سؤال عن زيت شل التخليقي

**mekkawy0** · 29-10-2009 07:47 AM

يا جماعة أنا معايا لانوس موديل 2006 بس مش بمشي بيها كتير. هي دلوقتي عاملة 30000 كلم. من أول ما جبتها كنت باحط زيت شل معدني(5000 كلم) لكن آخر مرة قلت أجرب التخليقي (10000كلم). الصنايعي في البنزينة قاللي إننا مش محتاجين تنظيف دورة الزيت (flushing). المهم إني حسيت فعلا بفرق في العربية.
أنا دلوقتي حاطط الزيت من سنة بالضبط بس مشيت في السنة دي 5000 كلم فهل لازم أغير الزيت ولا أستني عليه شويه مع العلم إن أنا مشيي باعربيه هادي و مش باعدي 100 كلم/ساعة.
معلهش يا جماعة، طولت عليكو.

**samirayad** · 29-10-2009 01:20 PM

غير الزيت أفضل وكويس أوى كده
وممكن تتحول للمعدنى
على أساس أن أستهلاكك ضعيف زى حلاتى
يا أما تستمر على التخليقى ومتكترش عن سنه
عن نفسى محتار فى النقطه دى فعلا
وأحتمال كبير جدا أتحول للمعدنى
أو أستمر مع التخليقى ومش حكتر عن سنه
والصح طبعا تغيير الزيت كل ستة أشهر

**Eng.Sameh** · 29-10-2009 01:33 PM

المفروض ان الزيت التخليقي بيقعد 10000 كيلو او ستة اشهر ايهما اقرب .. يعني سنة كتير قوي ، لأنه بيفقد خواصه بعد الفترة المحددة .. ده على حد علمي والله اعلم

**mekkawy0** · 29-10-2009 01:45 PM

المشاركة الأصلية كتبت بواسطة samirayad

غير الزيت أفضل وكويس أوى كده
وممكن تتحول للمعدنى
على أساس أن أستهلاكك ضعيف زى حلاتى

شكرا يا هندسة على الاهتمام بس في استفسار:
لو أنا غيرت لزيت معدني ححتاج إني أنظف دورة التزييت الأول؟

**samirayad** · 29-10-2009 01:52 PM

لو أنا غيرت لزيت معدني ححتاج إني أنظف دورة التزييت الأول؟

يفضل ذلك لأزالة أى رواسب زيت قديم من التخليقى
وبرضه فايده لدورة تزييت المكنه
وأن شاء الله
حعمل كده زيك برضه
بعد الأطلاع والتعرف على طريقة أستعمال عبوة زيت الشطف

**reamoz** · 29-10-2009 02:26 PM

المشاركة الأصلية كتبت بواسطة samirayad

يفضل ذلك لأزالة أى رواسب زيت قديم من التخليقى
وبرضه فايده لدورة تزييت المكنه
وأن شاء الله
حعمل كده زيك برضه
بعد الأطلاع والتعرف على طريقة أستعمال عبوة زيت الشطف

اسمحولي أقول علي الطريقه على حسب مانا فاكر
ساعة مانيجي نغير الزيت يعني وإحنا في البنزينة أو عند الميكانيكي
نسكب محتويات عبوة مادة الشطف مكان إضافة الزيت ثم تشغيل السيارة لمدة 3 إلى 5 دقائق
ثم بعد ذلك نفرغ الزيت من خلال الطبة أسفل كارتيرة الزيت ثم فك الفلتر لأنة يجب تغيرة في هذة الحالة لأنه سوف يكون به بعض الزيت المختلط بمادة الشطف التي تحتوي بالتأكيد على مواد كيماوية تعمل على تحلل الزيت وقلة لزوجتة حتى ينساب من جميع أجزاء المحرك بسهولة فلذلك اؤكد على ضرورة تغير الفلتر
وترك السيارة لتصفي ما بها من زيت قديم جيدا
ثم بعد ذلك إضافة الزيت الجديد كما هو متبع.
ويفضل في ذلك الغيار عدم إطالة فترة إستخدام الزيت الجديد لنفس السبب إذ ربما يكون هناك نسبة قليلة متبقة من الزيت القدي المختلط بمادة الشطف.

**samirayad** · 29-10-2009 02:36 PM

ويفضل في ذلك الغيار عدم إطالة فترة إستخدام الزيت الجديد لنفس السبب إذ ربما يكون هناك نسبة قليلة متبقة من الزيت القدي المختلط بمادة الشطف

أنا حشترى دماغى علشان الحته دى
وأقلب من غير ما أشطف
ما أنا كنت بأستعمل معدنى وحولت لتخليقى بدون شطف ولا غيره
طالما فيها مواد كيماويه
ماهو لازم بيكون فيه بواقى من أثر القديم