكة الحديد أو الإدارة العيب فى الموظفين الى بيعاملوك بقذارة و كمان العيب فى المواطن الى بيعامل القطر على إنه مكان لازم يخربه و يسرق منه أى حاجة و السلام أو يكسر الإزاز عشان الجو حر و الإزاز مش مدخل هوا مع إنه لو بص حواليه حيلاقى إن الناس كلها متكومة فى عربية واحدة
و كفاية كدا عشان انا زهقت