مساء الخير يا شباب
انا عاوز استفسر منكم على موضوع تغير الفتيس لانوس المانيوال الى اوتوماتك علما بان موديل العربية 2000 وهي عاملة 90000 كيلو وانا عملت بحث قبل ما اكتب الموضوع دة لقيت النك دة
http://www.nilemotors.net/Nile/92983-a.html
بس الحقيقة مكنش في الموضوع استفاضة في المعلومات بمعى ان مثلا استاذ محمد ممدوح قال
( دا غير تغيير خازنة زيت الفرامل و تغيير الرادياتير و الكبالن ) انا مفهمتش ليه ( انا طبعا بسأل علشان افهم واتعلم مش بجادل صدقوني ) خصوصا تغير الرادياتير
وكمان استاذ elwad_crazy قال
اول حاجه هتجيب الفتيس الاوتواوهتجيب ضفيره جديده للفتيس
وهتجيب طقم الدوسات جديد فرامل وبنزين
وهتغير علبه الغيارات من مانول للاوتوا
طبعا انا استفدت بشويه معلومات بس محتاج اعرف حاجات تاني
1- القطع المطلوب شرائها بالضبط وهتكلف كام علشان انا مش عاوز يتنصب علي وهل هلاقي القطع دي جديدة ولا لازم استيراد
2- كفائة العربية في الشفل هتتغير ولا لأ يعني في السحب والتجميع مثلا هيكون ازاي
3- هل الموضوع دة هيقلل من قيمة العربية في البيع لو حبيت ابيعها ولا ايه
4- هل بعد الموضوع دة ما يتم فية مشاكل معروفة هتظهر وهل لها حلول معروفة خصوصا ان بحولاها اوتوماتك علشان المدام هي الي هتسوقها ومش عوزها تقع في مشاكل اعطال في الشارع ( اما انا فكيف مانيول )
اسف للأطالة ومنتظر منكم اراكم وشكرا للجميع