لماذا لا يجوز سحب ( قطر ) السيارة ذات الفتيس الأوتوماتيك ؟

السلام عليكم ,


لماذا لا يجوز سحب ( قطر ) السيارة ذات الفتيس الأوتوماتيك ؟ وايه العمل لو تعطلت ومحتاج اقطرها ؟

لا متهيالي تتقطر عادي بس تجيبها عال n
لكن متدورش بالزق وارمي و جيب تاني و الكلام ده:ma:

اقتباس:

---

المشاركة الأصلية كتبت بواسطة د.محمود صلاح

السلام عليكم ,


لماذا لا يجوز سحب ( قطر ) السيارة ذات الفتيس الأوتوماتيك ؟ وايه العمل لو تعطلت ومحتاج اقطرها ؟

---

أنا سمعت بردوا نفس الكلام ... مش عارف إيه السبب الحقيقة ...
بس لو عطلت عربية أخرى تشيلها

العربيه تتقطر عادي بس تجيبها على n

تتقطر عادى بس مش لمسافات طويله مكتوب كدة فى الكتالوج !

اقتباس:

---

المشاركة الأصلية كتبت بواسطة fahd_628

تتقطر عادى بس مش لمسافات طويله مكتوب كدة فى الكتالوج !

---

اه فعلا

لا عادى العربية تتقطر عادى بدام الجير على n
لكن الحكاية المعروفة أن العربيات الأتوماتيك مش بتتقطر دى المقصود بيها لو عربية ركنة مخالف مثلا و الونش جه يشدها العجل مش هيرضى يلف معاه و الجير ممكن يتكسر لأن العربية متعشقة على ال p
و بالنسبة لحاكية أن الأتوماتيك مش بتدور لو البطارية بايظة فخالى قالى أنه مرة حصلت معاه و جاب العربية على ال d و زقه العربية شوية راحت دايرة

اقتباس:

---

المشاركة الأصلية كتبت بواسطة smartchoice

لا عادى العربية تتقطر عادى بدام الجير على n
لكن الحكاية المعروفة أن العربيات الأتوماتيك مش بتتقطر دى المقصود بيها لو عربية ركنة مخالف مثلا و الونش جه يشدها العجل مش هيرضى يلف معاه و الجير ممكن يتكسر لأن العربية متعشقة على ال p
و بالنسبة لحاكية أن الأتوماتيك مش بتدور لو البطارية بايظة فخالى قالى أنه مرة حصلت معاه و جاب العربية على ال d و زقه العربية شوية راحت دايرة

---

جديده شويه المعلومه دي حضرتك متأكد من المعلومه دي

فى الميجان , الكتالوج قال اها ممكن تتقطر لمسافة 50 كيلو فقط


فى كتالوج التيريوس قال لا يمكن قطر السيارة الأوتوماتيك ولا لأى مسافة

طبعا على ال p الفتيس بيبقى معشق التروس وممكن تتكسر لو العربية اتحركب بالقوة والعجل الامامى على الأرض

اما السؤال هو عن كيفية أو صحة قطرها وهى على ال N ?

انا ماعتقدش فيه مشكلة حتحصل عشان العربية اوتوماتيك .. اعتقد الشركة بتتكلم عموما
اما عن سيارات أخري .. فبمفتاح عادي مش كارت و ما يخرجش الا لو العربية علي ال p
و مع ذلك ممكن تتقطر بونش حصيرة من قدام
(معلومة تتزق و هي علي ال d هلامية شوية )

العربية الأتوماتيك أساساً مينفعش تدور وهيا على الـ d

متابع بإهتمام

اقتباس:

---

المشاركة الأصلية كتبت بواسطة Abdo_Eldesokey

العربية الأتوماتيك أساساً مينفعش تدور وهيا على الـ d

---

مضبوط 100%
و كانت الحكاية دى هاتجيبلى سكته قلبيه اول ما جبت العربيه و لسه باتعلم
وقفت بالفرامل لحد ما العربيه ثبتت و بعديت طفيت العربيه مرة واحده بدون ما اغير الفتيس
كنت واقف باتكلم مع واحد فى الشغل
فلم الاحظ ان العربيه لسه على الـ d
و بعدين ادور و لا الهوا و لا اى صوت خارج من العربيه

اقتباس:

---

المشاركة الأصلية كتبت بواسطة MTAK

مضبوط 100%
و كانت الحكاية دى هاتجيبلى سكته قلبيه اول ما جبت العربيه و لسه باتعلم
وقفت بالفرامل لحد ما العربيه ثبتت و بعديت طفيت العربيه مرة واحده بدون ما اغير الفتيس
كنت واقف باتكلم مع واحد فى الشغل
فلم الاحظ ان العربيه لسه على الـ d
و بعدين ادور و لا الهوا و لا اى صوت خارج من العربيه

---

:ma: نفس الحوار حصل معايا بردوا وكانت العربية لسة جديدة وفضلت متنح مش عارف أعمل إيه ؟؟

فين بقى على ما خدت بالي إن الفتيس على D

العربيات القديمة بتدور على ال d عادى لكن الجديدة فيها نظام حماية
انا عربيتى كورولا موديل 83 و كذا مرة دورتها و هى على الd بالغلط

اقتباس:

---

المشاركة الأصلية كتبت بواسطة madoo_600

جديده شويه المعلومه دي حضرتك متأكد من المعلومه دي

---

أه بس كان عربية شيفرولية كابريس موديل ثمانينات لكن العربيات الجديدة فيها نظام حماية و مش بتدور على ال d

السلام عليكم
المعلومة سليمة واسبابها سوف احاول ان اوضحها في موضوع قريب بعد تجميعها إن شاء الله
حتي يتم هذا اريد ان اوضح الأتي:

بعض السيارات ذات ناقل الحركة الأوتوماتيك يمكن ان يتم جرها على الوضع N لمسافة قصوى مكتوبة في دليل الإستخدام الخاص بالسيارة بالإضافة ان يوجد سرعة قصوى للجر وطريقة ومحاذير خاصة مذكورة ايضا في الدليل.

