عرض للطباعة
أنا لى طلب متعب شوية عايز أسعار العربيات اللى موديلاتها : مرسيدس سيدان بأنواعها
و بى ام دابليو سيدان بأنواعها و - سكودا أوكتافيا - و أوبل فيكترا - وياريت اي أنواع تانية
بس دول كلهم يبقوا 2009 بس انا مش عايز أعرف الأسعار هنا في مصر
المشكلة أنى عايز أعرف الأسعار في دولة الكويت وياريت لو مثلا السعر هناك ويساوى هنا كام
هو طلب متعب بس ماعليش ختى لو في أحد مش هيعرف يدلنى علي الوسيلة اللى أعرف منها
معقولة يا جماعة 25 مشاهدة ومافيش أى حد قال حاجة
اولا دا المنتدى العام فلو عايز سعر عربية معينة لازم تسأل فى المنتدى بتعها
ثانيا معظم اعضاء المنتدى مصريين عايشيين فى مصر فصعب اوى ان يكون فى واحد عارف كل اسعار المعلومات دى و فى الكويت كمان
ثالثا حوار 25 مشاهدة دا مش كسل من الاعضاء او تجاهل بس اللى انت طلبه دا صعب اوى
و فى النهاية اتمنى انك تلاقى اجابة
انا فاهم بس مش لازم يكون اي حد عارف الاسعار يدلني علي موقع مثلا زي كونتاكت اعرف منه بس
ياريت يا جماعة حد يفيدني
متشكر ليك يا كنج بس برده مستعمل
ايه الموقع بقي صحراء والا ايه
أصل الطلب صعب بصراحة
انا هنا في السعودية و مع ذلك لو طلبت مني أسعارهم في لسعودية مش هأعرف و خصوصا انه شكلك عايز السعر بالظبط مش تقريبي لأنك ناوي تشتري مثلا
المهم حاول تدور عالنت على طلبك على ما حد يقدر يجاوبك
اسعار السيارت فى الكويت انت تامر
اولا اوبل وكالة يوسف الغانم وللاسف مفيش اى سيارات اوبل فى الكويت موديل السنة
سكودا علىالغانم كان عامل عرض اسكودا فانتازيا تبدا من 4950 دينار يعنى 100000 جنية
بى ام دبليو الاسعار مش اقل من 12000 الف دينار يعنى 240000 جنية
اسعار المرسيدس تقريبا نفس الاسعار
الأمر لله انت بصراحة فتحت نفسي علي الموقع والدنيا من جديد ياريت حضرتك تجيب جميع الأسعار ياريت طالما انت وصلت للمعلومات دياقتباس:
المشاركة الأصلية كتبت بواسطة girgis3510
ماعليش هاتعبك بس بجد محتاج الموضوع ده ضروري
وليه مافيش فكتر بره وها الفانتازيا دي كاملة كله
حبيبى Zego
بالنسبة ل اوبل انا من شهر كنت مقدم اشتغل sales فى شركة على الغانم وكلاء كاديلاك وهامر وشيفرولية وساب واوبل وسالت مدير المعرض ليه اوبل مش موجودة قالى ان جنرال موتورز مش هاتنزل اوبل فى الكويت السبب بالظبظ انا مفهمتش ليه؟!!!
على العموم انسى اوبل من الكويت
السكودا ده السعر الابتدائى يعنى مش كل الكماليات
بعض الاسعار مثلا اللانسر EX تبدا من 3800 دينار والكاملة ب 4990 دينار دى 1500 سى سى اما 2000 سى سى بنفس السعر وهو 5000 دينار يعنى 100000 جنية
الكورولا 4885 فى الساير وكماليات اقل بكتير من اللى فى مصر بس يابانى
فولكس جيتا بردة فى حدود 4900 دينار
على فكرة جميع الوكالات اسعار غالية لو حبيت تحسب سعر السيارة + سعر الجمارك
وياريت تقولى اية نوع السيارة بالظبظ علشان اقولك سعرها او اساللك عن سعرها
ولا شكرا ليك جدا بجد ثانيااقتباس:
المشاركة الأصلية كتبت بواسطة girgis3510
انا عايز سعر الأوكتافيا 2010 كاملة يعني سعر أعلي حاجة فيها في الكويت وبعدين تكلفة نزولها بالجمارك وكله تبقي كام مصري لو هرخصها هنا
والمرسيدس للأسف لسه مش عارف اي فئة فيها ولو هتعب حضرتك نبقي نتكلم علي الخاص
وربنا يسهل ليك البحث
الاسعار هناك كدة حلوة اوىىى بس لية الاوبل مش هاتنزل فى الكويت ؟؟؟؟؟؟؟
بص يا زعيماقتباس:
المشاركة الأصلية كتبت بواسطة zego
السكودا الفانتازيا الكاملة جلد و فتحة مع نافيجيشن في حدود 7300 دينار (138700 جنيه)
ده موقع الوكيل فؤاد الغانم
