السلام عليكم
أنا لسة مشترى عربية كيا ريو 2004 .. و كان فيها شوية مشاكل فى الكهربا بتاعتها .. الأول كان النور العالى مش شغال .. بعد كده رحت لكهربائى قعد يلعب فى الفيوزات شوية .. و لقيت الفوانيس كلها مش راضية تشتغل .. رحت لواحد تانى عمل نفس النظام .. بس شغلى الفوانيس بس لقيت مرة واحدة الزجاج كله مش راضى يفتح ولا يقفل ..
المهم أنا دلوقتى محتاج إنى أروح لكهربائى فاهم فى الكيا كويس علشان يعرف يصلحلى الدنيا .. فياريت الأعضاء يفيدونى برأيهم و ياريت يدلونى على حد كويس
أنا ساكن فى منطقة عين شمس .. فيفضل طبعا إن يكون الكهربائى ده فى مكان قريب .. بس مفيش مشاكل إنى أروح مكان بعيد فى حين إنه يكون حد كويس يقدر يظبطلى الموضوع
متشكر مقدما على ردودكم