الموضوع: تويوتا ياريس ولا هوندا سيتي 1.3

فيه سبراى منظف للفرش من إنتاج شركة إسمها Astonish وده بيتباع فى كارفور عشان لو أى بقعة فى الفرش وللا حاجة تتشال فى ساعتها هتلاقيه فى السايت ده https://nt12.orbital.net/astonish/pr...asp?cat_id=c10

أنا جبتها من عند شركة إسمها السبع و جبتها كاش

المشاركة الأصلية كتبت بواسطة gemtawila

أنا جبتها من عند شركة إسمها السبع و جبتها كاش

دفعت كام

أنا بتاعتى 1500 مش 1300 وجايبها بقالى 9 أشهر ف مش هى نفس العربية

انت قلت ان الياريس انعم في الباور ..هل الفرق كبير في موضووع الباور دة ولا برضه السيتي كويسة ,انا معايا دلوقتي لانوس و بصراحة وجعتلي ايدي بجد مش تهريج و تعبت من الباور الزفت بتاعها فبجد النقطة دى مهمة اوى عندي خصوصا انى بسوق مسافات طويلة يوميا

مين قال إن السيتي مش ناعمة بالعكس السيتي ناعمة بس اليارس أنعم و دي ميزة اليارس الرئيسيــــــــــــــــة بالإضافة إلا استهلاك البنزين (بالمناسبة اليارس و السيتي الباور كهربه)

موضووع الابعاد دة انا مش عارفة ليه عامل ازمة مع ان العربيتين اصلا حجمهم صغير يعني انا كنت بسوق كتير الهوندا سيفيك الجديدة بتاعة قريب ليه و مع انها كبيرة بس وهمية و محستش بصعوبة و جمعت الابعاد علي طول .هل دة عيب مخصوص في الياريس و السيتي ولا هو بس مجرد تعود و هناخد عليه زى حال اى عربية و موضووع الكابوت اللى مش شايفينو دى مش مشكلة اوى عندي لانى اصلا في اللانوس مكنتش بشوف الكابووت >>قصيرة حبتيييين

فعلا أبعاد اليارس صعبة و كمان السيتي بس الموضوع تعود أنت شكلك بتسوقي من زمان كمان كونك سقت عربية زي اللانوس ( أصعب من العربيتين) هتتعودي على الأبعاد في أقل من أسبوع

السعر و النقطى دي بقي محيرانى في الياريس لان انا عايزة العربية تكون اوتوماتيك و دلوقتي الياريس اتوماتيك فول ابشن داخلة في الميه الف اهى بعد الزيادة الاخيرة!! سؤالى بقي هل عربية 1300 سي سي تستاهل يدفع فيها 100.000 !!!

معلش الكلام ده مش منطقي و ميدخلش دماغي بنكلة إنت هاتشتري عربية كاملـــــــــــــــــة أوتوماتيك ب98000 أخذت جوائز كتيير ملك شركة محترمة زي التويوتا معروفة بعمر عربياتها الطويل و فرق السعر بين اليارس و الهوندا(في حالة الأوتوماتيك الكاملة هو فرق دول منتجة هو الفرق بين اليابان و تايلند ) أكيد الفرق كبييير جدا (مع إني شايف إن تقفيل السيتي ممتاز بمعنى الكلمة بس أكيد مش أحسن من التقفيل الياباني و دي حاجة مهمة)
بعدين ما تدفعيش 100000 في 1300
طيب بالعقل أنا هاجيب أمثلة كتيير لعربيات أسعارها مبالغ فيها جدا
1-الإيبيزا و البولو 1400 بأكتر من 105000
2-الأوكتافيا 1600 سي سي
3- الجيتا يعني إيه 205000 ألف على عربية زي دي يكفيك تعرفي إنها بتتباع في أمريكا بسعر يبدأمن 18 ألف دولار
4- الإمبيريزا 1600 سي سي هاتشباك سمعت إن سعرها حاجة فوق 1300000 ( مش فاكر الرقم بالطبط) كل ده علشان 300 سي سي زيادة
5-الفيتارا و الجراند فيتارا
6-الستروين بكل فئتها مبالغ جدا بأسعرهم
7- التويوتا كورولا كمان
الأمثلة كتيير بس حكاية 1300 ما تستاهلش أنا بقترح حضرتك تسوقي اليارس و تشوفي بنفسك مش بس اليارس كمان الكورولا 1300 و السيريون 1300 و الهوندا1300

رابعا ز اخيرا : قوة الصاج ,انا سمعت ان الياريس ضعيفة مووووت و الاكصدام بتاعها وحش و كلام كدة هل فعلا دي حقيقة ؟؟ هل هي بالسوء دة في موضووع قوة الصاج . هى العربيات اوكي كلها ورق كلينكس دلوقتي بس الكلام كتير اوى عن ضعف صاج الياريس ,, يا ريت لو حد معاه يفيدنا في الموضووع دة

أيوة صاج اليارس ضعيف بس مش (مووووووووت) بس هو ضعيف هم للأسف اهتموا بالأمان و اهتموا بتسارع العربية و نعومتها و سحبها على حساب قوة الصاج علشان كده تلاقي اليارس جامدة في النقط السابقة بس الصاج ضعيف و ممكن خبطة متوسطة تجيب عظم الباب بس لو حضرتك بتأمني عند شركة محترمة أعتقد إن شاء الله مش هيبقى في مشكلة (اسأل مجرب و ما تسألش طبيب :P بس بما إني مجرب و طبيب يبقى ينفع تسأليني :P ) أما حكاية الإكصدامات دي فهي ميزة مش عيب و موجودة في أي عربية و هدفها قدرة الاكصدام على معالجة نفسه

تاني بقول لحضرتك رأي لو شبابي يبقى يارس و لو عائلي يبقى سيتي