تجربه تغيير زيت الفتيس وتحسن ملحوظ

**Ahmed Nouh** · 28-10-2009 05:38 PM

قبل اى شئ انا عايز اقول ان البشمهندس طارق زويل راجل قمه فى الادب والاخلاق واللباقه و الاحترام

بعد ما وصلت التوكيل لتغيير الزيت الراجل تفضل مشكورا استقبلنى فى مكتبه وعطلته عن شغله فتره كبيره جدا واتكلمنا كتير وكنت مستمتع جدا بالقعده معاه وحاسس بالذنب جدا علشان معطله

كذلك البشمهندس محمد الراجل الخلوق رائع الذوق اللى نزل معاى وضيع كتير من وقته مع العربيه لحد ما خلصت

جزاك الله خيرا يا بشمهندس على خدمتك واستقبالك الجميل وشكرا جزيلا للبشمهندس محمد على تعبه معاى

نيجى بقا للعربيه

عربيتى عامله حاليا 49 ألف كيلو وبدايه من من بعد الاربعين وانا حاسس ان اداء الفتيس بيقل عن الاول وبيبقى خشن

اول الملاحظات كانت ان اول دقيقتين من الحركه الفتيس خشن فى التعامل ونقل الغيارات وبعدين يبقى كويس وبعد شويه تانى من الاستعمال وتحديدا لما الفتيس يسخن تبدأ الاعراض تظهر تانى

اول الاعراض صوت معدنى خفيف اسمعه وانا بحرك العصايه وانقل وكأنها بتتحرك من غير تزييت وبتخبط

ثانى الاعراض كان خشونه فى النقل تظهر بشكل واضح فى تسقيط الغيارات من الثالث للثانى او من الثانى للأول ( تسقيط عادى مش حرق يعنى ) وكان كتير العربيه بالذات فى النقل من الثانى للاول تاخد الغيار بصعوبه وساعات العصايه تقف قبل ما تاخد الغيار علطول وارفع انا رجلى تلقائى وتسمع اسوء صوت لتخبيط التروس

فقررت انى اغير الزيت علشان اتفادى اى مشاكل والحمد لله تم تغيير الزيت والفاتوره كامله 175 جنيه فقط

بعد الزيت كل حاجه رجعت زى الفل , الغيارات ناعمه جدا والتسقيط مفيهوش مشاكل سواء كان الفتيس سخن او بارد

حركه النقلات بقت صامته من غير صوت وفى تحسن فى التسارع ومش عارف ده تهيئات ولا بجد واصبح المشى فى الزحمه اكثر سلاسه بعد ما كان كثره تبديل الغيارات الاولى للعربيه عذاب

انصح اى حد عنده المشكلات دى بتغيير الزيت وهيلاحظ فرق كبير

**zoro007** · 28-10-2009 09:40 PM

انا عندى الفتيس برضه اوقات بيقف ومش بيرضى ينقل الا لما اشيل رجلى من الدبرياش وادوس عليه تانى خصوصا فى المرش والنقله الاولى لكن دا مش بيتكرر كتير محصلش معايا الا تقريبا 5 او 6 مرات كل فترات لكن مش بسمع اصوات تروس والنقلات تعتبر كويسه بدون صوت

انا شكيت فى الزيت برضه وانا بغير زيت المكنه خليت الراجل يبصلى على زيت الفتيس وقلى مظبوط ومش ناقص

دا ممكن يكون نوع الزيت تعبان وتنصحنى انى اغير زيت ولا ايه النظام

**Ahmed Nouh** · 28-10-2009 09:47 PM

لا الاعراض دى كدا تختلف عن عندى

انا الصوت عندى كان تكتكه معدنيه كدا من حركه العصايه لكن مش زعق , والغيارات كانت فى كل الاحوال شغاله لكن كانت بتعاكس ومش سلسه

لو حضرتك مغيرتش الزبت من بدايه عمر العربيه ممكن تجرب تغيره وتشوف لو حصل تحسن او لا

بس انا راى الاعراض عندك اقرب للدبرياج

**NFS** · 28-10-2009 10:24 PM

المشاركة الأصلية كتبت بواسطة zoro007

انا عندى الفتيس برضه اوقات بيقف ومش بيرضى ينقل الا لما اشيل رجلى من الدبرياش وادوس عليه تانى خصوصا فى المرش والنقله الاولى لكن دا مش بيتكرر كتير محصلش معايا الا تقريبا 5 او 6 مرات كل فترات لكن مش بسمع اصوات تروس والنقلات تعتبر كويسه بدون صوت

انا شكيت فى الزيت برضه وانا بغير زيت المكنه خليت الراجل يبصلى على زيت الفتيس وقلى مظبوط ومش ناقص

دا ممكن يكون نوع الزيت تعبان وتنصحنى انى اغير زيت ولا ايه النظام

انا عندى نفس الكلام المارش سعات كتيير ميجيش غير لما اشيل دبرياج و ادوس تانى

**nab!l** · 30-10-2009 03:21 PM

عندى نفس الكلام فى الاسترا بس لما رحت لواحد قاللى زيت الفتيس ممكن تمشى بيه العمر كله

