السلام عليكم ورحمة الله
الموضوع ومافية
انا من سكان مصر الجديدة ومن حظى السىء ان ساكن على الشارع امام مترو مصر الجديدة اولا المترو بقى مزبلة كل اللى فى ايدو كيس يرمى اللى معدى بالعربية هوب يروح رامى كل ماتتوقعة ازاز كانز شنطة زبالة حاجة مقرفة بجد دا غير ان فى اولاد بيجرو عجلة يروح يفضى الاكياس فى المترو ويدور على اى شىء معدنى او بلاستيك وياخدة يعنى حتى اللى مجمع الحاجة فى كيس يروح هو مفضيها ازى وخلاص دا غير العربيات اللى محملة طوب مكسر بيرموة على الرصيف وساعات بيجى على الناس اللى ماشية على الرصيف دا غير انهم بيقلبو العربيات المتحملة طوب على جنبها على الرصيف وبعد كدة يرزع فى الحصان علشان يقومة ويجرى بعد قلب الزبالة انا غلبت خلاص خصوصا ان شركة الزبالة دة بتيجى عربيتها تشيل حجات وحجات لا وساعات بيحرقو الزبالة وبينتج عنها ريحة سيئة الواحد مش عارف يعمل اية لدرجة انا بكلم البواب وبقولو مترميش حاجة على المترو دا غير لما بشوف احد حراس العقارات المجاورين بنبة عليهم برضو اعمل اية اكتر من كدة والزبالة مالية الشارع خصوصا من اول كلية التربية لغاية المحطة اللى بعديها فى نهاية الشارع دا غير الاعلانات اللى كانت بطول الرصيف شالوها وسايبين اللمض بس وفى منهم من غير لمض عبارة عن عواميد فى نص الرصيف ويارب يلغو المترو دة لانوا ملوش لازمة ومكسر وبيتقلب كتير ياترى اية الحل هى البلد دى مش حتنضف معلش طولت عليكم بس الموضوع نرفزنى اوى وحبيت افضفض معاكم