الموضوع: تويوتا ياريس ولا هوندا سيتي 1.3

أنا هاقولك رأي شخصي لأني لا ركبت دي و لا دي
الأثنين شكلهم حلو .............. و لو أني أفضل الهوندا في موضوع الشكل
و الياريس بتنزل هاف أوبشنز و ثمنها تقريبا 84900 و دي فتيس عادة و ليس أوتوماتيك ( أنا لا أحب الأوتوماتيك )
الأوتوماتيك أكثر في استهلاك البنزين :-?
أما لهوندا السيتي فتيس عادة أو يدوي ........ كاملة الكماليات ب 84000
و الأثنين موديل 2007 و أنا رأيي الشخصي البحت ........... أتكلي على الله و هاتي هوندا سيتي أرخص و كماليات أفضل و نفس الجودة
و برضة أستني ردود الأخوة اللي جربوا الأثنين
طيب ليه مش بتفكري في عربية هاتش باك :?: :?: :?: :?: :?:

بص يا توت انا فكرت والله في هاتشباك ياباانى قالولى سيريون و كدة لقيتها يابني داخله في مبلغ و قدره برضه !!! و اسمها عربية صغيرة و فكرت في الجيتز بس مش عارفة كارها الكورى دة و زهقت منه مووووووووت ز الباور بتاعه زفت او يمكن اللانوس بس الله اعلم
انت معاك بونتو صحيح؟؟
طيب عامله ايه معاك و الجديد منها بكام فول ابشن

المشاركة الأصلية كتبت بواسطة tutankhamoun

أنا هاقولك رأي شخصي لأني لا ركبت دي و لا دي
الأثنين شكلهم حلو .............. و لو أني أفضل الهوندا في موضوع الشكل
و الياريس بتنزل هاف أوبشنز و ثمنها تقريبا 84900 و دي فتيس عادة و ليس أوتوماتيك ( أنا لا أحب الأوتوماتيك )
الأوتوماتيك أكثر في استهلاك البنزين :-?
أما لهوندا السيتي فتيس عادة أو يدوي ........ كاملة الكماليات ب 84000
و الأثنين موديل 2007 و أنا رأيي الشخصي البحت ........... أتكلي على الله و هاتي هوندا سيتي أرخص و كماليات أفضل و نفس الجودة
و برضة أستني ردود الأخوة اللي جربوا الأثنين
طيب ليه مش بتفكري في عربية هاتش باك :?: :?: :?: :?: :?:

تعقيب بسيط .. السيتي الـ 1300 يا اما اوتوماتيك يا اما مانيوال.. الفتيس ال ستيب ترونيك (اللي بيشتغل مانيوال و اوتوماتيك في نفس الوقت) كان في الـ 1500 فقط.

لو كنتي من النوع اللي بيغير العربيات في اوقات متقاربه هاتي ياريس على طول... لو مش ناويه تبيعي و العربيه هتفضل معاكي هاتي سيتي لأنها بتخسر في البيع.

لو معندكيش مشكله مع الهاتش باك هاتي السيريون لأنها عربيه جيده جدا بس برو في البيع زي السيتي.

و في جميع الاحوال هاتي اوتوماتيك بلاش مانيوال

البونتو ممتازة ................ الباور بتاعة ناعم .......... زي المية
موتور ممتاز .......... سحب ممتاز ........... شكل ممتاز ............. توفير في البنزين إلى أعلى الحدود
و ثمنها جديدة فتيس عادة أو يدوي و كاملة الكماليات ب 71500 جنيه مصريا .............. و مفيش منها أوتوماتيك
و هي تنفع للبنات قوي بصراحة من ناحية الشكل
بس بمقارنتها بالسيارات موضع البحث .......... طبعا من ناحية الوسع و العلو عن الأرض الهوندا سيتي و الياريس يكسبوا
و برضه الدايهاتسو السيريون تكسب
بصي هي في الآخر موضوع ذوق و نوعية أستخدامك للسيارة
أنا شايف إن البونتو جميلة جدا و لكن السيريون أوسع و أعلى عن الأرض و تقريبا نفس قوة الموتور ( 1300 ) سم مكعب
قطع غيار البونتو ثمنها معقول و بتعيش مدة كبيرة و موجودة خارج التوكيل................. السيريون أعتقد قطع غيارها هاتبقى أغلى شوية و مش سهل تصليحها خارج التوكيل و أيضا مش سهل إنك تلاقي قطع غيارها خارج التوكيل و الله أعلم بخصوص هذه النقطة .
و في النهاية ذوقك أنتي هو اللي هايقرر و ربنا معاكي