**A.Gameil** · 08-12-2009 11:23 PM

انا العربيه عندي عامله 64000 و أتصلت بالتوكيل كنت بسأل إمتى أغير الزيت قالي كل 40000 وأنا أخذت ميعاد علشان أغيره وقالي تكلفته 350 مش 175 وبيأخد 9 كيلو وإني لو غيرته بره بيأخد 7 كيلو فقط لكن التوكيل عنده ماكينه شفط الزيت علشان كده بيأخد 2 كيلو زياده , أنا عربيتي مانيوال موش أوتوماتيك علشان كده انا موش عارف الكلام ده صح ولا غلط وياريت تفيدني بتجربتك
وشكرا جزيلاً

**NaderNabil** · 08-12-2009 11:31 PM

طب انا عندي مشكلة في الفتيس مش عارف إيه سببها

الغيار التاني في ونة دوناً عن باقي الغيارات...و فقط أثناء الضغط على الدبرياج

يعني لو ماشي على التاني و دوست فجأة على الدبرياج أسمع الونة
أو لو كنت ممور و بعد كده دوست دبرياج و جبت التاني ...تقوم الونة ظاهرة

يا ترى دي تكون مشكلة إيه؟

**Ahmed Nouh** · 08-12-2009 11:37 PM

مش عارف موضوع ال 350 جنيه ده بس انا عملته ب 175

كذلك مفتكرش ابدا ان الفتيس بياخد 9 كيلو زيت ده رقم كبير جدا اعتقد اخر الفتيس خالص من 3 ونص لأربعه لتر محتاجين نتأكد من الرقم ده

عن نفسى مكملتش انطباعى الاول فى الموضوع هنا لان بعد تغيير الزيت بيوم بس رجعت الخشونه عندى تانى لأن يومها طول النهار اتحركت بالعربيه كتير فكانت طول الوقت سخنه , لكن حتى الان معرفش العيب من ايه وللأسف الخشونه عندى بقت ازيد والموضوع اتعكس واصبح الفتيس بيبقى انعم على السخن واسوء بكتير على البارد وده من رأى مشكله فى نوع الزيت اللى اتغير انه اتقل من القديم

**أبو_حمزة** · 09-12-2009 11:37 AM

انا العربيه عندي عامله 64000 و أتصلت بالتوكيل كنت بسأل إمتى أغير الزيت قالي كل 40000 وأنا أخذت ميعاد علشان أغيره وقالي تكلفته 350 مش 175 وبيأخد 9 كيلو وإني لو غيرته بره بيأخد 7 كيلو فقط لكن التوكيل عنده ماكينه شفط الزيت علشان كده بيأخد 2 كيلو زياده , أنا عربيتي مانيوال موش أوتوماتيك علشان كده انا موش عارف الكلام ده صح ولا غلط وياريت تفيدني بتجربتك
وشكرا جزيلاً

الكلام ده على فتيس اتوماتيك

**husseinthemaster** · 13-12-2009 10:31 PM

مش عارف موضوع ال 350 جنيه ده بس انا عملته ب 175

كذلك مفتكرش ابدا ان الفتيس بياخد 9 كيلو زيت ده رقم كبير جدا اعتقد اخر الفتيس خالص من 3 ونص لأربعه لتر محتاجين نتأكد من الرقم ده

عن نفسى مكملتش انطباعى الاول فى الموضوع هنا لان بعد تغيير الزيت بيوم بس رجعت الخشونه عندى تانى لأن يومها طول النهار اتحركت بالعربيه كتير فكانت طول الوقت سخنه , لكن حتى الان معرفش العيب من ايه وللأسف الخشونه عندى بقت ازيد والموضوع اتعكس واصبح الفتيس بيبقى انعم على السخن واسوء بكتير على البارد وده من رأى مشكله فى نوع الزيت اللى اتغير انه اتقل من القديم
كدة ممكن يكون الزيت اتقل من القديم فعلا انا عندي نفس الموضوع

الموضوع: تجربه تغيير زيت الفتيس وتحسن ملحوظ

LinkBack

أدوات الموضوع

عرض

تجربه تغيير زيت الفتيس وتحسن ملحوظ - انشر الموضوع فى :

-

-

-

-

-

-

-

المواضيع المتشابهه

تغيير زيت الفتيس الاوتوماتيك !! و تغيير طقم السيور

تجربه قاسيه مع الكبالن وزيت الفتيس فى الفليشيا

تجربه تغيير شجره الشكمان كامله و تركيب ديفيل

هل من الضروري ( فك وش الفتيس الاوتوماتك ) عند تغيير زيت الفتيس ؟

تجربه تغيير ماستر عمومى وسرفو لل 305

الكلمات الدلالية لهذا الموضوع

المفضلات

المفضلات

ضوابط المشاركة