السلام عليكم,
في حاجه أكتر من واحد علق عليها بخصوص السواقه بتاعتي ,أنا كنت بجرب اوبترا منيوال عشان هشتريها , المهم أنا كنت سايق وراكب جنبي صاحب العربيه وقابلنا شوية مطبات حلوه , فأنا كنت ماشي عالرابع وبعدين هديت وبعد المطبات اديتها التاني , فاتفجئت بصاحب العربيه اتخض وقالي ايه اللي عملته ده المفروض انك تمور العربيه قبل المطب وتفضل ماشي وبعد كده تديها الغيار.
انت متعرفش ان انت لما بتسقط من غيار لغيار أقل منه بتقصر عمر الماتور؟
وفي تلاته قالوا لي نفس الكلام ده,مع اني بقالي 12 سنه بسوق وكان والدي رحمه الله اللي معلمني ومعلقش ابدا عالقصه دي.
فهل الكلام ده صح؟