تجربتي مع تحكم اللوجان و الله علي ما اقول شهيد
انا هقولكو علي تجربتي البسيطه جدا بس بنسبالي كبيره جدا جدا جدا
الاول انا بكتب الموضوع ده عشان الناس اللي اتلخبطتت اللوجان ثابته لا مش ثابته
بتتزحلق و لا لا كده
كنت ماشي عالمحور 26 يوليو بس بمعني الكلمه ناااااااااايم و سرحان علي نفسي خالص :majd(2):
بمعني اصح راكب والعربيه ماشيه لوحدها مجرد بدوس بنزين :120146b
طبعا ماشي مش مركز مع عداد و لا بتاع و بجري عايز اروح انام
المهم
ماشي في الحاره اللي جنب الشمال علي طول بسرعه و مفوقتش غير علي نور فرامل عربيه مرسيدس eclass بيضرب في وشي فجاه تخيلوا بقي فرامل مرسيدس قويه ازاي و تخيلوا بقي قربي منها قد ايه عشان نورها يفوقني ((تقريبا كان بيفرمل عشان الرادار))
رد فعل فجائي طبعا كانت علي يمينه عربيه تانيه رحت دايس فرامل خفيف قوي
و خاطفها من بين المرسيدس و الحاجز الخرسانه و رديت الدريكسيون بسرعه اعدل العربيه
الحمد لله ربنا انقزني :ask:و طلعت منها سالما
كل ده عادي
اللي مش عادي بقا اني ببص عالعداد بعد معديتو لقيتو مابين 130 و 140 :36_1_8[1]:
بجد و الله زي مبقلكو انا اتفجات بجد ازاي
و لا سمعت صوت صرخه كاوتش و لا العربيه حدفت مني ناحيه الحاجو ولا لما رديت حدفت ناحيه المرسيدس
بجد الحمد لله العربيه لمت نفسها في حته صغيره و ضيقه جدا جدا في اجزاء من الثانيه و بدقه عاليه تحسد عليها
انا كده ((بنسبالي)) ده اصعب اختبار ممكن احط فيه العربيه للثبات
ممكن بالنسبه للناس التانيه غير كده
الحمد لله الذي انعم عليا بنعمته و ارشدني للاختيار الصحيح
الحمد لله الذي نجاني من تهوري ونومي
اللهم بارك لنا فيما رزقتنا
و الله علي ما اقول شهيد :satelite: