توكل على الله عربيه منتشره وسهله الصيانه وتعرف تبيعها بسرعه ومش هتتعبك
عرض للطباعة
توكل على الله عربيه منتشره وسهله الصيانه وتعرف تبيعها بسرعه ومش هتتعبك
انا معاي عربية فيرنا موتور 1500 موديل 2005 باعمل بيها يوميا حوالي 200 الي 250 كم في اليوم - شغلي في طريق الواحات وساكن في مدينة الشروق
العربية عاملة 250000 كم والحمد للة لاتوجد شكوي من العربية ولم يتم تغيير سوي تيل الفرامل و الكاوتش والسيور في المواعيد المحددة
الحمد للة والشكر علي هذة النعمة
باشا انا معايا فيرنا 2009 عاملة 9000 العربية زى الفل بالنسبة للفئة من 65000 الى 70000 جنية موتورها احسن من اللانوس بكتير وتسحب معاك وممكن تغير الجنوط تتقل العربية والشاسية ممتاز وكمالياتها رائعة واللى معاة فيرنا بيحبها واسال كل الفيرناوية
باشا العربية جامدة بس اول متجيبها غير الجنوط خالص مع الكاوتش طبعا وطقم الصوت وقلل من مرواح التوكيل هههههه وهتحس انك مية مية
العربية موتور من الاخر وسحب جامد وبودى احسن من الانوس
ممكن تجيب الفيفا او الجتز
انا بحب اسوق الفرنا جدا...عربية ناعمة جدا و مريحة جدا فى سواقتها و قطع غيارها فى كل مكان و رخيصة جدا, ماتورها قوى و حديث و تكيف ثلاجة و سعر اعادة بيع كويس.
العربية دية يعبها بس كماليتها قليلة و صالونها فقير شوية (بالمقارنة باسبرانزا مثلا) غير كدة هى عربية عملية و ممتازة جدا و اعتمادية جدا جدا فلو مش فارق معاك منظر صالونها الفقير و يهمك اكتر الاعتمادية يبقى توكل على الله و هتها, اما لو يهمك المنظر و الاوبشن يبقى هات اسبرانزا
الخميس 5 ربيع الأول 1431
نصيحة لوجة الله ابعد عن الفيرنا
لو حكمت ومفيش عربيات بنفس الرينج جيب استعمال وابعد عنها
عربية متووووووور وشكل جامد مع التعديل غير كدة مش عربية
ياراجل كنت راكب عربية فيرنا موديل 2007 وكانت ايمها موديل السنة ولسة فابريكة ماشى على الصحراوى على سرعة 110 ل120 وبهدى وشعرت فرامل (عشان محدش يقولى كبست فرامل ملقتش غير ان العربية عومت وهتلبس فى عمود نور فاديتة العربية قلبت .
ربنا ما يكتبها على حد كم الفجعة والاحساس اللى كنت فية .
دة رأى فى العربية دى وعلى فكرة عمى كان معة فرنا وطلع منها بعد كدة مكنش بيعدى ال100ك لعدم ثقتة فى العربية