الموضوع: حد يلحقنى من استاذه التكيف ........... انا بيتنصب على ولا ايه

يا جماعه حد يلحقنى ويقلى ايه الحل ...... انا دفعت اكتر من 250 جنيه ........ وبعد ما كان عندى تكيف بس ضعف شويه بقيت من غير تكيف

المشاركة الأصلية كتبت بواسطة jo1968

الموضوع باختصار انا عربيتى بيجو 306 موديل 96 1800cc اوتوماتك التكيف بتاعها كان شغال تلاجه من حوالى اسبوعين لاحظت انى التبريد بيقل والكمبرسور بيفصل كتير انا قلت ان الشحن قل روحت من يومين لواحد بتاع تكيف قلى ان الضغط اعلى من الطبيعى وقلى انا هفضى الدوره واعمل سحب للهوا واشحن تانى واجرب ....... النتيجه لا جديد راح فك الفلتر وقلى انه مكتوم وده عايز يتغير المهم انا من اسيوط ودورت على الفلتر ملقتهش قلى انظفه واركبه بس فى اقرب فرصه هات واحد جديد ونغيره لانى التبريد مش هيتحسن قوى ........... المهم الكلام ده كان اول امس بالليل وبعد مانظف وشحن انا مش ملاحظ اى تحسن بل التبريد كان الاول احسن تانى يوم الصبح اشغل التكيف ولا كانه شغال رحت اشوف البشمهندس الاولانى لقيته ما بيفتحش الصبح بعد ما سالت ناس معرفه دلونى على واحد تانى عنده جهاز كمبيوتر احدث وقالوى ده بيفهم احسن روحتله وحكتله على اللى حصل كله راح سحب الشحن القديم وشحن تانى ما فيش فايده فك الفلتر والاكبنشن وقلى ما فيهمش حاجه والمشكله اللى عندك الكباس ضعيف وعايز يتغير وبعد ما بعتنى لاكتر من واحد بتاع قطع غيار استيراد ما لقتش نفس الكباس راح قلى انا عندى واحد بس نفك بتاعك الاول علشان ناخد الظهر والوش بتاعه علشان يركب عندك المهم بعد ما فك الوش والظهر وفك البساتم بتعه الكباس بتاعى لقينا الكباس مليان زيت وطلع اللى عنده ما يركبش على الوش والظهر بتاعى والحمد لله انه طلع كدا لانى انا حاسسس انه كان بينصب عليا ............ ركب الكباس بتاعى تانى وشحن وفاجه لقينا العربيه بقيت تلاجه ........ المهم قلى انتى محظوظ والكلام الفاضى ده ............ مشيت بالعربيهوهى تلاجه لغايه ما فصل الكمبروسر ولغايه ما وصلت البيت حوالى ربع ساعه ما قامش تانى المهم طفيته وولعته تانى يدى التكه وما فيش تبريد ........ رحت طافى العربيه ومدورها تانى يشتغل ويبرد زى الفل ............ المهم النهارده الصبح انه يبرد ابدا على الرغم انه بيدى التكه بتعته روحت الشغل وهو يبعد عن منزلى 40 كيلو وانا مشغله ولا فى اى تبريد بعد ما وصلت الشغل وركنت العربيه دورت اشتغل بس بعد ما فصل ما رجعش تانى على الرغم انه بيدى التكه غسلت السربانتينه برضه ادور يشتغل وبد ما يفصل اول مره ما يبردش تانى ........ انا هاتجنن منه ارجوكم افيدونى ايه الموضوع والحل

محدش من استاذتنا ناوى يفدنى ولا ايه

أحتمال ده يكون ضعف فى كويل سحب كلاتش الكمبروسور

المشاركة الأصلية كتبت بواسطة samirayad

أحتمال ده يكون ضعف فى كويل سحب كلاتش الكمبروسور

الف شكر على الاستجابه يا استاذنا الكبير بس الكويل ده بيبقى فين

المشاركة الأصلية كتبت بواسطة samirayad

ده الكويل الكهربى
عباره عن ملف كهربى لما بيجيله كهرباء من البطاريه من خلال فيوز وكتاوت تعشيق الكلاتش بتاع التكييف اللى ورا الطنبوره بيسحب وش الكلاتش لتدوير قلب الكمبروسور وبالتالى ضخ الفريون
اللى بيحصل عندك من وجهة نظرى
أن مع سخونة الكويل ( مع أستمرار مرور التيار الخاص بالجذب الكهربى )
مقاومته بتزيد
وبالتالى بتضعف قوة الجذب الكهربى للكويل فبينفصل الكلاتش
علشان كده
لو بتسمع تكة التعشيق كل مره والعربيه بارده وبعد كده التكييف بيفصل (مع وجود تكات ضعيفه برضه وأنت بتشغل زرار التكييف بعد فصله ذاتيا ... ...بس غير قادره على أتمام عملية التعشيق الازم لأدارة قلب الكمبروسور )
يبقى تحليلى معقول جدا

كلام منطقى جدا وتقريبا هو ده اللى بيحصل ............ بس انا لي سوال لحضرتك الكويل ده بيتغير من غير ما يتفك الكمبرسور ولا لازم يتفك علشان ده فكه شغلانه تاخد يوم .......... وسوال تانى لو الشحن ضعيف ممكن يعمل كده