الموضوع: لماذا تتفوق اللينيا ؟؟!!

المشاركة الأصلية كتبت بواسطة ahmed20_08nubira

العربيه بالسبه ليا تتفوق فى الاتى....
1- شكلها من قدام وحش ما شاء الله وعلامه الفيات حاجه فخمه جدا بالاضافه اللى الجنوط الرائعه
2-العربيه موتورها جبار مع انه مش 1600
3-سعرها ودة الاهم...كويس جدا بالنسبه لامكانيتها
4-كماليتها عاليه اوى وموضع التكييف الخلفى دة جامد جدا
5-عربيه ايطالى من الاخر

+1
٦-أمان عالي جدا وثبات خرافة بشهادة كل الي ركبوها
٧-تصفيح بالكامل من تحت
٨-شكلها من ورا فخم جدا
٩-بتوفر في البنزين داخل البلد(التربو بيفصل تحت ال٢٠٠٠ لفة\دقيقة)
١٠-بتوفر بنزين على الطرق السريعة (عشان الإروديناميكس-الدراج كوفيشينت- وإن التربو بعد ما توصل للسرعة المطلوبة بيقلل سرعته فبيقل الإستهلاك وأول ما تقرص على الدواسة يرجع لسرعته تاني)

المشاركة الأصلية كتبت بواسطة kareemhisham

سبب التفات الناس ليها هو السعر المغرى مقابل الاوبشنز .. و طبعا انها عربية اوروبى

اما لو على باقى الحاجات القالها الاعضاء فهى موجودة فى عربيات تانية و اهمهم السيراتو ..

و انا شايف ان يعيبها ان بها تربو .. فلو حضرتك عايز القدرة الحقيقية للموتور يبقا لازم بنزين 95 .. غير كدة ان صيانته هتبقا لازم فى التوكيل و طبعا هتبقى مكلفة ..

دة غير ان التوكيل سمعته سيئة (كلام الاعضاء هنا)

و دى وجهة نظرى مش اكتر .. و ياريت محدش يزعل

أنا كنت هحجز خلاص السيراتوا بس لما شفت اللينيا إتوهمت بيها بصراحة وهقلك إيه الي خلاني أفضل اللينيا (فرق السعر مفكرتش فيه أصلا)
1) الخامات الداخلية
2) الصاج أقوى بمراحل
3) التصفيح
4) الأمان 6 إيرباج
5) إستهلاك البنزين
6) الإيرو داينامكس
7) العافشة أنعم
8) موتور عزمة أعلى بمراحل والهورس بور عند 5000 بس لكن السيراتوا عند 6400 يعني مش لازم تحرق الموتور عشان تاخد الهورس باور كامل
9) أوفر في البنزين على الطرق السريعة
*) التسليم بيبقى بالكتير في شهر ودي أهم ميزة
نيجي للمميزات السيراتوا
1) الكنبة الخلفية أوسع
2) إنتشار أكبر
3) أوتوماتيك (ميفرقش معايا لكن تفرق مع غيري)
4) جنط 17 (مش فارق عن ال16 بالنسبالي)
5) شكل أجمل (بس مش معنى كده اللينيا وحشة بس اللينيا مش شبابي زي السيراتوا)
6) توكيل أكثر إحتراما (لكن أوماترا بيتحسنوا بشكل ملحوظ وإن كان بطيء)
7) ضمان 5 سنين

أما البنزين وحكاية ال95 البنزين ال92 هيقلل بالكتير 2 أو 3 حصان (معقدش إنها هتفرق مع الواحد إحنا بنسوق في مصر مش في سباق)
والتربو مش عيب لإنه متركب في المصنع ومدروس مش واحد مركبة عند ميكانيكي (مفيش منه مشاكل)
وكده كده العربيات الحديثة لازم التوكيل لإنها كلها computer controlled فمش هستأمن صنايعي عليها
وهيا برده وجهات نظر وممكن الي أنا شايفة كويس غيري يشوفة وحش والعكس

المشاركة الأصلية كتبت بواسطة asas223

انا نفسى اجيبها دلوقتى بصراحة بس عندى مشكله رهيبة ففى فكرة انى اعمل حادثة مثلا لا قدر الله او حاجة تعطل واحتاس بيها بعد كدة الفكرة مش فى غلو قطع الغيار .. كل الجديد غالى بس الاقيها .. مش فاهم يعنى ايه يبعتوا يجيبوا قطعة الغيار بالدى اتش ال .. افرض يا عم التوكيل قفل .... وشكله بالنظام بتاعة دة حيقفل قريب ساعتها اجيب انا قطع الغيار منييييييييييييييييييييين وبكام

متخفش التوكيل مش هيقفل وكل حاجة موجوده عندهم إتأكدت من كده من مهندسين جوه التوكيل ده غير إن في ناس بتجيب قطع الغيار الأصلي غير التوكيل (وبسعر أرخص)