أرجو المساعدة مشكلة محدش عرف يحلها fista98

**ZAMALEKALX** · 29-10-2009 05:16 PM

[OVERLINE][OVERLINE]من يوميين أتفاجئت ان العربية مفيش سحب خالص و كانت بتبطل فا كنت قريب من الحرفيين رحت تكنو بوش واحد بص عليها من برة كدة وقالى الماكنة دى عاوزة تتفك مسمعتش كلامه ورحت متصل بالميكانيكى بتاع العربية ( ميكانيكى فورد ) قالى أ،ا قريب منك وجايلك . المهم فى الشارع نضف فلتر الهوا العربية دارت وقالى هاتهالى الورشة .روحت واشرتيت منطف انشجشن ونظف الإدلر وبوابت ال tps وجربنا لسة مفيش سحب خالص مبتعديش ال 40 فى التانى وتقريبا المشكله فى اليار التاى مش بتسحب خالص. قالى يبقى لازم نغير موتور طرمبة البنزين غير الطرمبة برضة مفيش نتيجة قاللى العربية لازم تتحط على جهاز كشف الأعطال .روحت لميكانيكى عنده الجهاز وطلع فية مشكلتين الvss and tps غيرت الإتنين برضة لسة المشكلة موجودة .مع الملاحظة ان جربلى وحدة كمبيوتر من عنده علشان ممكن تكون المشكلة فى الكمبيوتر وبرضة المشكلة لسة موجودة قاللى مفيش غير الشكمان ممكن يكون من العلبة فرحت لبتاع الشكمان وخرملى قبل العلبة وجرتب .برضة المشكلة لسة موجودة .يا ريت يا جماعة حد يقوللى ممكن يكون اية ولو ممكن رقم تليفون علشان اقدر أوصل لحل علشان بجد انا حالتى النفسية تعبانة جدا.

**reamoz** · 29-10-2009 06:21 PM

متابع وإنشاء الله تلاقي حل عاجلاً

**ZAMALEKALX** · 29-10-2009 06:49 PM

[الف شكر .

**gebreel** · 29-10-2009 07:09 PM

متابع و هي الفيستا كدة احيانا تلففك حوالين نفسك بس في الاخر بتتظبط و ترجع فيستا جميلة من اول و جديد
فيه ميكانيكي انا كنت بتعامل معاه ايام ما كانت معايا و هو ميزته انو شاطر جدا و حافظ العربية زي اسمو و الميزة التانية انو مش من النوع اللي يقلك غير و خلاص لأ ده يحاول يعدل اللي موجود و يصلحو لو معرفش يقلك روح هاتلي كذا
هو اسمو هاني في بنزينة موبيل اللي عند سوق الحي الثامن و لو عاوز رقموا انا تحت امرك

**ZAMALEKALX** · 29-10-2009 08:20 PM

ولو حضرتك أو أى حد يعرف ايه هو الtps , vss( vehicle speed sensor ) ,وكانهم فييين بالظبط علشان أتأكد أنى فعلا الميكانبكى هم دوول اللى غيرهم ولا لأ . وشكرا

**gebreel** · 29-10-2009 08:47 PM

المشاركة الأصلية كتبت بواسطة ZAMALEKALX

فعلا أنا عاوز أقولك انى التهارده قررت أبيع ورحت البنزيمة وإدتها غسلة تمام وفجأة العربية اتظبطت 85% أنا مش عارف . بسي أنا من مدينة نصر ولو إدتنى رقم الميكانيكى ده يبقى كتر خيرك وأنا متشكر لردك وده ميلى لو حبيت نتكلم samirabie@yahoo.com

بص يا باشا بصراحة قرار البيع انا معاك فيه، انا بعت و اشتريت لوجان و العربية ما شاء الله عليها
و طبعا ياريت نتكلم و ده ميلي mahmoud_gebreel@hotmail.com
بالنسبة لرقم الميكانيكي هو اسمو هاني زي ماقلت لحضرتك و رقمو 0129088831 و لو رحتلو هو عندو واحد اسمو محمد ماتتعاملش معاه استنى هاني لان محمد ده خبرتو قليلة و اسهل حاجة عندة غير غير غير و حاجة تاني هقلهالك على هاني ممكن يكون غالي في بعض الحاجات بس انا معرفش نظامو ايه بالنسبة لميكانيكة الفورد التانيين بس هو فاهم جدا و عملت عندو عمرة و العربية الموتور كان مظبوط ساعة لكن كان عندي مشكلة في الكومبيوتر كانت مبرجلة العربية كلها

**gebreel** · 29-10-2009 09:27 PM

على حسب الحالة قولي اخبارها ايه و انا ان شاء الله ممكن اقدر اقلك سعرها بالنسبة لوقت ما بعت انا كان معايا 99

**gebreel** · 29-10-2009 09:32 PM

و بعدين هديلك نصيحتين
الاولى ان السوق يوم الاحد بيبقى احسن في البيع و الناس من الجمعة
و العربية مش هتجبلك سعرها في السوق لان التجار بيفطسو الاسعار فانت ممكن تنزل السوق مرة او 2 تصور العربية من المواقع اللي زي car100100 او contactcars و دول بيبقى الناس اللي جاية منهم ناس فعلا عاوزة تشتري مش عاوزة تتسلى
و ماتنساش طبعا تقول دعاء السوق و تفضي العربية خالص علشان انت هتبقى واقف في الشارع و العربية كلها مفتحة و لو تعرف تاخدلك لفة في السوق تعرف اخواتها معروضين بكام و تشوف كل عربية و تشوفها رشو ولا لأ و دواخلها اخبارها ايه و كدة علشان لما تيجي تتكلم تبقى عارف اللي حواليك عارضين ايه و بكام
و ربنا يوفقك ان شاء الله و لو عاوز اي حاجة انا تحت امرك

-

الموضوع: أرجو المساعدة مشكلة محدش عرف يحلها fista98

LinkBack

أدوات الموضوع

عرض

-

-

-

-

-

المواضيع المتشابهه

أرجو المساعدة في مشكلة ال understeer

مشكلة غريبة جدا...أرجو المساعدة

مشكلة محدش عارف يحلها

مشكلة فى السنتر لوك أرجو المساعدة

مشكلة أرجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة