مشكلة عجيبة احترت ليها

**moko_2004** · 29-10-2009 12:23 PM

معايا سيارة نوبيرا ون كوري موديل 1997 فتيس اوتوماتيك
فيها عيبين لم أجد لهما حل

العيب الأول :
ثقل كبير جدا في الطلعة الأولي بمعني لوماشي جنب عربية 126 وقارص علي اخر البنزين بعد مطب مثلا تسبقني وبعد السحبة الأولي تحدث نتشة وبعدين تبقي العربية سريعة وزي الفل

العيب التاني :
عند السرعات العالية تفقش العربية عند سرعة 140 و لاتزيد الا بصعوبة شديدة و اخري في السرعة 160 بالعافية ولمدة دقاقئق قليلة تقل بعدها السرعة الي 140 بغض النظر عن ضغطتي للبنزين وهذة السرعة بمزاجها مرة تجي ومرة ماتجيش.

مع العلم اني كاشف عليها كومبيوتر ولا يوجد اية مشاكل بالموتور بل بالعكس الكشف انثب ان حالتة ممتازة مع العمر الطويل للسيارة

راجعت علي كل التوصيلات و الخراطيم و الكهربا والعفشة وخلافة ولم توجد اي مشاكل

افتوني افادكم الله

**ahmed_h_g** · 01-11-2009 11:35 PM

حضرتك بتمون بنزين أه وغيرت زيت الفتيس أخر مره أمته وعمتلتلها صيانه كامله ولا لأ ؟؟؟
أنا هقول لحضرتك من الأخر
أكشف على كل اللى هكتبهولك بالترتيب
البوجيهات - كابلات البوجيهات - فلتر الهواء - البخاخات للأنجكشن - فلتر البنزين - طلمبة البنزين - زيت الفتيس - دسك وأسطوانه وفى الأخر لو كل ده سليم يبقى الفتيس ...

**future_aya** · 02-11-2009 12:40 AM

يرجى الكشف على - طلمبة البزين - ثم الانجكشن - ثم الرشاشات وشكرا

**caysersosaih** · 02-11-2009 06:15 AM

هل يوجد دسك واسطوانة في الأوتوماتيك؟؟؟

الموضوع زيت فتيس او بوجيهات

**alzelafy** · 03-11-2009 05:49 PM

زيت الفتيس اولا قبل اى شىء

**moko_2004** · 07-11-2009 01:44 PM

زيت الفتيس جديد
البوجيهات عملت عليهم غيارين ب 3000 كيلو
البنزين 92 علاطول لما خرب بيتي
فلتر الهوا لسة مغيرة من شهرين
فلتر البنزين مغيرة من حوالي 4 شهور
البخاخات مغيرها مع فلتر البنزين
معلومة عند الكشف بالكومبيوتر توقيت البخاخات كان 1.5 ملي ثانية و المهندس بيقولي انة كدة كويس لان العربية الجديدة بتكون 1.3 ملي ثانية (محتاج بعض التوضيح في النقطة دي)

اللي لسة ماكشفتش علية هو التالي
1- طلمبة البنزين لأني معرفش يتكشف عليها ازاي
2- كابلات البوجيهات لان هضطر احل حاجات كتيرة علشان اكشف علية من ناحية البوجيهات
3- الدسك و الأسطوانة ؟؟؟؟ انا عربيتي اوتوماتك هل من الممكن الكشف علي الدسك و الأسطوانة بتوعها؟؟

فية نقطة اخيرة نسيت المح ليها ان عربيتي صوتها اعلي شويتين من اللي زيها
و شكرا للأهتمامكم وهرد قريبا في الحاجات اللي لسة ماكشفتش عليها

**moko_2004** · 10-01-2010 11:42 AM

كشفت علي طرمبة البنزين و قالي الميكانيكي ممتازة
كابلات البوجيهات و البوجيهات كويسين وحرقهم كويس
فية ناس قالتلي ان الفتيس بقي ناعم ويفضل اسقط فتيس وارد الخارج ارجو الأفادة لأنة ب 2000 جنية غير اجرة الباشا اللي هيركبة

**reamoz** · 10-01-2010 03:30 PM

ياباشا طالما السحب عندك مختلف قوتة من غيار لغيار تاني يبقى المشكلة في الفيتيس مش أي حاجة تانية
الفيتيس الأوتوماتك مافيهوش دسك ولا إسطوانة فيه حاجة إسمها تورك كونفيرتر ودي بردة مالهاش علاقة بمشلكتك
دي غالبا بنسبة كبيرة جدا بلفات جوة الفيتيس بايظة ودي بتتغير
شوف حد بتاع فيتيس أوتوماتيك كويس وهوه هيفيدك إنشاء الله
وعموما اللي أنا أعرفة وعن تجربة مع ناس كنت أعرفهم زمان إن أوتوماتيك النوبيرا وحش جداً وإتعمل له عمرة فيتيس في مركز خدمة كبير مرتين وبردة كان بيبوظ تاني
بس هما كان عندهم مشكلة غير بتاعتك
كان الفيتيس مش بيجيب رابع كان بنقل أول وتاني وتالت بس وعملها معانا وكنا راجعين من شرم الشيخ فضلنا ماشيين على التالت طوووول السكة!

**moko_2004** · 19-01-2010 09:57 AM

غيرت علبة البلوف "عقل الفتيس" و لاجديد
البوجيهات جديدة و مع ذلك نفس المشكلة
انا شاكك من الأول انة الفتيس فحاليا صابر علي الفتيس دة لما ينتهي خالص و بعدها ابقي اسقط واحد استعمال الخارج

-

الموضوع: مشكلة عجيبة احترت ليها

LinkBack

أدوات الموضوع

عرض

العرض المتطور

-

-

-

المواضيع المتشابهه

مشكلة عجيبة

مشكلة عجيبة جدا جدا

مشكلة عجيبة في ماروتي

مشكلة عجيبة فى 127

مشكلة عجيبة في النوبيرا

الكلمات الدلالية لهذا الموضوع

المفضلات

المفضلات

ضوابط المشاركة