انا اعرف ان ال4×4 هو الدفع بالاربع عجلات .. طب الall wheel drive معناها نفس الكلام .. طب ايه الفرق بقا ؟؟
عرض للطباعة
انا اعرف ان ال4×4 هو الدفع بالاربع عجلات .. طب الall wheel drive معناها نفس الكلام .. طب ايه الفرق بقا ؟؟
مصطلح 4×4 بيتقال على العربيات اللى الدفع الرباعى فيها اختيارى او بمعنى تانى فيها فتيس غرز
تقدر تختار منه دفع ثنائى او رباعى وقت ما تحب وعلشان كدا المصطلح ده ارتبط بالعربيات المخصصه للمناطق الوعره
ال awd بيطلق على العربيه اللى الدفع فيها رباعى برده بس طول الوقت ومفيش قدره على تحويلها لدفع ثنائى والمصطلح ده برده ارتبط بالعربيات العاديه اللى ميزه الدفع الكلى فيها مقتصره على تحسين الاداء دون القدره على السير فى المناطق الوعره
الف شكر يا احمد باشا .. دايما منورنى :)
اعتقد ان ال awd عند سرعة معينة بتتحول دفع ثنائى
العفو يا استاذ كريم دا من حظى انا :shine[1]:
هى الفكره فعليا هتحسن الاداء كتير لأن العربيات الدفع الكلى اضعف فى التسارع والسرعه القصوى من قرينتها بدفع ثنائى الا ان مشوفتش شركه بتعمل كدا فى عربياتها
لكن النظام القريب من كدا بيكون تحكم الكترونى فى توزيع القوه بين المحور الامامى والخلفى بحيث ان فى بعض الظروف لو فى عجلات بتنزلق يتم توجيه معظم القوه للعجلات المواجهه ليها لزياده الثبات
ماشاء الله يا ابو حميد ,, دايما سدااااد فى اى حته :)
لا حقيقى ماشاء الله عليك موسوعه سيارات متنقله ,, ودايما بنستفيد منك
جزاك الله خيرا يا زعيم على المعلومه :)