:P

بص يااحمد انا فعلا ماليش في تغيير العربيات كتير هي حاجة واحده هجيبها و هقسط جزء منها ف i think i'll be sticked to the car all time long
فعايزة عربية جامدة و تستحمل مسافات كتيرة يوميا عشان الشغل و كدة اما بخصوص الاوتوماتيك فانا متحمساله مووووت و زهقت من النقل كل شوية خصوصا شوارعنا هنا زفتتتتتتتتت

توووت
انا على فكرة سقت بونتو كتيير عشان عربية اختي بونتو 2003 بس انت منأكد من السعر دة اصل هي ساعة ما جابنتها كانت غالية عن كدة متهيألى !! :roll: :roll:
و فعلا الباور بتاعها مية و مش محتاجة اصلا اوتوماتيك جير

طيب بالنسبة للاسعار بتاعة الياريس اوتوماتيك و السيتي اوتوماتيك برضه؟؟؟

البنات + الياريس = مخاطرة كبيرة
فى رأيى الياريس عايزة سائق عتيد يحافظ عليها من وحوش الطرق لأنها صعبة فى قيادتها: أبعاد العربية صعبة ومكعبرة من جميع الاتجاهات +تابلوه فى النص يحول + دبرياج تقيل + اكصدامات خفيفة جدا (اللى بيدلعوها ويقولوا عليها مرنة)
وطبعا ليها ميزات زى استهلاك البنزين ونعومة الموتور .. الخ
لكن الهوندا تكسب بتفوق ، وسعر إعادة البيع لا أعتقد انه هيفرق عن الياريس بعد كام سنة ، وسعر الشراء الحالى لصالح السيتى بإمكانيات أعلى ، وهى برضه فيها شياكة ولمسة بناتى وألوان جميلة وتابلوه جذاب..

هى سيتى!

المشاركة الأصلية كتبت بواسطة Dr Ahmed

البنات + الياريس = مخاطرة كبيرة
فى رأيى الياريس عايزة سائق عتيد يحافظ عليها من وحوش الطرق لأنها صعبة فى قيادتها: أبعاد العربية صعبة ومكعبرة من جميع الاتجاهات +تابلوه فى النص يحول + دبرياج تقيل + اكصدامات خفيفة جدا (اللى بيدلعوها ويقولوا عليها مرنة)
وطبعا ليها ميزات زى استهلاك البنزين ونعومة الموتور .. الخ
لكن الهوندا تكسب بتفوق ، وسعر إعادة البيع لا أعتقد انه هيفرق عن الياريس بعد كام سنة ، وسعر الشراء الحالى لصالح السيتى بإمكانيات أعلى ، وهى برضه فيها شياكة ولمسة بناتى وألوان جميلة وتابلوه جذاب..

هى سيتى!

تصدق اقنعتني!!!

انت فعلا كلامك مقنع و عندك حق في موضووع الابعاد دة و كمان الدبرياج تقيل مووت وبيقولو كمان لازم افضل دايسة عليه شوية و انا بدور العربية و حوار كدة
و كل شوية بسعر شكل !!!
انا هستخير علي السيتي ان شا الله و ربنا يسهل
بس اجيبها منين ؟؟؟

في موقع كونتكت دة لقيت ناس هنا من المنتدى بتقول عليه بيجيب الاسعار بس is it updated or not???