شركة فؤاد الغانم و أولاده للسيارات.... Fouad Alghanim & Sons Automotive
المرسيدس اقل حاجة هي ال CLC الفاضية معدية ال 9000 دينار مستريح و اقل متور هو ال 180 كومبريسور يعني الجمارك معدية
و ده الموقع بتاعهم و الاسعار موجودة بس بالدولار
Mercedes-Benz Middle-East
اما موضوع الجمارك فمليش فيه قوي بصراحة اللي اعرفة ان العربيات ال 1600 سي سي جمركها 40% ده غير الضرايب اللي ليها حسبة عجيبة كدة. عموما السعر عندك و ممكن حد فاهم يحسبهالك
و ده موقع الجمارك و فيها التفاصيل لو فايق
ط§ظ„ظ…ظˆظ‚ط¹ ط§ظ„ط±ط³ظ…ظٹ ظ„ظ…طµظ„ط.ط© ط§ظ„ط¬ظ…ط§ط±ظƒ ط§ظ„ظ…طµط±ظٹط©
لو عايز نصيحتي فكك من الحوار ده الاسعار مش هتفرق قوي و هيطلعوا عينك في التوكيلات في مصر و ده عن تجربة و الله
الا اذا انت عايش في الكويت و ناوي تجيب العربية تستخدمها و بعدين تنزل بيها لما ترجع ساعتها ممكن الموضوع يبقي فيه كلام
الاوبل يا زعيم ملهاش سوق هنا خاااالصاقتباس:
المشاركة الأصلية كتبت بواسطة eng.octooo
الفيكترا الشكل الاخراني ده موجود هنا من زمان و فشل فشل زريع لان اسعارها كانت قريبة من جواهر التاج (الكامري و الالتيما و الاكورد) و دول طبعا كانو بينزلوا بمواتير اكبر و اشد من ال 2000 سي سي بتوع الاوبل و طبعا قطع غيارهم ارخص بكتير و بيتصلحوا في اي حتة عكس الاوبل طبعا.
هو فية كلام ان الانسيغيا ممكن تنزل بس تحت اسم تاني غير الاوبل بس مفيش حاجة اكيدة
شكرا اووى يا شريف بجد وياريت تفضل متابعني
انت وجرجس تعبتكم معاي بس اكيد هنرسي علي حل
العفو يا باشا و انا تحت امرك
سعر شيفرولية كروز فى الكويت 4500 دينار بس الماتور 1800 cc والكاملة ب 5000 دينار وماتور 140 حصان يعنى من 90000 الى 100000 جنية
كانوا منزلين كروز وشيفروليو ماليبو فى حفل اسطورى فى معرض الرى
سالت على الماتور 1600 cc قالولى مش متوفر فى الوقت الحالى.
انا مقيم في الكويت من اربع سنوات بس لازم تعرف ان في فرق بين سعر السيارة كاش وبالتقسيط وسعر السيارة الطبيعي وسعرها وقت العروض يعني في نهاية السنة في عروض جامدة جدا خلاف بداية نزول الموديل في شهر ابريل كان مثلا الانسر فيه عروض وخصوصا علي الشكل القديم وكان في عروض علي الشراء بالتقسيط المهم اللي انا فكره بالظبط الافيو 2009 علشان كنت بفكر اشتري واحدة ورحت جربتها هي في منها 2 موديل موديل كامل ماعدا الريموت والرنجات كان 2099 دينار الموديل الثاني كامل ب3100 بس خالي بالك ان هنا اي عربية بتنزل تكييف وزجاج كهرباء وسنتر واتوماتك مفيش عادي خالص طبعا وعلي العموم هسال علي باقي الموديلات
شكرا ليك يا جرجس انت وميمو ومش عارف اقولكم ايه
ولو النظام كدا الواحد يفكر يجيب حاجة من هنا وخلاص
بصراحة لو بتفكر تجيبها من الكويت وتجمركها وتنزلها ..
الموضوع ده مش عملي خالص ..
انا اخواتي اشتروا سوزوكي sx4 من مصر لان لما حسبناها لقينا ان الموضوع فاشل ..
صدقني ده الخلاصةاقتباس:
المشاركة الأصلية كتبت بواسطة horas3000
انا متشكر لكم كلكم وفعلا الواحد يجيب حاجة من هنا كويسة بدل البهدلة والاسعار النار
بصراحة لو انت عايزه تجبها وانت مقيم في مصر حرام عليكي السعر هيبقي اعلي من مصر بعد اضافة الجمارك غير انك هتخسر الضمان طبعا اللي بيجب من هنا اللي مقيم هنا ومحتاجها في شغاله وبعد خمس سنين ينزلها ويستفيد من تخفيض الجمارك علي سنوات الاستخدام يبقي هو استفادة انه استخدمها وخد تخفيض جمركي وفضلت في الضمان غير كده يبقي تفكير مش عملي نهائيااقتباس:
المشاركة الأصلية كتبت بواسطة zego
ان شاء الله الواحد يستقر علي حاجة هنا كويسة