الموضوع: سكودا a4 افضل من البورا

بص يا ايس,

الاثنين فعلا واحد فى كل حاجة تقريبا, بس الموضوع نفسى, يعنى أنا عن نفسى شايف البورا كشكل خارجى و اضائة تابلوه داخلى أحسن من الأوكتافيا, و لكن من الصعب انك تلاقى بورا حالتها كويسة هتحتاج تدور جامد, و لو لاقيتها هتلاقى متعلى فى سعرها حبتين يعنى بتتكلم فى متوسط سعر 75 - 80 الف جنيه عشان تكون حالة.

طيب الأوكتافيا طبعا اسهل انك تلاقى الحالة الجيدة عشان تعتبر موديل حديث نسبيا, و قطع الغيار متوفرة طبعا عن البور و اعادة بيع أسهل (و كله رزق بتاع ربنا طبعا), بس المشكلة انى كنت بدور على اوكتافيا أتوماتيك تكييف تاتش عداد قليل و تكون فابريقة بحالة جيدة طبعا, و لقيت الناس بتتكلم فى 88 و 90 الف جنيه, و ربنا كرمنى و جبت بورا فابريقة برا و جوا ماشية 90000 ج تكييف تاتش أتوماتيك, بس كلفتنى 82000 ج و و كانت محتاجة شوية شغل فى العفشة

تقريبا مفيش فروق أخرى بين السيارتين بصراحة, غير ان البورا هى الأصل الأنشقت منه الأوكتافيا

و صحييح تحت أمرك فى أى تسائل ولا شكر على واجب, أهم حاجة عند نية الشراء الكشف على السيارة عند متخصص مش أى حد