المشاركة الأصلية كتبت بواسطة أبـو آســـــر
أنا اول مرة اشوف ناس بتحتزي ببعض في الفشل
يعني علشان مودرن مودتور عنده مشاكل في الصني و غبور في هيونداي
يبقى لازم منصور يبقى أفشل منهم الاتنين
مش مبرر ان منصور يبقى زبالة و فاشل و نصاب
طيب ليه منقولش انه لازم يبقى كويس زس البافارية
يعني هو لازم يتنافسوا في الفشل
طيب لما هو ده الطبيعي ما بيقولوش ليه كدة في الأعلانات و البرشورات بتاعت العربيات بتعاتهم
يعني مثلاً كان يكتب في برشور الأفيو ان فيها مشاكل في الطنابير و علية الدركسيون و الزوايا و العفشة عموماً بتزيأ و المساعدين بتضرب
و في حاجة كنت ناسيها الدهان بتعها بيطلع من الغسيل العادي
غير ان في مشكلة ظهرت و انا كنت فاكرها حادثة ان الرفرف اليمين بيريح على الباب
ليه الحاجات دي ما تتكتبش لما هي طبيعية زي ما بتقولوا
ليه ما تتكتبش و المستهلك يقرر إذا كان يشتري العربية بالمشاكل دي و هيقدر يتعايش معاها و لا لاء
زي ما انتوا كاتبين المميزات الي هي عادية زي أكصدامات بلون السيارة و الهجص ده و اريال مدمج في الزجاج الخلفي قمة التكنولوجيا
لازم يتكتب العيوب و المستهلك ساعتها يقرر يشتري و لا لاء
و مش لازم علشان في توكيلات حرامية و غشااشين يبقى ده مبرر ان منصور كمان يبقى حرامي و غشاش