بسم الله الرحمن الرحيم
السلام عليكم ورحمة الله وبركاته
انهارده رحت المعهد وقابلت صحابى بنات واولاد اغلبهم بنات محترمة المهم اتعرفت على واحدة فيهم وقضينا اليوم زى الفل وحضرنا محاضراتنا والمعامل وطلعنا كلنا من عم ميدو بتاع البطاطس (راعى البطاطس الرسمى )
وشربنا بيبسى زى الفل المهم هى ساكنة فى نازلة السمان قالتلى خلاص بقى هشوفك بكره بأذن الله باى باى
المهم بتعدىى الطريق واذا بميكروباص بيضرب فرامل جامد وطااااااااااااخ ببص لاقيت البنت طايرة فى الهوا بتاع 4 متر انا اتشليت لمدة 10 ثوانى بعد كده بدأت افوق من الصدمة جريت عليها والناس اتلمت وقف واحد ابن حلال بتاع تاكسى شالها معايا والحمد لله كانت بتوقف على رجليها طبعا السواق اللى خطبها مش غلطان لانها اتردد فى انها تجرى ولا تستنا انه يعدى من ادامها الناس بقى انت راجل ابن وابن وابن واللى كسر الازاز واللى يبضرب فيه واللى يقوله رخصك وبقت عجين الراجل عمال يقول يا جماعة انا لو عايز اهرب كنت هربت هاتوها فى الميكروباص وانا هوديها المستشفى يا جماعة انا عندى استعداد اسلم نفسى لو جرالها حاجة والناس مش هنا خالص اخد رقم العربية وسجلته فى الموبيل
طلعت انا وبتاع التاكسى على مستشفى الهرم (عمرى ما دخلتها) دخلنا الاستقبال والطوارئ مليان كله حوادث سيارات معدا حالة واحدة بس حريق دخلنا وجه الدكتور قاله ايه اللى واجعك قالتلو دراعى الشمال وركبتى
قالها اعملى اشاعة طبعا كنت مفلش معيش غير 30 ملطوش والاشاعات بـ120 ملطوش
قولتلها هاتى اتصل بأى حد من عندكم قالتلى اتصل ببابا وجوز اختى واخويا اياك تعرف ماما
اتصلت بيهم وجم بسرعة وعملنا الاشاعات المهم والدها قعد يقولى ايه اللى حصل فهمتو بطريقة بيسطة عشان ما يتخضش وقعد يقولى ربنا يخليك دى زى اختك وانا مش عارف اقولك والذى منه .
جه اخوها خد رقم العربية وقالى انا مش عارف اقولك ايه بجد ربنا يكرمك انك وفقت معاها :satelite:
ابوها قالى اتفضل انت عشان محدش يقلق عليك فى البيت وكده مشيت . وبكره بقى هتصل بيها بأذن الله .
ربنا ما يوريكم الموقف ده
فعلا موقف يموت من الخضة والرعب.
اخوكم يوسف:ask: