العربيات و المطر: هو اية اللي بيحصل بالظبط ؟ و ازاي نتفادى المشاكل دي اثناء المطر؟

**M.Osman** · 28-10-2009 09:48 PM

النهاردة المنصورة كانت غرقانة بجد

بحيرات كبيرة و عميقة من المياه

العربيات ماشية كأنها بتعوم في البحر

انا كنت حاسس ان المية هتدخل جوة صالون العربية عندي بجد.. صوت المية و انا بسوق كان محسسني اني راكب مركب في المية..

عربيات كتير واقفة عطلانة و اصحابها نازلين فاتحين الكابوت

عربيات تانية الناس بتزقها على جنب

عربية كل ما تتحرك بتعمل اصوات غريبة.. كأنها اصوات احتكاك فرامل اتوبيس من القرن الماضي (مع ان العربية كانت افيو!)

الطريق واقف

حتى اللي راكن عربيته مش هيعرف يفتحها و يركب.. لأنها في داخل بركة من الماء

كل دا بسبب الماء و المطر
...
..
.
السؤال ... اية اللي بيحصل للعربيات اللي بتعطل دي؟
ازاي نتفادي ان مشكلة زي دي تحصل عندنا في عربياتنا؟؟
طب لو لاقدر الله حصلت مشكلة بسبب المية في العربية .. تتحل ازاي؟؟

شكراً و ربنا يصبر اي حد على عربيته لو عطلت في الطريق (موقف صعب اوي)

**fahd_628** · 28-10-2009 10:36 PM

طبعا الموضوع دة غلط !!!!

و موضوع العربيات الى بتقف دية بيجى تقريبا مياه على الأسبيراتير ! و دة بيحصل فى ال 128 مثلا علشان الأسبيراتير بتاعها تحت شوية فا ممكن مع الطرطشة بتاعت المياه العربية تقف !

و لو بركه عميقه اوى اوى يعنى واصله لغاية مكان سحب الهواء :) الى هوة لا يمكن يحصل بس انا شفت مرة حصل كدة كان فيه منزل و مطلع كدة فى نفق و كانت المياه متحوشه فية و عربية ( مش فاكر كانت اية ) نزلت فا وشها غطس جامد جدا ! ( اصلا محدش كان بيعدى و هوة عمل نفسه ناصح ) و العربية وقفت فى النص ! ! ! !

الموضوع دة يبقى باى باىىىىىىىىى !

**Ghamrawy** · 29-10-2009 12:11 AM

طالما المياه وصلت لمكان سحب الهوا يبقى فعلا خلاص و حصلت مع واحد صديقى و كانت فورد اسكورت و حصل مشاكل فى الموتور و البساتم و البيلات اتعوجوا و شرخوا الشمايز و عمل عمره .
تانى حاجة هى بلى اى حاجة بتكون واطية زى كمبروسور التكييف او الدينامو بتروح فى داهية و بتخشن و بتتغير
طنابير الفرامل غالبا بتتعوج نتيجة التبريد المفاجئ
اما الكمبيوتر و موزع الشرر غالبا فى كل الجديد بيبقى محمى كويس و نادرا لما بيطولوه مياه .
الحل لتفادى كل البلاوى دى هو محاولة السير فى منتصف الطريق او اى جزء عالى فى الطريق و عدم رفع القدم عن الاكسراتير علشان المياه تفضل بره الشكمان على قدر الامكان علشان العربية ما تكتمش و تبطل و الحل السحرى هو السير ببطئ و اختيار نقلة عفية (الاول و التانى) و عدم الفزع لو المياة دخلت داخل العربية ده عادى طالما بعيد عن صندوق الفيوزات و سلوك عوامة البنزين اللى غالبا بتبقى تحت الكنبة الخلفية و ربنا يسلمنا كلنا

**kind** · 29-10-2009 12:21 AM

الحمدلله انا وقت المطر كنت راكن العربية ومتغطيه ب ووتر بروف ومش بنزل فيها لما بيكون فى ميه كتير اوى كده فى الشوارع تفاديا للموضوع ده وخلاص
شكرا ياباشا على الموضوع ده فعلا مهم وحاول تنشف العربيه كويس وتركنها لحد لما الشوارع تنشف وأمرك لله

**m7nsh** · 29-10-2009 04:27 AM

والله اسألتك مهمه جدا يا success يابن بلدى يا جامد :)
منتظر معاك اراء باقى الأعضاء فى المواقف دى لأنها فعلا بايخه لأقصى حد
وعن نفسى 90 % لوالدنيا شاتيه جامد مش بنزل بالعربيه اصلا ( ده بفرض انها ممطرتش وانت سايق ومخدتكش على خوانه !)
وحمدله على سلامتك انت و العربيه يا زعيم ,, اهممم حاجه انكوصلت بيتك بالسلامه يا شقيق :)

**helmy537** · 29-10-2009 08:51 AM

للدرجه دى الدنيا عامت فى المنصوره يلا خير ونازل الحمد لله

**ehabbasha30** · 29-10-2009 10:36 AM

دة فى خلال تلات دقايق كانت المنصورة عبارة عن بركة مياة كبيرة
الثلج كان بيخبط فى زجاج العربية والصاج بتاعها ومن قوة الاندفاع كان بيطير لفوق تانى مسافة كبيرة ....... يعنى لو واحد استقبل واحد على دماغة كان على المستشفى على طول
ربنا ستر على الزجاج والله
كنت سايق ساعتها عربية زوج اختى 128
وعملتها معايا
المهم انها بتعملها مش فى اى حتة ....لا ... دى بتنقى الحتة الضيقة والزحمة عشان اللى وراك يفضل حاطط ايدة على الكلاكس وميشيلهاش
والله نزلت زعقتلهم ( اعمللكم اية حد ينزل يزق معايا)
طبعا كلة شال ايدة ومحدش قدر يتجرا وينزل يزق معايا فى المطر الى نازل انا بس اللى اتغرقت
المهم لما جة ياخدها منى طلعت على جثتة اللى اتعمل فيا
هههههههههههههههههههههههه
حرمت اخدها منة تانى وخصوصا فى المطر

**أشرف العدوي** · 29-10-2009 11:14 AM

عربية كل ما تتحرك بتعمل اصوات غريبة.. كأنها اصوات احتكاك فرامل اتوبيس من القرن الماضي (مع ان العربية كانت افيو!)

الافيو بتعمل الاصوات دي من غير مطر حتى
هي كدة

**Eng_Mostafa_89** · 29-10-2009 09:33 PM

المشاركة الأصلية كتبت بواسطة gemino

الحل لتفادى كل البلاوى دى هو محاولة السير فى منتصف الطريق او اى جزء عالى فى الطريق و عدم رفع القدم عن الاكسراتير علشان المياه تفضل بره الشكمان على قدر الامكان علشان العربية ما تكتمش و تبطل و الحل السحرى هو السير ببطئ و اختيار نقلة عفية (الاول و التانى) و عدم الفزع لو المياة دخلت داخل العربية ده عادى طالما بعيد عن صندوق الفيوزات و سلوك عوامة البنزين اللى غالبا بتبقى تحت الكنبة الخلفية و ربنا يسلمنا كلنا

+111111111111

-

الموضوع: العربيات و المطر: هو اية اللي بيحصل بالظبط ؟ و ازاي نتفادى المشاكل دي اثناء المطر؟

LinkBack

أدوات الموضوع

عرض

-

-

-

-

-

-

-

المواضيع المتشابهه

لية العربيات بتطفي في المطر

القيادة اثناء المطر واختراع المساحات

حادثة على صلاح سالم اثناء المطر

هو ايه اللى بيحصل بالظبط فى اسعار العربيات ؟

لا تستخدم مثبت السرعة اثناء المطر

الكلمات الدلالية لهذا الموضوع

المفضلات

المفضلات

ضوابط المشاركة