الحمد لله ... أخيرا رخصت جينا
بسم الله الرحمن الرحيم
السلام عليكم ورحمة الله وبركاته
:satelite:
بفضل من الله عز وجل النهارده رخصت العربيه
والحمد لله اتكتب في الرخصه اسمها Gen 2 وبالانجليزي كمان كدا بالظبط ( بروتون Gen2 2010)
طبعا جين2 مكان 2010
واللون اتكتب بالظبط كدا ( ازرق / زهري )
بس مش عارف ليه كتبها ليموزين مع انها صغننه
ياسلالالالالالالالالالالا لالالالالالالالالالام
الرخصه منوره باسمك يا جينا
ربنا يحميكي ويخليكي ويحفظك من كل عين ومن كل شر
وتعيشي سليمه أمينه مأمونه (دا وصف مش أسامي )
مبرووووووووووووووووك:Ta_clap[1]:
:10D5C8~1107::10D5C8~1107::10D5C8~1107::10D5C8~110 7::10D5C8~1107::10D5C8~1107:
سعيد سعيد لابعد الحدود
المرور كان مرور عبود
وهو مرور محترم جدا يا جماعه
برغم البقشيش (رشوه بمعنى أصح ) اللي طلع وأنا مبحبش أعمل كدا
لكن الحمد لله عدت على خير
اعدت تقريبا ساعتين في المرور او اقل او اكثر
والترخيص كان 3 سنوات
اتكلف تقريبا 1200 بندق مصري
وشكرا لكل الناس اللي ساعدتني من اول الحجز لحد الاستلام لحد الترخيص
أصدقائي , العائله الكريمه , خالي
أخواني في المنتدى أستاذ أسامه , أستاذ هيثم , أستاذ أيمن
شكرا لكل شخص اداني معلومه افادتني في العربيه
شكرا لكل شخص فادني ولو بكلمه صغيره
واولا وأخيرا الشكر لله وحده وهذا فضل ونعمه من عنده
سؤال على جمب :- ياريت تقولولي ضغط الكاوتش الامامي والخلفي كام ؟!!
علشان من فرحتي ( اقصد خيبتي هههههه ) نسيت أكشف على ضغط الكاوتش من ساعة ما استلمت العربيه (أسبوع بالظبط )
هل هو زي ما انا فاكر
الامامي 28
الخلفي 32
؟؟
شكرا لكم مره أخرى تحياتي ليكم :satelite: