ماتشيلش هم سيب دى عليا انا هاقبلك ونروح مع بعض
بس انا موبيلى اتسرق من امبارح وانا بشترى تذاكر الماتش الفقريه دى اتبهدلت واتسرقت وضاع منى فلوس
انا هرجع خطى واشترى موبيل تانى خلال يومين كده ...وبعدها نتفق اوكيه مش تشيل هم خالص يا باشا
شريف باشا .. إنت هتطلع علي الزراعي في إتجاه طريق الإسماعيلية الصحراوي .. هتكمل الدائري لأخره هتلاقي نفق السلام .. إنزله و كمل علي طووول لطريق السويس .. هتلاقي يافطة كبييييرة مكتوب علي الرحاب يمين .. أقف قبليها و إحنا هنجيلك .
أهل أكتوبر بقي نتقابل في موبيل اللي بعد زايد 2000 .. و محدش ينسي الزمزماية و كيس السندوتشات :)
يعني اطلع الدائري بتاع مدينه نصر واتجاه الاسماعليه الصحراوي والتجمع الخامس واكمل علي طوووووووووووول لحد مخلص الدائري
انا بقترح مكان من اتنين
1-مكان اسمه لى لاك le lack وده زى مطعم كبير القاعده فيه حلوه جدا كلاسيكيه بعض الشئ لكن يعيبه ان جوده الاكل مش قد كدا هو فيه جنينه وملاهى صغيره للاطفال وطربيزه بلياردو وقاعده المكان ظريفه انا قعدت فيه مرتين حسيت انه ينفع خروجه عائليه اكتر ماهو شبابى وفيه باركينج مجانى كبير لحد ما
2-مكان مطاعم المأكولات الجاهزه food court وده فيه كل المطاعم الجاهزه ماكدونلدز كنتاكى هارديز الشبراوى الخ الخ وكمان فيه اماكن ظريفه ممكن نقعد فيها بعد الاكل كوستا كافيه وسيلنترو الخ الخ جو المكان رائع وكمان وجود عده بدائل هيسمح للكل بأختيار اللى يناسبه والمكان ده شبابى اكتر ماهو عائلى وبيتميز بوجود مناظر جميله وشبه بحيره صغيره وسط المساحات الخضراء وهو يعتبر المكان رقم واحد فى الرحاب للخروجات وبيتميز عن المكان الاول بوجود جامع كبير على بعد خطوات لانى عارف ان معظم الحاضرين هيكونوا عايزين يصلوا الجمعه بالاضافه طبعا لساحه الانتظار الكبيره المجانيه وعموما موضوع الركنه فى الرحاب محدش يشيل همها
معرفش الوصف كافى ولا تحبوا ابقى اروح اصوركوا الاماكن وارفع الصور؟
فى انتظار اراء الاعضاء واى استفسارات انا موجود
فى هناك فود كورت كبير جنب البريتش سكول
دا فى توكيلات مطاعم زى ماك وكنتاكى وفى كمان الشبراوى ارابيتا علشان الاكل
وبالنسبه للقاعده فى كوستا وكافيهات تانيه كتيره حلوه وكل ده فى نفس المكان وفى قدامهم نافوره شيك جدا وكمان هما تحت وفوق كده الباركينج كبير جدا
دا اكتر مكان حلو هناك بليل بيبقى مع الاضاءه والناس وكده بيبقى تحفه انا اصلا اول ماقولتوا الرحاب جه فى بالى الفود كورت
بص يابنى انت تطلع الدائرى وانت جاى من الزراعى تانى طالعه اللى هيا بتاعت مدينه نصر فعلا اوكيه
تكمل على طول هتعدى على نزله مسترد والمرج والسلام دول علشان تبقى عارف انك ماشى فى الاتجاه الصح كمل زى مانتا هتلاقى دخله المطار وموقف السلام على يمينك وفى فى وشك النفق انا ان شاء الله هكون مستنيك بعد النفق هنكمل بعدها طوالى لغايه لما نلاقى نازله طريق السويس على يمينا هننزل ونمشى فى طريق السويس عادى شويه صغيرين هنلاقى بوابات الرحاب على يمينا
ما حدش قال حد هيجيب الاولاد معاه ولا هنقضيها كدة احسن
عشان ده هيعتمد انن كنت هاجى من مصر الجديدة(وانزل الاولاد عند حماتى يوم الخميس)
ولا اقابلكو فى اكتوبر الجمعة ونمشى مع بعض بصراحة مش عايز الموضوع ده يفوتنى
ولو حكمت اجى من مصر الجديدة لاكتوبر عشان نمشى مع بعض
بس المسافة كدة هتبقى بعيدة قوى(ودنك منين يا جحا):majd(4):
هو فعلا النفق بعديها بشويه هى امارت مصر بعد كمين المرج بحوالى 1 كم وهتكمل لغايه اما تلاقى النفق انزل واطلع كمل شويه وخود اليمين علشان تاخد بالك من اليافته اللى هى هتقولك طريق السويس انزل طريق السويس وامشى شويه هتلاقى بوابات الرحاب على يمينك
ده موبيلى انا رجعت الخط 0106020717
كلمنى لو عاوزنى استناك فى اى مكان لو محتاج حاجه فى الطريق
تسلملي يا غالي انا بصراحه عايز اي حد يستناني عشان مجيش لوحدي كده :(
عادي خلاص هجي انا كمان بالصني هههههههههههههههه
هو ايه ده
[QUOTE=bmya;3872127591]هو ايه ده[/QUO
الصنى:36_1_50[1]:
يارااااااااجل حرام عليك الصني ماشيه اقل من السيريون واصلا مبحبش اجري بها
خلاص يا شريف كلمنى وانا هستناك فى اى مكان يا بوب انت تأمر والله انا والماتيريا تحت اوامرك
ميدو انا مش فاهم يعنى ايه انا ماتيريا وهو سيريون
ماهو كلنا من نفسى الام
هههههههههههههههههههه جمده يا محمد من نفس الام دي
خلاص ياباشا ربنا يسهل بس نشوف الملامح الاخيره للرحله ونظبط ان شاء الله
ايه يا جماعه الاخبار يوم المقابله قرب ومقولتوش هنعمل ايه بالزبط
شباب !!!
النهارده الثلاثاء و لم يتم وضع اللمسات النهائية للمقابله
المكان - وقت التجمع - امكانية اصطحاب العائلات - الغداء - امكانية حضور ممثل لخدمة عملاء دايهاتسو(طبعا انسه مي لأ - لاسباب اذكرها لكم فى المقابله) - (امكانية وجود استيكر المنتدى "يا مشرف المنتدى فينك")
ايه يا محمود هو ايه اللي حصل مع انسه مي ؟
انا فعلا مستغرب مش عارفين هنعمل ايه ؟
طيب المكان وهو ....الرحاب
فين فى الرحاب ....اكيد الفود كورت اللى قولتلكم عليه لانه افضل الاماكن هناك
الساعه كام بقى ؟؟؟؟ وحاجات تانيه كتير لازم نعرفها
يا معااااااااااااااااااااااا اذ انته فين يا دكتور ؟
معلش يا جماعة على التأخير
بس انا حاليا بدخل قليل جدا
هو المفروض بالنسبة للمكان
هنختار مكان واحد, مش هنفضل نتنقل بين كذا مكان
اما الميعاد, فرأى يبقى الساعة 11 التجمع, نصلى الجمعة مع بعض و بعد كده نقعد فى اى مكان
طبعا لو حد حابب يجيب اسرتع معاه, مفهاش اى حاجة
المفروض محمود مواورايز كان هيكتب المكان اللى هنتجمع فيه, لأن انا معلوماتى فى الرحاب ضعيفة
فممكن الناس الخبيرة هناك تختار مكان للتجمع يكون سهل الوصول ليه و قريب من الطريق
المكان ممكن يكون كافي لا جاوتشو في الفود كورت ده مكان ظريف أو كوستا .. الكافي الأولاني فيه أكل بس غالي شوية "بس المكرونة البولونيز رخيصة :] " و فيه مينيمام 35 يوم الجمعة و الخميس بس معرفش بيبقي الصبح ولا لأ .. في الأيام العادية 20
كوستا و سينابون واسعين و اوبن أير و مفيش ميني مام .
بس للأسف مش هينفع أروح أتفق معاهم المرة دي لأني مسافر السودان إنهاردة
بسم الله الرحمن الرحيم .
رأى نأجل المقابلة الى أجازة عيد الأضحى المبارك أو أجازة نصف العام الدراسى ..
لية أنا بقول الرأى دة لعدة أسباب :rfds: أرجوا أن أكون غير مخطئ فيها..
* أنا شايف بعد قرائة جيدة لما بين السطور أن الأغلبية مشغولة بماتش مصر والجزائر
والأحداث المتتالية هنا وهناك وفى السودان وربنا ان شاء الله سوف ينصرنا عليهم ..
* نسبة غير قليلة من الأعضاء الكرام عندهم دراسة وامتحانات .
* الى الأن لم يتم عمل بروجرام المقابلة بشكل جيد ومدروس وبدقة حتى لايزعل أحد منا ؟؟
* أحساس لم يفارقنى من لحظة طرح الأستفتاء من د/ معاذ الى الأن أن المقابلة ستكون
بدون روح وبدون حمية حقيقية للتعارف الجدى والمحبوب لأخوة عرفناهم من خلال حروفهم .
بالبلدى كدة مجرد مقابلة والسلام وكل واحد يروح لحالة بسرعة؟
* أساس هذة المقابلة هو توطيد المعرفة والمحبة بيننا وهذا يتطلب وقتا كافيا نجلس فية معا.
وليس من الساعة 11 صباحا ونصلى الجمعة ثم نستعجل العودة قبل حلول الظلام وحساب
مسافة الطريق لنا جميعا سواء سكان قاهرة المعز أو سكان المحافظات..
* آخر مقابلة لنا من عام مضى كانت يوم جمعة وبعد الصلاة جلسنا دقائق معدودة تم تفرقنا ؟
وكان العدد لم يتجاوز 8 أفراد لأنة لم يتم الأعداد الجيد والمدروس للمقابلة وكان الشوق أن
نعيد المقابلة سريعا ولوقت كافى. فهل هذا موجود الأن ؟؟ لا أظن ..
أتمنى ألا يغضب منى أحد أو يقول أننى لا أريد الحضور فقط ما قلتة فى السياق لأننى أريد
أن أستمتع بكم جميعا ( مع ملاحظة أن كثيرا من نجوم المنتدى لم يظهروا حتى الأن ).
وأقبلوا محبتى لكم جميعا.
تحيـــــــــــــــــــــا تى:7[1]:
استاذ/ توفيق
اعترض مع سيادتكم بعض الشيء لانى متحمس جدا لهذه المقابله لدرجة انى الغيت بعض المواعيد و على انتظار ان تكون المقابلة للساعه الرابعه عصرا و ليس لدقائق
اما البروجرام فا اعتقد التواجد فى الفووت كورت مع التعارف و تبادل الخبرات فهذا هو البرنامج .
و مع ذلك فا انا منتظر القرار الاخير يوم الخميس ....
كان نفسى يكون فى برنامج افضل من كدة او تتم تاجيلها لحد منخلص من الماتش
على العموم انا بابدى اعتذارى عن عدم الحضور
وانشاءالله تتعوض
المفروض مافيش اعتذار من احد الا بعذر قهرى(لا قدر الله)
ياجماعة دا احنا بنتفق من شهر انا واحد من الناس ماعنديش اجازة غير الجمعة وانا ساكن فى اكتوبر واهلى اهل المدام بعيد عننا فبشوف دول اسبوع ودول اسبوع
فتخيلو الواحد عامل حسابه من شهر اي ارتباطات بلغيها ولا قدر الله ما كنتش هاجى الا اذا توفانى الله ماتش ايه اللي هنشغل نفسنا بيه(مش سبب) انا مدمن كورة وممكن لو مصر ما وصلتش كاس العالم يحصلي حاجة بس يوم الجمعة هيكون اللى تم تم وخلصنا
الناس اللى ناوية تيجى لو سمحت تتفضل وتقول لو كنا اتنين بس برضه هروح عشان نتعرف علي بعض دة الاستفتاء فيه 23 يعنى مش هنعرف نجمع حتى 10منهم(يبقى كدة كنا بنهرج)
يا جماعة الماتش هايخلص النهارده و لو فى حد فى السودان هايرجع بكره
طب ليه بقى التراجع الغريب ده:majd(4):
على العموم انا معاكو لحد يوم الخميس الساعهPM 5:00 منتظر الرد النهائي بعد كدا انا مضطر اعتذر انا كمان لأن مش معقول افضل شهر بأجل فى المواعيد اللى بعملها كل يوم جمعه و تيجي الناس ترجع فى كلامها بالشكل ده
بسم الله الرحمن الرحيم ..
فى عجالة سريعة لأنى نازل حالا مشوار ضرورى تبع الحكومة أقصد المدام .ولى عودة بعد الماتش..
أحبائى هانى باشا ومحمود باشا وميدو ..
بالرغم من رجوعى أمس ليلا من مركز الرزق ومرهق جدا وجسمى مدشدش..
وبالرغم من أننى أقترحت التأجيل لعدم وجود حرارة وتنظيم جيد لكل التفاصيل .
لكننى لا أستطيع أن أتأخر اطلاقا عن مقابلتكم مهما كانت الظروف .وعندى لكم أخبار كثيرة
طبعا عن السنيورة السيريون .أسمحوا لى الأن ولى لقاء معكم ليلا.
مهندس هانى. لا أقدر على زعلك وكذلك زميل المهنة مهندس محمود. وجميع أخوتى هنا..
تحيـــــــــــــــــاتى
السلام عليكم
أتمنى من الجميع أن يكونوا متواجدين يوم المقابلة لإن كل الناس واحشانى جداً
أنا إن شاء الله رايح الرحاب النهاردة وممكن أسأل على النظام فى كافيه ليلاك ده أوا حاجة بجوار بوابة رقم 6 المكان هناك كبير و البارك واسع عكس الفود كورت
إن شاء الله بالليل أجيب تفاصيل أكتر
والله ياجماعة الواحد قلقان من بعد مااستاذ توفيق قال انة هيجى المقابلة
وعندة اخبار عن السيريون
بجد ربنا يستر تكون اخبار حلوة
sorry to write in english, no arabic keyboard here
for me, ISA i will be there
we need someone expert in rehab to specify a meeting point
as for meeting place, it won't matter much, we can choose after prayer
يبدو أننى سوف أتراجع عن حضور المقابلة ؟؟
ما أراة الأن وما أشعربة يجعلنى فى منتهى الأحباط ؟
آسف ياجماعة أنا غير مستعد أن أقود سيارتى لمدة 3 ساعات
للقاء مش عارف عنة أى حاجة أشكركم ؟؟
تحيـــــــــــــــــاتى