إن لم يكن من المتاح إحضار ونش ورفع السيارة بالكامل علية حتى نقلها لورشة الإصلاح فالحل هو رفع العجلتين الأماميتين على ونش من على الأرض وذلك في السيارات ذات الجر الأمامي
وذلك قبل عملية الشد او القطر عن طريق ونش او سيارة اخرى.

طبعا ممكن تسمع افكار تانية لجر السيارات الأوتوماتيك لمسافات كبيرة بدون التأثير على الفيتيس مثلا فيه ناس بتحل الكبالن في سيارات الجر او الشد الأمامي وناس تانية بتفصل حركة عامود الكردان عن الفيتيس في السيارت ذات الدفع الخلفي كل ده الهدف منه فصل الفيتيس عن طريق انه يفصل حركة ال output shaft الخاص بالفيتيس عن العجل
اغلب السيارات إن لم يكن كلها بها نظام حمياه لمنع دوارة المحرك إلا في الوضع p او n. وده بيتم باكثر من طريق الي فاكرة الأن هو الحماية عن طريق منع الكهرباء من الوصول إلا المارش في حالة عدم تعشيق الوضع p أو الوضع n

وبارك الله فيكم جميعا

السبب في عدم وجود امكانيه لجر عربيه اوتوماتك لمسافه كبيره هوا ان لما بتجر عربيه اوتوماتك حتي وهيا عالn بيبقي برضو في شويه تروس جوه الجيربوكس متعشقه مع العجل وبتلف معاه _ اللي هيا اسمها التروس القمريه واللي المفروض بتعشق مع التروس الشمسيه المتوصله بالماتور في حاله السواقه العاديه.
التروس القمريه دي بتحتاج تزييت في حاله دورانها حتي ولو كان الدوران ده بسبب العجل في حاله الجر
معروف ان التزييت ده بتقوم بيه طلمبه الزيت اللي بتاخد حركتها من الماتور في حاله دورانه
وبما انا الماتور مش بيبقي داير في حاله الجر .. يبقي الطلمبه دي مش هتبقي شغاله ... يبقي مافيش تزييت للتروس القمريه دي
وده السبب ان في حدود للمسافه ولسرعه الجر غلط نتعاداها .. وزلك لحمايه التروس القمريه من الدوران بدون تزييت او الدوران علي سرعه عاليه

معلومات هايلة بارك الله فيكم

اقتباس:

---

المشاركة الأصلية كتبت بواسطة ahmadalaaeldin

السلام عليكم
المعلومة سليمة واسبابها سوف احاول ان اوضحها في موضوع قريب بعد تجميعها إن شاء الله
حتي يتم هذا اريد ان اوضح الأتي:

بعض السيارات ذات ناقل الحركة الأوتوماتيك يمكن ان يتم جرها على الوضع N لمسافة قصوى مكتوبة في دليل الإستخدام الخاص بالسيارة بالإضافة ان يوجد سرعة قصوى للجر وطريقة ومحاذير خاصة مذكورة ايضا في الدليل.

إن لم يكن من المتاح إحضار ونش ورفع السيارة بالكامل علية حتى نقلها لورشة الإصلاح فالحل هو رفع العجلتين الأماميتين على ونش من على الأرض وذلك في السيارات ذات الجر الأمامي
وذلك قبل عملية الشد او القطر عن طريق ونش او سيارة اخرى.

طبعا ممكن تسمع افكار تانية لجر السيارات الأوتوماتيك لمسافات كبيرة بدون التأثير على الفيتيس مثلا فيه ناس بتحل الكبالن في سيارات الجر او الشد الأمامي وناس تانية بتفصل حركة عامود الكردان عن الفيتيس في السيارت ذات الدفع الخلفي كل ده الهدف منه فصل الفيتيس عن طريق انه يفصل حركة ال output shaft الخاص بالفيتيس عن العجل
اغلب السيارات إن لم يكن كلها بها نظام حمياه لمنع دوارة المحرك إلا في الوضع p او n. وده بيتم باكثر من طريق الي فاكرة الأن هو الحماية عن طريق منع الكهرباء من الوصول إلا المارش في حالة عدم تعشيق الوضع p أو الوضع n

وبارك الله فيكم جميعا

---

الله ينور...مشكور...:vctry:

مرة جربت ادور السيفيا الاوتوماتيك بالزق لاني سمعت انها ممكن تدور زق بس على سرعة عالية.... و انا على 80 بطلت العربية و فتحت الكوناكت و جبت d .... محصلش اي فرق في العربية و طبعا مدارتش!!!

اقتباس:

---

المشاركة الأصلية كتبت بواسطة Haytham4ever

مرة جربت ادور السيفيا الاوتوماتيك بالزق لاني سمعت انها ممكن تدور زق بس على سرعة عالية.... و انا على 80 بطلت العربية و فتحت الكوناكت و جبت d .... محصلش اي فرق في العربية و طبعا مدارتش!!!

---

كويس ان الفتيس ما خربش :stink[1]:

بجد موضوع جامد فعلا وجزاكم الله كل الخيرعلى المعلومات القيمة

بارك الله فيك ,, اتمنى عدم القيادة بسرعة وتهور واعلم أنك كلما قدمت في السواقة سرعتك هتقل