سؤال لملاك النيو سيراتو بمختلف فئاتها Lx Ex Sx بخصوص مقاسات الكاوتش والجنوط والارتفاع
السلام عليكم ورحمة الله وبركاته
دا موضوع للمناقشه عن السيراتو وارتفاعها عن الأرض ومقاسات الجنوط والكاوتش
وياريت اللى عنده خبره او تجربه سواء من الملاك او حد جربها ياريت يشارك ويفيدنا
دلوقتى السيراتو اول فئه Lx مانيوال واوتوماتيك بتنزل بجنوط 15 وكاوتش 195/65
فئة Ex بتنزل بجنوط 16 وكاوتش 205/55
فئة Sx لحد الهاى لاين بتنزل بجنوط 17 وكاوتش 215/45
ومعروف ان ادنى ارتفاع للسيراتو عن الأرض 15 سم
المهم بحسبه المقاسات دى على بعض المواقع اللى بتحسب مقاسات الكاوتش
فئة Ex أوطى من Lx ب 3 مللى يعنى حاجه لا تذكر
فئة Sx أوطى من Lx بحوالى 1 سم
فهل معنى كدا ان ارتفاع العربيه الكلى لل Sx بقى 14 سم ؟
ولا ال Sx هى اللى 15 بعد ماوطيت وال Lx اصلا 16 سم ؟
ولا اصلا مفيش فرق فى الارتفاع وكلهم ارتفاعهم واحد ؟
ياريت اللى جرب فئتين مختلفتين من السيراتو مثلا Sx و Ex
أو Sx و Lx يفيدنا اذا كان فى فرق فى الارتفاع ولا لأ
وفى انتظار ارائكم
