-
العربية دى ام 35000 المعروضة على كونتاكت كار
سيبك منها العربية دى تعبانه قوى مادام رشت شنطه او حوض ابعد عنها لو بجنيه
بص يا باشا العربية الفيكترا الأيه 4 بوجة عام دور عليها جوه و بره فابريكة و لو عايزة شغل سمكره خفيف مش مشكله بس تبقى مطمن عشان لحامات الفابريكة والله العظيم بتتعمل احسن من الفبريكه كمان
رأى و لوجة الله تعالى بلاش منها و السوق مليان انضف منها مليون مره و ميغركش شوية كماليات تعملها ب 1000 جنيه لو عايز
-
نبدأ بقى بالنسبة للعربية
1. قطع غيارها الأساسية رخيصة نسبياً
2. استهلاك بنزين عالى عشان 2.0 لتر و اتوماتيك فتتوقع ايه منها اقصى ما يمكن 160 كم فى الصفيحة
3. الباقى بقى
المساعدين 600 امامى و زيهم خلفى بلشتاين
السيور الأتنين ب 120 جنيه
طرمبة البنزين 600
طرمبة الماية 200 جنيه
الفوانيس الأصلى مش موجوده اللى موجود ديبو امامى ب 350 و ورا 250 و الغمازتين 70 جنيه
فلتر زيت 23 جنيه المانى
فلتر الهوا 60 جنيه المانى توبران
فلتر البنزين فيبى المانى ب 48 جنيه
المشكله اللى فيها الماف غالى موت وصل فى فتره ل 1500 و نزل بقى بحوالى 800-900 دلوقتى و مفيش منه جديد استيراد بس
الرشاشات جديده ب 950*4 يعنى قول 4000 جنيه
استيراد لا تتعدى فى اقوى الحالات 400 جنيه
الطنابير الأمامية 220 المانى
الطنابير الخلفية 350 جنيه المانى
التيل الأمامى ب 110 ريمسا اسبانى
التيل الخلفى الخارجى 90 ريمسا اسبانى
التيل الداخلى بتاع فرامل اليد بحوالى 200 جنيه بس بيتملى عادىمرتين و تلاته
بالنسبة لجلب المقصات و حاجات العفشة التانية اسعارها كويسه مش وحشة و هى ارخص من البى بكتير
مشكلة ورا و اللى غالى البلى بتاع العجل البلية ارخص سعر جبته 475 جنيه يعنى مش رخيصه خالص
قواعد الموتور القاعدة ب 200 جنيه فى 3 قواعد يعنى 600 جنيه
الريادتير يعمل 475 جنيه
التكييف حاجاته غالية و لو مش شغال 10/10 ابعد عنه يعنى الكباس 1450 و الكويل 1000 و الشجرة 650 و الفلتر 300 و السربنتينه 400 او 500
المراوح 200 جنيه المروحه استيراد و يمكن اغلى
لمبات التابلوه و الأنارة الداخلية اللمبة ب 7 جنيه 1.2 وات و ب 10 جنيه 2 وات اوسرام المانى
موزة الباب ب 50 جنيه
الأوكرة الخارجية 60 جنيه
و مش فاكر ايه تانى احط سعرة
اه
البوجيهات 95 جنيه جى ام
65 جنيه ان جى كى
سلوك البوجيهات 200 جنيه بى بى تى المانى
حساس الكولنت 45 جنيه فيبى المانى
حساس الكرنك 475 جنيه
حساس التى بى اس 375 جنيه
حساس الأيدل سعره استيراد لا يتجاوز 100 جنيه
و كفاية انا زهقت لو حد فاكر حاجة تانى يفكرنى بيها
-
معلش شكلى كده طولت قوى انا اسف بس قعدت احط اللى فاكره
اللى جاى كله المانى
علبة الدركسيون استيراد 1500 جنيه لو فابريكه و جديده
بارات الدركسيون الباره 150 جنيه
البيض 90 جنيه البيضة * 4 بيضات
جلب ورا الطقم يعمل على اخر سؤال حوالى 90-100 مش فاكر
الأكصدامات امامى و خلفى استيراد حسب الحالة تسمع فيهم من 450-600 و جديد ارخص بكتير عشان تايوانى و انا شايف انهم احسن من الأستيراد كله بيتكسر فى الأخر
الكاوتش الصلى بتاعها مقاسه 195/60/14 و الفردهع بتعمل حسب نوعها من 275- 400 جنيه الفرده
الشبكة الأمامية بتعمل حوالى 160 جنيه و فى منها صينى ب 70 جنيه بس زباله قوى تنفع واحد عايز يبيع العربية من غير ما يصرف
البلاستيكه اللى بتشيل الدراع الحديد بتاع الكابوت ب 20 جنيه
البلاستكتين بتوع الشماسات بتعمل حوالى 20 جنيه الواحد و ارخص منها و احسن هات بتوع النوبيرا نفس المقاس تقريباً و اللون مقارب
الأزاز الأمامى ب 475 بقاعدة المرايا الجى ام و ده احسن نوع فى نوع ب 300 من غير الحتة الملونة و لا قاعدة المرايا مالوش لازمة
المريتين
عاده الواحدة ب 90 جنيه تايوانى
كهرباء 175 جنية الواحدة بيقولوا تايونى و هى صينى
استيراد المرايتين كهرباء يعملوا حوالى 300 جنية بالفصال
بس انا مش فاكر حاجة تانى
-
فعلا هو ده طنانى باشا لا يعلى عليه
وكمان زى ما طنانى باشا والرجالة كلها بتقولك سيبك منها
وان شاء الله تلاقى الاحسن منها
اخوكم فى الله
هيثم الغزالى
haitham el-gazaly
-
معلش بقى حد فاكر حاجة تانى فى العربية دى بالذات عايز سعرها
الموتور استيراد بالفتيس بيعمل 4000 جنيه لغاية 5000 حسب حالته
الفتيس 1500-2000 استيراد حسب حالته
-
الأزاز الخلفى غالى بيعمل فى 1000 جنيه عشان السخانات
ازاز الشبابيك 175 جنية الواحد
الهوايتين ورا بيعملوا 250 الواحده لو لقيتها اساساً
-
للعلم في اسعار قطع غيار و كماليات صينى بس مرضتش احط سعرها لأنها زى قلتها و بعد ما تركبها هتندم قوى انك فكرت توفر 30-50 جنيه لأنك هترميها لو فضلت مستحمل بعد شهر بكبيره
-
يا رب الموضوع يكون فيه افاده للى عايز يسأل على قطع غيارها و اللى عنده قطع غيار تانى عايز سعرها من العين دى قبل العين دى
و للعلم اللى جبته من القصص اللى فوق دى كلها فانوسين ورا و طقم رشاشات و بوجيهات و طقم سلوك
-
استكمال اللى فاكره
الموبينا 600 جنيه
سلك الدبرياج 150 جنيه
طقم دبرياج لوك المانى 900 جنيه بالبلية
طقم دبرياج فاليو فرنساوى ( طقم معفن ) ب 750 جنيه و للعلم هو كورى و مضروب عليه فرنساوى او اسبانى و فى الأخر كله ضرب
جوان غطا تاكيهات لو لقيته اصلى بيعمل حوالى 60 جنيه
جوان وش سلندر بيعمل حوالى 150 جنيه لو المانى اصلى اصلى
وش سلندر كامل استيراد بتقفيل بلاده بيعمل حوالى 700 جنيه من غير فصال ( معرفة رذاله بس )
الكلاكس الأصلى استيراد 100 جنيه / جديد 250 جنيه
السماعات كلها 16 سم وهات ورا القوة اللى انت عايزها لو مش عايز تغير الأصلى بتاع العربية و من غير قص و قرف و قدام هات 16 سم قوة 190 وات سونى عشان الغاطس بتاعها صغير
فيه ايه تانى مش فاكر
ما تفكرونى ربنا يكرمكم عشان انا ممكن اعمل ده موضوع لوحده
-
tananybasha http://www.nilemotors.net/Nile/image...ser_online.gif
عضو ذهبي
انت فاكر الاسعار دى كلها ازاى !!! :D
الحاجات دى كلها غيرتها؟!!
Content Relevant URLs by
vBSEO 3.6.0 PL2